Ægir - 2019, Side 76

76
Arnarlax og Fisktækniskóli Íslands
hafa gert með sér samkomulag um
fræðslu starfsfólks fyrirtækisins í
fiskeldi. Námið er hagnýtt og hefur að
markmiði að auka þekkingu starfs-
fólks á rekstri og öryggismálum á sínu
starfssviði. Námið er 360 klukku-
stundir. Það stendur sem sjálfstætt
námsframboð en gengur jafnframt að
fullu til eininga og samsvarar þá
einnar annar námi á námsbraut Fisk-
tækniskóla Íslands í fisktækni – með
sérstaka áherslu á fiskeldi.
Gert er ráð fyrir því að um 20 starfs-
menn Arnarlax hefji nám á brautinni nú
í haust, en að náminu verði síðan dreift
á þrjár annir svo sem flestir geti stund-
að það samhliða vinnu og þannig tengt
einstaka námsþætti við dagleg störf .
Kennt verður á Bíldudal og öðrum
starfsstöðvum á Vestfjörðum í samstarfi
við Fræðslumiðstöð Vestfjarða en einnig
verður boðið upp á fjarfundi .
Raunfærnimat í boði
Starfsmönnum Arnarlax, sem taka þátt í
verkefninu, verður einnig boðið í raun-
færnimat og þannig gefið tækifæri til að
fá reynslu sína og fyrra nám metið til
eininga á brautinni . Þá mun skólinn
einnig skilgreina leiðir fyrir þátttakend-
ur þannig að þeir geti lokið formlegu
námi sem „Fisktæknar“ óski þeir þess .
Markmið samstarfsaðila er að koma á
samræmdu starfsnámi fyrir starfsfólk í
fiskeldi á Íslandi . Verkefnið hefur því
verið kynnt öðrum fyrirtækjum í fisk-
eldi, enda gert ráð fyrir því að önnur
fyrirtæki geti nýtt námið fyrir sitt
starfsfólk . Fyrir skömmu var kynningar-
fundur með fyrirtækjum í fiskeldi í hús-
næði SFS og var vel tekið í samstarf og
stefnt að frekari kynningu á verkefninu
meðal starfsmanna í greininni .
Námsefni unnið í samstarfi við
Norðmenn
Kennsluefni er unnið af Fisktækniskóla
Íslands og í samstarfi við Guri Kunna og
Froyja Vgs í Þrándheimi og Strand Vgs í
Stavanger, en skólarnir í Noregi munu
einnig leggja til námsefni og sérþekk-
ingu á einstaka sviðum . Fisktækniskóli
Íslands, Fræðslumiðstöð Vestfjarða og
Háskólinn á Hólum eru, ásamt Norð-
mönnum og Skotum, þátttakendur í
tveimur þriggja ára samstarfsverkefnum
á sviði fiskeldi (BlueEdu og BlueMentor) .
Markmið verkefnanna er m .a ., að vinna
að samræmingu náms og kennslu al-
menns starfsfólks í greininni og mun
þetta verkefni sem Fisktækniskólinn og
Arnarlax setja á laggirnar nú í haust því
einnig njóta góðs af þessu samstarfi .
Björn Hembre, framkvæmdastjóri
Arnarlax segir mjög mikilvægt að byggja
upp kennsluefni fyrir fiskeldi . Laxeldi sé
í örri framþróun og tryggja verði að
starfsfólk geti notið menntunar og þjálf-
unar í störfum fyrir fiskeldi . Markmiðið
sé að helmingur starfsfólksins ljúki námi
á þessu sviði, en Fisktækniskóli Íslands
hefur tekið að sér að annast fræðsluna .
Hann segir ætlunina að hámarka
framleiðsluna og því sé mikilvægt að
auka sérþekkingu starfsfólksins á sviði
fiskeldis . Björn segir afbragðsstarfsfólk
vinna hjá Arnarlaxi en hann telji nauð-
synlegt að tryggja möguleika þessa fólks
til að byggja upp sérþekkingu á fiskeldi
með langtímasjónarmið í hugsa .
fiskt .is
Fisktækniskólinn fræðir
starfsfólk Arnarlax
■ Á myndinni eru frá vinstri; Ásdís Pálsdóttir verkefnastjóri, Klemenz Sæmundsson kennari, Ólafur Jón Arnbjörnsson
skólameistari, öll frá Fisktækniskólanum og Björn Hembre, forstjóri Arnarlax og Ida Marsibil, mannauðsstjóri Arnarlax.