Ægir - 2019, Page 70
70
Egersund Ísland á Eskifirði er hluti af
Egersund Group A/S í Noregi og hefur
yfir að ráða 2.400 fermetra húsi fyrir
framleiðslu og þjónustu ásamt 1.000
fermetra vörugeymslu fyrir sína
starfsemi við höfnina á Eskifirði. Þar
er bæði góð aðstaða til veiðarfæra-
vinnu og svokallað nótahótel til
geymslu á veiðarfærum og fiskeldis-
búnaði innandyra. Framkvæmdum er
nú að ljúka hjá Egersund Ísland við
byggingu þvotta- og litunarstöðvar
fyrir poka í eldiskvíum og eru þær lið-
ur í frekari eflingu fyrirtækisins í
þjónustu við fiskeldi. Samhliða því
hefur fyrirtækið hafið þjónustu við
tæknibúnað frá systurfyrirtæki sínu í
Noregi, AKVA Group.
Hátt í 300 milljóna króna
framkvæmdir
Þegar búið er að slátra fiski úr eldiskví
er hún tekin á land og þá þarf að þvo
eldispokann og meðhöndla . Þetta er sú
þjónusta sem Egersund Ísland er búið að
koma upp en pokarnir verða þvegnir og
fara síðan í gegnum gæðaeftirlit og við-
gerðir ef á þarf að halda . Síðan fara þeir
í sérstakt sótthreinsi- og litunarefni sem
meðal annars hefur þann tilgang að
varna því að sjávargróður eins og t .d .
þari taki sér bólfestu á netinu . Egersund
á Eskifirði er fyrsta fyrirtækið hér á
landi til að bjóða fiskeldisfyrirtækjum
þessa þjónustu .
„Framkvæmdirnar eru liður í því að
breikka okkar þjónustusvið og fylgja eft-
ir uppbyggingu í fiskeldi hér á landi . Í
heild er um að ræða fjárfestingu hjá
okkur fyrir um 250-270 milljónir króna,
stöð sem við byggjum með þjónustu-
stöðvar Egersund sem fyrirmynd en
okkar stöð verður sú fullkomnasta innan
Egersund Group . Það byggist meðal ann-
ars á því að við erum með öflugan
hreinsibúnað fyrir sjó sem notaður er í
þvottinum og þannig er vökvinn, sem fer
til baka í sjó, nánast drykkjarhæfur,“
segir Stefán Ingvarsson framkvæmda-
stjóri .
Stórt hús lykilatriði
Aðspurður um verkefni í veiðarfæra-
þjónustunni segir Stefán það vera lykil-
atriði að vera með stórt hús og góða
vinnuaðstöðu .
„Húsið hjá okkur er 130 metra langt
og veitir ekki af þegar veiðarfærin eru
stöðugt að stækka . Lengi vel vorum við
með troll sem voru í kringum 2000 metra
með 48 metra möskva . Síðan fóru menn
að stækka möskvana upp í 64 metra og
trollin upp í 2300 metra og á síðasta ári
settum við upp troll fyrir Aðalstein Jóns-
son sem var 2700 metrar þannig að þró-
unin hefur mikið verið í þá átt að veið-
arfærin stækki . En á sama tíma er líka
verið að glíma við að létta veiðarfærin
til að auðveldara sé að draga þau . Og
þar kemur til framþróun á undanförnum
árum í efnum til veiðarfæragerðar . En
þróunin hefur líka verið mikil í skipun-
um; þau eru stærri og öflugri, betri
tæknibúnaður til að stýra veiðarfærun-
um, léttari og betri toghlerar, betri spil-
búnaður og þannig má áfram telja . Allt
spilar þetta saman í eina heild,“ segir
Stefán .
egersund .is
Egersund Ísland
Ný þvotta- og litunarstöð
fyrir sjókvíapoka
■ Stefán Ingvarsson, framkvæmda-
stjóri Egersund Ísland.
Hús Egersund Ísland á Eskifirði. Í aðalbygg-
ingunni er framleiðslu- og veiðarfæraþjónustu-
salurinn, ásamt nótahóteli. Í nýrri viðbyggingu
er nýja litunarhúsið og nær á myndinni er
vatnshreinsistöð og sótthreinsiaðstaða.