Mosfellingur - 19.11.2020, Blaðsíða 16
Brásól Brella er ný og
spennandi barnabók
Brásól Brella: Vættir, vargar og
vampírur er fimmta bókin eftir
Mosfellinginn Ásrúnu Magnúsdótt-
ur en jafnframt sú fyrsta sem fellur
undir það að vera furðusaga eða
fantasía. Brásól Brella kemst að því
að hún er norn daginn sem hún
breytir pabba sínum (alveg óvart)
í puntsvín! Þá eru góð ráð dýr því
hún þarf að finna leið til þess að
breyta honum til baka sem virðist
hægara sagt en gert. Sagan gerist í
ævintýraheimi og má í henni finna
ýmsar vísanir í klassísk ævintýri og
þjóðsögur. Bókin hentar börnum
á aldrinum 8-12 ára og er mynd-
skreytt af Mosfellingnum Iðunni
Örnu sem blæs lífi í persónurnar
af sinni alkunnu snilld. Er þetta
þriðja samstarfsverkefni Ásrúnar
og Iðunnar en áður unnu þær
saman að Ævintýri Munda lunda og
ljóðabókinni Hvuttasveinar.
GAJA komin með
starfsleyfi til 2036
Umhverfisstofnunin hefur tekið
ákvörðun um útgáfu á starfsleyfi til
handa SORPU til reksturs gas- og
jarðgerðarstöðvar í Álfsnesi. SORPA
hefur heimild til að taka á móti allt
að 30.000 tonnum á ári af lífrænum
heimilisúrgangi og allt að 10.000
tonnum af fljótandi lífrænum
heimilisúrgangi til gasvinnslu og
jarðgerðar, þ.e. vinnslu á jarðvegs-
bæti, í gas- og jarðgerðarstöð í
Álfsnesi. Starfsleyfið öðlast þegar
gildi og gildir til ársins 2036.
Systkini framleiða
einstök skurðarbretti
Systkinin Hulda og Þorgrímur Kol-
beinsbörn bjóða upp á skemmtileg
skurðarbretti úr beyki. Brettin koma
í tveimur stærðum 45x30 cm sem
kostar 5.900 kr. og 15x30 cm sem
kostar 3.000 kr. „Við bjóðum upp á
bretti úr beyki með mynd sem er
brennd í viðinn. Hægt er að velja um
rjúpu, hreindýr, hest, heiðargæs, lax
eða ostaplatta. Einnig er hægt er að
bæta þínum texta við fyrir 2.500 kr.
Svo er hægt að fá hjá okkur fjölnota
gjafapoka utan um brettið fyrir
350 kr. og þá er pakkinn klár undir
tréð,“ segir Hulda. Frekari upplýs-
ingar er hægt að sjá á heimasíðunni
Lavaland.is en pantanir berast á
pantanir@lavaland.is Hægt er að
fá sent með póstinum eða sækja í
Desjamýri 1.
-Nettengd með snjallstjórnun
-Ryksugar og moppar
-Gott minni
-Engar hindranir
-Hentar fólki með gæludýr
- Bæjarblað allra Mosfellinga16
5. desember
kl. 10-17
jórunn og birgir
hlýða á blásturinn
Kennarar Skólahljómsveitar Mosfellsbæjar glöddu á dög-
unum heiðursfélaga sveitarinnar með blæstri í bílakjallara
í Gerplustrætinu. Þau Birgir D. Sveinsson og Jórunn
Árnadóttir tóku uppátækinu vel á þessu skrýtnu tímum.
Blásið í Bílakjallara