Ægir - 2019, Síða 25

25
breytingu skipanna í Póllandi. Þau hafi
átt að koma byrjun janúar og um miðjan
mánuðinn.
„Það setur okkur aðeins í vandræði
að fá þessa seinkun á okkur. Við verðum
bara að vinna með því. Við erum ennþá
með gömlu bátana í rekstri en þeir detta
út einn af öðrum þegar líður á árið. Með
þessu erum við að hugsa til langs tíma
og að ekki þurfi að huga mikið að þess-
um flota næsta áratuginn eða svo.“
Ný vinnslulína tekin í notkun
í mars
Ásgeir segir að nokkrar breytingar séu
að ganga yfir í sjávarútveginum. „Við
finnum það að kvótar í mörgum tegund-
um sem eru okkur mikilvægir eru að
minnka, t.d. í humri og síld. Kvótar bæði
á íslensku síldinni og norsk-íslensku
síldinni eru í lágmarki og humarveiðar
gengu illa í fyrra. Að öðrum kosti hefur
gengið ágætlega.
Við erum líka að byggja upp ferskfisk-
vinnslu hérna á Hornafirði. Erum að
taka í notkun nýja línu frá Marel í mars.
Það er þess vegna mikið undir hjá okkur
á þessum tveimur árum, 2018 og 2019 en
þegar breytingarnar hafa gengið í gegn
lítum við björtum augum til framtíðar-
innar,“ segir Ásgeir.
Auk þessara skipa gerir Skinney-
Þinganes út bátinn Vigur í litla kerfinu
og uppsjávarveiðiskipin Ásgrím Hall-
dórsson og Jónu Eðvalds. Skinney-Þinga-
nes rekur bolfisk-, humar-, uppsjávar-
vinnslu og fiskimjölsverksmiðju á Horna-
firði og ferskfiskvinnslu í Þorlákshöfn.
■ Skinney og Þórir í smíðum í Vietnam. Skipin verða síðan flutt til Noregs og kláruð þar.
■ Teikning af Þóri eins og hann verður eftir breytingarnar.
■ Teikning af nýju skipunum tveimur sem nú eru í smíðum.
Hornafjörður
■ Skipasmíðastöðin í Víetnam.