Ægir - 2019, Side 24

24
„Vöruflóra okkar nær til flest allra
geira atvinnulífsins og hefur sjávar-
útvegurinn verið að koma sterkur inn
og seljum við mikið af persónuhlífum
fyrir sjómenn, t.d. hlífðarfatnað,
hjálma og skó en einnig gas- og súr-
efnismæla, öryggisblakkir o.fl. Slysin
gera ekki boð á undan sér og um borð
í skipum geta skjótt skapast stór-
hættulegar aðstæður og skynsamlegt
að hafa gert ráðstafanir sem geta
bjargað mannslífum,“ segir Þorsteinn
Austri Björnsson, sölustjóri Dynjanda.
Fyrirtækið Dynjandi ehf . var stofnað
árið 1954 og er brautryðjandi á sviði ör-
yggismála á vinnustöðum hér á landi .
Hefur Dynjandi sérhæft sig í að kynna
og útvega viðurkenndan öryggisbúnað,
persónuhlífar og vinnufatnað fyrir
starfsfólk í íslensku atvinnulífi og þar er
sjávarútvegurinn ekki undan skilinn .
Búnaðurinn margborgar sig
Í samvinnu við Vinnueftirlit ríkisins og
öryggisfulltrúa margra helstu fyrirtækja
hérlendis hefur Dynjandi átt drjúgan
þátt í að stuðla að aukinni notkun ör-
yggisbúnaðar enda hefur búnaðurinn
frá Dynjanda ehf . margoft komið í veg
fyrir alvarleg slys á vinnustöðum .
„Sannleikurinn er sá að það margborgar
sig fyrir fyrirtækin að hafa þessi mál í
lagi . Það er gríðarlega mikill ávinningur
af því að koma í veg fyrir slys . Við hjá
Dynjanda höfum það markmið að halda
forystusæti í að bjóða vörur og þjónustu
sem stuðla að auknu öryggi starfs-
manna . Starfsmenn okkar veita ráðgjöf
varðandi notkun búnaðarins og í því
skyni förum við reglulega út í fyrirtæk-
in, yfirförum búnaðinn og komum með
ábendingar um endurnýjun og viðhald .
Sem betur fer er skilningur á mikilvægi
öryggisbúnaðar stöðugt að aukast og á
þetta við um bæði starfsmenn og rekstr-
araðila á vinnustöðum til sjós og lands .
Fjölbreytt vöruval
Þegar litið er yfir úrvalið í verslun Dynj-
anda eru þar margir vöruflokkar í boði .
Alls kyns vinnufatnað er hægt að fá, s .s .
öryggisskó, hjálma, samfestinga, hanska,
boli, vinnuskyrtur og smíðavesti . Mikið
af vinnufatnaði Dynjanda er til í alls
kyns útfærslum og má segja að þar sé
um hástískuvöru að ræða, t .d . hvað skó-
fatnaðinn varðar . Öryggisvörur hvers
konar eru hins vegar í fyrirrúmi, s .s .
augn- og andlitshlífar, eyrnatappar, ryk-
og gasgrímur, heyrnarhlífar og gas- og
súrefnismælar . Einnig býður Dynjandi
úrval fallvarnarbúnaðar s .s . belti, líf- og
öryggislínur og alls kyns festi- og tengi-
búnað . „Þá höfum við gott úrval af vél-
um og tækjum og má þar nefna djúp-
vatnsdælur, brunndælur, rafstöðvar,
ryk- og vatnssugur, gufugildrur og há-
þrýstidælur, m .a . til notkunar í skipum,
svo eitthvað sé nefnt .
Dælur frá Annovi Reverberi
Dynjandi ehf . verður í bás A-5 á sjávar-
útvegssýningunni í Laugardalshöll . Þor-
steinn Austri segir að þar muni starfs-
menn Dynjanda standa vaktina og sýna
gestum og gangandi allt það nýjasta sem
Dynjandi hefur að bjóða í búnaði sem
stuðlar að auknu öryggi fólks, hvort sem
er á sjó eða landi . „Við verðum m .a . með
gott úrval af háþrýstidælum frá Annovi
Reverberi á básnum og verður sérfræð-
ingur frá þeim með okkur til að veita
viðskiptavinum ráðgjöf . Þetta er gam-
algróið ítalskt fyrirtæki með mikið úrval
af dælum og fylgihlutum,“ segir Þor-
steinn Austri .
dynjandi .is
Ómetanlegt að koma
í veg fyrir slys
■ Þorsteinn Austri Björnsson,
sölustjóri Dynjanda. „Sem betur fer
er skilningur á mikilvægi öryggis-
búnaðar stöðugt að aukast og á
þetta við um bæði starfsmenn og
rekstraraðila á vinnustöðum til sjós
og lands.“