Ægir - 2019, Qupperneq 36

36
Gúmmísteypa Þ. Lárusson er gam-
algróið fyrirtæki, að grunni til frá því
á 6. áratug síðustu aldar og hefur það
alla tíð tengst sjávarútvegi. Í upphafi
annaðist fyrirtækið m.a. viðgerðir á
gúmmíblökkum sem notaðar voru við
síldveiðar en með tilkomu fiskitrolls-
ins fækkaði þeim verkefnum og fór
fyrirtækið þá að framleiða reimar og
bönd sem meðal annars voru notuð í
malarvinnslu og í álverum. Árið 2017
styrktust tengslin við sjávarútveginn
enn frekar með kaupum Gúmmísteyp-
unnar á Reimaþjónustunni.
Enn bætist við
Í júní 2019 keypti Gúmmísteypan allan
reimalager IBH sem var söluaðili Habasit
á Íslandi . Habasit er stór svissneskur
framleiðandi færibanda, fjölskyldurekið
fyrirtæki frá stofnun um miðja síðustu
öld og er það með samstarfsaðila í yfir
70 löndum um allan heim . Jafnframt
bættist í góðan hóp Gúmmísteypunnar
þegar Ásgeir Harðarson gekk til liðs við
fyrirtækið en hann var áður sölustjóri
Habasit reima hjá IBH og býr yfir ára-
langri reynslu og þekkingu .
Berglind Steinunnardóttir, fram-
kvæmdastjóri fyrirtækisins, segir að sala
og þjónusta við færibönd fyrir matvæla-
iðnað sé því orðinn enn stærri þáttur í
þjónustu Gúmmísteypunnar . „Við útveg-
um reimar og færibönd fyrir nánast
hvaða starfsemi sem er, allt frá fínustu
matvælavinnslum upp í grófustu malar-
vinnslur og stóriðjuver . Við erum að
sækja í okkur veðrið í svokölluðum
kubbaböndum sem eru auðveld og þægi-
leg í samsetningu fyrir viðskiptavininn .
Hjá okkur starfar fólk með mikla reynslu
og þekkingu á þörfum íslenskra sjávar-
útvegsfyrirtækja auk þess sem við fylgj-
umst vel með iðnaðinum á alþjóðavísu til
að kynna nýjungar jafnóðum og þær
koma fram . Einnig tökum við þátt í þró-
unarstarfi með íslenskum iðnfyrirtækj-
um sem framleiða vélar og róbóta fyrir
fiskiðnaðinn,“ segir Berglind .
Vörur steyptar úr gúmmíi
Berglind segir Gúmmísteypu Þ . Lárusson
leggja mikið upp úr vandaðri vöru og
þjónustu . „Við framleiðum sterkar og
endingargóðar vörur og höfum alla tíð
lagt mikið upp úr þjónustunni í kringum
þær . Viðskiptavinir okkar eru um allt
land og við mætum þangað sem okkar er
þörf,“ segir Berglind .
Eins og nafn fyrirtækisins gefur til
kynna steypir fyrirtækið ýmsar vörur úr
gúmmíi fyrir atvinnulífið, s .s . útgerðar-
félög, sveitarfélög, verktaka, stóriðjuver,
vélsmiðjur og fyrirtæki í verslun og
þjónustu . „Hvað sjávarútveginn varðar
framleiðum við t .d . pressuhjól í flestar
gerðir netaspila og sjóvéla, gúmmíklæð-
um álkefli fyrir spil og blakkir og önn-
umst viðgerðarþjónustu á netaniður-
leggjurum svo dæmi séu tekin . Við bjóð-
um upp á matvælavottað gúmmí, hita-
og olíuþolið gúmmí og efni sem litar ekki
út frá sér . Einnig flytjum við inn ýmsa
gúmmíhluti t .d . þéttilista fyrir lestarlúg-
ur og vatnsþétt skilrúm . Gúmmísteypan
er alltaf með á lager færibanda- og
gúmmíreimar allt frá 50 til 1200 mm á
breidd en við sérpöntum aðrar stærðir
sem og prófílreimar . Útgerðaraðilar og
sjómenn vita að hverju þeir ganga þegar
Gúmmísteypan er annars vegar, enda
áhersla lögð á skjóta þjónustu og vara-
hluti á lager þegar viðhalds er þörf . Við
bjóðum alla velkomna í bás A-1 á sýning-
unni Sjávarútvegur 2019,“ segir Berglind
að lokum .
gummisteypa .is
Gúmmísteypa. Þ. Lárusson ehf.
Sérhæfð í færiböndum
fyrir sjávarútveginn
■ Vaskir starfsmenn Gúmmísteypunnar, frá vinstri: Stefán Hólm Vinson, Deividas Kacinskas, Berglind Steinunnardóttir
framkvæmdastjóri, Þorsteinn Lárusson eigandi fyrirtækisins, Ásgeir Harðarson og Kristján V. Kristinsson,