Morgunblaðið - 11.06.2020, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 11. JÚNÍ 2020
Mörkin 6 - 108 Rvk.
s:781-5100
Opið: Mán-fös: 11-18.
Lau: 11-15.
20%
AFSLÁTTUR
AF BUXUM
OG PILSUM
NÝ NETVERSLUN!
www.spennandi-fashion.is
- GILDIR ÚT 13.06 -
Helgi Bjarnason
helgi@mbl.is
Vegagerðin reiknar með að fært
verði um Kjalveg sunnanverðan, frá
Gullfossi inn í Kerlingarfjöll, fyrir
alla bíla fyrir helgina. Leiðin hefur
verið skráð ófær síðustu daga, en
ekki lokuð, og skíða- og göngufólk
hefur farið inn í Kerlingarfjöll og Blá-
fell. Reiknað er með að opnað verði
að norðanverðu um helgina.
Mikill snjór hefur verið á hálend-
inu í vor og víða stórir skaflar á veg-
um. Því eru hálendisleiðirnar opn-
aðar fyrir almenna umferð heldur
seinna en verið hefur síðustu ár.
Sígur fyrr úr veginum
Vegagerðin hefur verið í samvinnu
við rekstraraðila í Kerlingarfjöllum
um að moka snjó af Kjalvegi snemma
vors til þess að vegurinn nái að þorna
fyrr en ella. „Með því að hreyfa við
snjónum var hægt að flýta fyrir opn-
un,“ segir Páll Halldórsson, rekstrar-
stjóri Vegagerðarinnar á Selfossi.
Hann segir að vegurinn sé í ágætu
ástandi en hafa beri í huga að hann sé
malarvegur og sums staðar niður-
grafinn. Verið sé að hefla Kjalveg og
bera ofan í bletti. Reiknar hann með
því að hægt verði að opna veginn fyr-
ir almenna umferð inn í Kerlingar-
fjöll á morgun.
Kjalvegur hefur oft verið opnaður í
byrjun júní en það hefur einnig
stundum dregist fram eftir mán-
uðinum. Opnun nú telst því í seinna
lagi, miðað við allra síðustu árin.
Yfirleitt hefur nyrðri hluti Kjalveg-
ar, í Hveravelli, opnast fyrr en syðri
hlutinn. Guðmundur Sigurðsson,
yfirverkstjóri Vegagerðarinnar á
Hvammstanga, átti í gærmorgun von
á að hægt yrði að opna inn í Hvera-
velli síðdegis. Unnið er að viðgerðum
á vatnsskemmdum. Í fyrstu er talað
um að fært sé fyrir fjórhjóladrifna
bíla en heflað verður um helgina og
vonast Guðmundur til að hægt verði
að opna fyrir almenna umferð í kjöl-
farið.
Enn er lokað inn í Landamanna-
laugar úr öllum áttum og að Lakagíg-
um og ekkert er farið að huga að
Sprengisandsleið.
Ágúst Freyr Bjartmarsson, yfir-
verkstjóri Vegagerðarinnar í Vík í
Mýrdal, segir að enn séu stórir skafl-
ar á veginum inn að Lakagígum.
Fljótlega verði þó opnað inn að
Fagrafossi á Lakagígaleið.
Fulltrúar Vegagerðarinnar og
Umhverfisstofnunar fóru nýlega í
könnunarferð um Sigölduleið inn að
Frostastaðavatni að Fjallabaki. Segir
Ágúst að þrír stórir skaflar hafi verið
á leiðinni og greinilegt að töluverður
snjór hafi verið þar fyrir innan.
Ákveðið hafi verið að athuga stöðu
mála aftur nk. mánudag og sjá hvort
ástæða væri til að hefja mokstur inn í
Landmannalaugar. „Það tekur tíma
að moka og svo þurfa einhverjir dag-
ar að líða á meðan vatn sígur úr veg-
inum. Ég hef grun um að það verði
komið nálægt mánaðamótum, áður
en hægt verður að opna veginn,“ seg-
ir Ágúst. Hann tekur fram að ástand-
ið geti breyst hratt ef góður hiti nái
inn á hálendið.
Oft hefur verið hægt að opna Sig-
ölduleið inn í Landmannalaugar í
fyrrihluta júní. Ágúst segir að lítil
umferð sé á svæðunum enda engir
erlendir ferðamenn á ferðinni.
Kjalvegur að verða fær öllum
 Verið að opna inn í Kerlingarfjöll og Hveravelli  Ferðamenn byrjaðir að leggja leið sína þangað
 Enn er mikill snjór á leiðinni inn í Landmannalaugar og bið verður á að hægt verði að opna þangað
Morgunblaðið/Árni Sæberg
Hveradalir Ægifagurt er á hverasvæðinu í Kerlingarfjöllum. Rauði jarðliturinn er ríkjandi en hverirnir skapa einnig gula og græna liti.
Laugar Lokað í hálendisperluna og ekki von á breytingu alveg á næstunni.
Aspirnar sem sagðar voru gróður-
settar til minningar um þau sem féllu
í snjóflóðinu á Flateyri 1995 og voru
felldar af manni sem var dæmdur
fyrir það nýverið voru í raun ekki
gróðursettar til minningar um þau
sem létust, að sögn konu sem var yfir
gróðursetningunni, þrátt fyrir að það
hafi komið fram í dómi yfir mannin-
um að um minningartré væri að
ræða.
Trén voru keypt fyrir fé úr sjóðn-
um Samhugur í verki og gróðursett
eftir snjóflóðin, rétt eftir aldamót, að
sögn Jóhönnu Guðrúnar Kristjáns-
dóttur sem var á þeim tíma yfir verk-
efni íbúasamtaka sem beindist að því
að fegra umhverfi á Flateyri og sá
meðal annars um að gróðursetja um-
ræddar aspir.
Samhugur í verki var stofnaður í
kjölfar snjóflóðanna og var fé úr hon-
um meðal annars nýtt til að gróður-
setja tré og annað víðs vegar á Flat-
eyri.
Sérstakur minningargarður var
reistur og þar gróðursett tré en trén
sem maðurinn felldi voru ekki á með-
al þeirra sem voru gróðursett í minn-
ingu þeirra sem létust, að sögn Jó-
hönnu, andstætt því sem kemur fram
í dómnum.
„Allur gróðurinn kom úr sjóðnum.
Hann var stofnaður til þess að bæta
og hjálpa Flateyri eftir snjóflóðin,“
segir Jóhanna Guðrún.
Í fyrrnefndum dómi kom fram að
trén hefðu staðið í áratugi en Jó-
hanna segir að þau hafi verið gróð-
ursett einhvern tímann á árunum
2002-2004.
Hún segir þó að trén, eins og annar
gróður sem greitt var fyrir af sjóðn-
um, hafi haft tilfinningalegt gildi fyrir
Flateyringa. Verst hafi verið hvernig
maðurinn sem felldi aspirnar hafi far-
ið að því. Ragnhildur@mbl.is
Ekki minnisvarð-
ar um hin látnu
 Dómurinn segir trén minningaraspir
Morgunblaðið/Sigurður Bogi
Flateyri Trén stóðu á milli húsa.