Mosfellingur - 19.11.2020, Blaðsíða 34

J a k o s p o r t ( N a m o e h f . ) - s m i ð J u v e g i 7 4 ( g u l g a t a ) - 2 0 0 k ó p a v o g i
Sími: 566 7310 - jakosport@jakosport.is - jakosport.is
w w w . J a k o s p o r t . i s
Cecilía Rán valin
efnileg­ust í Pepsi Max
Cecilía Rán Rúnarsdóttir, mark-
vörður úr Fylki, var valin efnilegasti
leikmaður Pepsi Max-deildarinnar
í sumar. Cecilía Rán er 17 ára
gömul og lék sinn fyrsta landsleik
fyrr á árinu. Auk þess að vera valin
efnilegust var hún valin besti ungi
leikmaður deildarinnar af sérfræð-
ingum Stöðvar 2 og var í liði ársins í
Morgunblaðinu.
Æfing­ar barna
hefjast á nýjan leik
Æfingar barna á leik- og grunn-
skólaaldri hófust aftur miðvikudag-
inn 18. nóvember eftir tilslakanir.
Takmarkanirnar eru þó þessar:
Leik- og grunnskólabörn í 1.-4. bekk
mega vera 50 saman að hámarki.
Grunnskólabörn í 5.-10. bekk mega
vera 25 saman að hámarki. Blöndun
hópa er leyfileg. Iðkendur fæddir
2004 og eldri geta ekki hafið æfingar
að þessu sinni. Einungis skráðir
iðkendur hjá Aftureldingu geta
mætt á æfingar félagsins.
- Íþróttir34
Blakdeild Aftureldingar afhenti þriðja
árið í röð endurskinsmerki til allra barna
á leikskólum og grunnskólum bæjarins, 4
ára og eldri.
Verkefnið er unnið í samstarfi við VÍS
ásamt nokkrum fyrirtækjum í Mosfellsbæ,
Tengi og UMSK en öllum fyrirtækjum í
bæjarfélaginu er boðið að vera með í þessu
verkefni.
Endurskinsmerkið er í formi armbands
sem smellt er á hönd eða fót og hentar t.d.
vel fyrir íþróttafólk.
Afureldingarmerkið prýðir armband-
ið svo iðkendur geta stoltir borið merki
íþróttafélagsins okkar og stuðlað að því að
þeir sjáist betur í skammdeginu sem nú er
að hellast yfir.
Blakdeild Aftureldingar vill koma á
framfæri kærum þökkum til þeirra fyrir-
tækja sem styrktu þetta þarfa verkefni í ár
og vonast til að sjá börnin í bænum betur
í vetur.
Eftirtalin fyrirtæki tóku þátt í verkefninu:
VÍS, Krónan, UMSK, Múlalundur, Mosfell-
ingur, Fasteignasala Mosfellsbæjar, Ístak,
Tengi og Afltak.
Gjöf til allra barna 4 ára og eldri • Armband sem smellt er á hendi • Þriðja árið í röð
Blakdeildin gefur endurskinsmerki
anna greta skólastjóri í Varmárskóla tekur
Við gjöf frá gunnu stínu formanni blakdeildar
ágúst, gunnar og atli
Byggingafyrirtækið Reykjamelur ehf. styður við handknattleiksdeild Aftureldingar
Gefa yngri iðkendum handbolta
Þeir Ágúst Jóhannsson og Atli
Bjarnason hjá byggingaverktaka-
fyrirtækinu Reykjamel ehf. færðu
handknattleiksdeild veglega gjöf á
dögunum.
Um er að ræða handbolta fyrir
alla iðkendur í 5.-8. flokki félagsins
og verða þeir afhentir á næstu
dögum.
„Gjöfin kemur sér afskaplega vel
á þessum tímum eftir æfingahlé.
Krakkarnir hafa sýnt mikla þolin-
mæði og þrautseigju í gegnum
þessar takmarkanir að undan-
förnu,“ segir Gunnar Magnússon
yfirþjálfari yngri flokka félagsins.
Æfingar hjá Aftureldingu hefjast
aftur af krafti í vikunni. „Við vildum
styðja við starfið eftir erfiðan vetur
og frábært að geta glatt krakkana
og stutt þau með þessum hætti,“
segja þeir Atli og Ágúst sem
afhentu Gunnari boltana í verslun
Jako á dögunum.