Morgunblaðið - 11.06.2020, Síða 63

EGILSSTAÐIR
Bjarni Helgason
bjarnih@mbl.is
Körfuknattleikskappinn Sigurður
Gunnar Þorsteinsson er tilbúinn að
gera Hött að stöðugu úrvalsdeildar-
liði en hann skrifaði undir samning
við félagið í gær.
Sigurður, sem er 31 árs gamall,
hefur verið án félags síðan ÍR rifti
samningi sínum við framherjann, en
leikmaðurinn sleit krossband í byrjun
nóvember á síðasta ári og lék því að-
eins í níu mínútur á síðustu leiktíð.
Hann er uppalinn hjá KFÍ á Ísa-
firði en hefur leikið með liðum á borð
við Keflavík, Grindavík og ÍR hér á
landi ásamt atvinnumennsku í Grikk-
landi og Svíþjóð, en hann hlakkar til
að upplifa smábæjarlífið á nýjan leik.
„Ég sé mikil tækifæri fólgin í því
að skrifa undir hjá Hetti,“ sagði Sig-
urður Gunnar í samtali við Morgun-
blaðið. „Mér og fjölskyldu minni var
boðið í heimsókn til Egilsstaða fyrir
tveimur vikum og okkur leist mjög
vel á allar aðstæður hjá félaginu og á
fólkið fyrir austan. Þetta leit allt
mjög vel út.
Það voru einhver lið sem höfðu
samband við mig en það sem réði úr-
slitum var hvernig Hattarmenn stóðu
að sínum málum. Mér fannst þeir
gera mjög vel í að selja okkur það að
koma til Egilsstaða, sem varð að lok-
um raunin.
Ég hef kannski ekki beint saknað
smábæjarlífsins en ég er vissulega
hrifinn af því að komast aftur inn í
minna samfélag þar sem allir þekkja
alla og annað slíkt. Það er ákveðin
stemning sem myndast í þannig bæj-
arfélögum og það verður gaman að
upplifa það aftur.“
Á réttri leið
Ákveðin óvissa hefur ríkt í kring-
um leikmanninn undanfarna mánuði
og viðurkennir Sigurður að það sé
gott að geta horft fram á veginn.
„Það er gott að vera búinn að klára
þetta og skrifa undir því núna get ég
einbeitt mér algjörlega að endurhæf-
ingunni. Ég er þess vegna mjög
spenntur fyrir komandi keppnis-
tímabili og að hefja leik austur á
Egilsstöðum.“
Ég æfi í þrjá til fjóra tíma á dag til
þess að reyna að vera kominn af stað
í ágústmánuði þannig að þetta er allt
á réttri leið. Ég æfi í Spörtu þrisvar í
viku og svo fæ ég líka að mæta upp í
Smára hjá Breiðabliki með Ívari Ás-
gríms þar sem ég æfi einn út í horni
þannig að þetta mjakast.“
Skemmtilegt verkefni
Sigurður hefur einu sinni orðið Ís-
landsmeistari með Keflavík og tví-
vegis með Grindavík. Þá varð hann
bikarmeistari með Grindvíkingum
árið 2014.
„Markmiðið hjá mér hefur alla tíð
verið að vinna titla en raunhæft
markmið, eins og staðan er í dag, er
að fara í úrslitakeppnina með þetta
lið. Það hefur verið talað um að ég sé
líka fenginn inn í þetta til þess að
koma eitthvað að barna- og unglinga-
starfinu þannig að það er skemmti-
legt verkefni fram undan á Egils-
stöðum.
Ég tel mig alveg eiga sex til sjö góð
ár eftir af ferlinum, ef maður helst
heill það er að segja, þannig að ég er
ekki farinn að leiða hugann neitt sér-
staklega að þjálfun. Maður hefur
upplifað ýmislegt á ferlinum og ég er
nokkuð viss um að það væri ekki mik-
ið mál fyrir mig að miðla af reynslu
minni á einhverjum tímapunkti en
það myndi þá bara koma síðar,“ bætti
Sigurður við.
Ákveðin yfirlýsing
Þjálfarinn Viðar Örn Hafsteinsson
hefur stýrt liði Hattar frá árinu 2011
en þrátt fyrir að vera einungis 35 ára
gamall er þjálfarinn orðinn ansi
reynslumikill.
„Þetta er fyrst og fremst frábært
fyrir íþróttafélagið Hött,“ sagði Viðar
Örn. „Það tók ekki langan tíma að
sannfæra hann og eftir einn dag á
Egilsstöðum var hann heillaður. Með
því að fá Sigga erum við að koma með
ákveðna yfirlýsingu um að við ætlum
okkur ákveðna hluti.
Þetta þýðir að önnur lið þurfa að
taka okkur alvarlega núna og við
værum ekki að fá leikmann eins og
Sigga ef planið væri að fara beint aft-
ur niður um deild í enn eitt skiptið.
Það er kominn tími fyrir félagið að
taka næsta skref og að fá Sigga er
skref í rétta átt.“
Erfiður markaður
Viðar vonast til þess að aðrir ís-
lenskir leikmenn séu tilbúnir að feta í
fótspor Sigurðar einn daginn og
skrifa undir á Egilsstöðum.
„Félagið hefur eflst mikið á undan-
förnum árum þótt við höfum vissu-
lega fallið tvisvar um deild. Á meðan
4+1 reglan var við lýði vorum við ein-
faldlega í miklum vandræðum með að
styrkja okkur. Markaðurinn með ís-
lenska leikmenn er bara mun erfiðari
fyrir liðin út á landi og þannig er það
bara.
Hann var enn erfiðara þegar 4+1
reglan var í gildi en hvort sem um
ræðir erlenda eða íslenska leikmenn
viljum við einfaldlega fá góða leik-
menn sem geta híft liðið á hærri stall.
Siggi var tilbúinn að koma og þetta
eru í raun langstærstu félagaskipti í
sögu Hattar og vonandi byrjunin á
einhverju góðu fyrir körfuboltann á
Egilsstöðum,“ bætti Viðar við í sam-
tali við Morgunblaðið.
Stærsti samningur Hattar
 Sigurður Gunnar Þorsteinsson spilar með Hetti á Egilsstöðum á næstu leiktíð
 Viðar Örn Hafsteinsson setur stefnuna á úrslitakeppnina á komandi tímabili
Morgunblaðið/Eggert
Höttur Sigurður Gunnar Þorsteinsson vonast eftir að geta hjálpað Hattar-
mönnum að festa sig í sessi sem úrvalsdeildarlið.
ÍÞRÓTTIR 63
MORGUNBLAÐIÐ FIMMTUDAGUR 11. JÚNÍ 2020
Eftir að þættirnir The Last
Dance, sem fjalla um lið Chicago
Bulls á tíunda áratugnum, fóru í
loftið hefur maður aftur orðið
áþreifanlega var við hversu of-
boðslega þekktur Michael Jor-
dan er. Einhvern veginn nær það
út fyrir raðir íþróttaáhugafólks.
Eftir að þættirnir voru sendir í
loftið hef ég heyrt „ótrúlegasta
fólk“ tala um þættina. Umrædd-
ir einstaklingar teljast ótrúlegir í
þessu samhengi því þau fylgjast
ekki grannt með íþróttunum.
Sem er ábyggilega blessun.
Maður verður var við ýmsar
vangaveltur um persónu Jor-
dans og hvort hann myndi flokk-
ast sem góð manneskja. Ég veit
reyndar ekki um staðlaða mæli-
kvarða til að nota í slíkri dóms-
uppkvaðningu. En sem persóna
er hann greinilega mjög sér-
stakur. Hvernig má svo sem
annað vera? Öll hans tilvera var
hálfgerður sirkus og vonlaust
fyrir fólk að átta sig á hvernig sé
að lifa við slíkar aðstæður nema
kynnast því á eigin skinni.
Líklega eru fáir í íþróttaheim-
inum sem orðið hafa jafn þekktir
og Jordan í öllum heimshornum.
Tiger Woods er einn þeirra sem
koma upp í hugann. Hann var
þekktur svo gott sem alls staðar
í heiminum og það áður en hann
endaði á síðum allra slúðurblaða
vegna hegðunar utan vallar. Lík-
lega var Muhammad Ali í svip-
uðum sporum og þó var heim-
urinn ekki eins lítill þegar hann
var upp á sitt besta.
Michael Jordan var snillingur
á sínu sviði. Eins og svo margir
aðrir sem skara fram úr á
heimsvísu á sínu sviði þá verður
hans ekki helst minnst fyrir
mannleg samskipti. Það er
örugglega ekki hans sterkasta
hlið. Ekki frekar en hjá Picasso,
Michaelangelo, Beethoven eða
Bobby Fischer.
BAKVÖRÐUR
Kristján Jónsson
kris@mbl.is
Eskfirðingurinn Eggert Gunnþór
Jónsson og Keflvíkingurinn Ísak
Óli Ólafsson eru komnir í úrslit í
dönsku bikarkeppninni í knatt-
spyrnu. SönderjyskE vann Horsens
2:1 í undanúrslitum í gær eftir
spennuleik. Eggert kom inn á sem
varamaður á 73. mínútu í stöðunni
1:1 en Ísak var ekki í leikmanna-
hópnum.
Jón Dagur Þorsteinsson komst
ekki í úrslit en lið hans AGF tapaði
3:2 fyrir AaB. Jón lék síðari hálf-
leikinn og lagði upp síðara mark
AGF á 90. mínútu.
Íslendingaliðin
mætast ekki
Danmörk Eggert Gunnþór Jónsson
í búningi SönderjyskE.
Sara Björk Gunnarsdóttir leikur til
úrslita með Wolfsburg í þýsku
bikarkeppninni fjórða árið í röð eft-
ir auðveldan sigur á Arminia Biele-
feld, 5:0, í undanúrslitunum í Biele-
feld í gær. Sara skoraði fimmta
markið eftir að hafa komið inn á
sem varamaður en margir lykil-
manna Wolfsburg voru hvíldir.
Sara hefur orðið bikarmeistari,
sem og þýskur meistari, öll þrjú ár-
in hjá Wolfsburg. Sandra María
Jessen náði ekki að komast í úr-
slitaleikinn því Leverkusen tapaði
fyrir Essen í hinum leiknum.
Sara skoraði og
enn í úrslitum
Ljósmynd/@vfl.wolfsburg.frauen
Úrslit Sara Björk Gunnarsdóttir á
enn einn stórleikinn fyrir höndum.
Knattspyrnu-
tímabilið í karla-
flokki í Banda-
ríkjunum verður
með óvenjulegu
sniði í ár en MLS-
deildin tilkynnti í
gær hvernig stað-
ið yrði að því að
koma því aftur af
stað.
Tvær umferðir
höfðu verið leiknar í MLS-deildinni í
mars þegar allri keppni var hætt
vegna kórónuveirufaraldursins sem
enn herjar talsvert á Bandaríkin.
Keppnin verður á þann veg að öll
26 liðin koma saman í Orlando á
Flórída, nánar tiltekið í Disney
World, rétt eins og NBA-körfubolta-
liðin. Leikið verður frá 8. júlí til 11.
ágúst.
Liðunum verður skipt í riðla og
leikin riðlakeppni og síðan útsláttar-
keppni. Sigurliðið vinnur sér sæti í
Meistaradeild Norður- og Mið-
Ameríku.
Leikirnir í riðlakeppninni verða
síðan taldir með í hefðbundnu
deildakeppninni, sem á að halda
áfram á hefðbundinn hátt þegar
þessari törn lýkur á Flórída.
Einn Íslendingur leikur í MLS-
deildinni, en Guðmundur Þórarins-
son gekk til liðs við New York City
fyrir þetta tímabil.
sport@mbl.is
Guðmundur í
félagsskap með
Mikka Mús
Guðmundur
Þórarinsson
Þrjú Íslendingafélög eru í hópi
þeirra tíu liða sem hafa fengið stað-
fest sæti í riðlakeppni Meistara-
deildar karla í handknattleik næsta
vetur, 2020-21.
Það eru Aron Pálmarsson og
samherjar í Barcelona, danska liðið
Aalborg þar sem Arnór Atlason er
aðstoðarþjálfari og svo pólsku
meistararnir Kielce sem fá Sigvalda
Björn Guðjónsson og Hauk Þrastar-
son til liðs við sig í sumar. Sigvaldi
kemur þangað frá Elverum í Noregi
og landsliðsmaðurinn ungi Haukur
beint frá Selfyssingum.
Hin sjö liðin eru Kiel og Flens-
burg frá Þýskalandi, París SG frá
Frakklandi, Zagreb frá Króatíu,
Veszprém frá Ungverjalandi, Vard-
ar Skopje frá Makedóníu og Porto
frá Portúgal.
Sex liðum verður bætt við deild-
ina í næstu viku en fjórtán koma til
greina. Í þeim hópi eru Pick Szeged
frá Ungverjalandi sem Stefán Rafn
Sigurmannsson leikur með, GOG
frá Danmörku sem Viktor Gísli
Hallgrímsson leikur með og Kadet-
ten Schaffhausen frá Sviss en nýr
þjálfari liðsins er Aðalsteinn Eyj-
ólfsson.
Hin liðin sem koma til greina í
þessi sex sæti eru Meshkov Brest
frá Hvíta-Rússlandi, Dinamo Búk-
araest frá Rúmeníu, Besiktas frá
Tyrklandi, Elverum frá Noregi,
Celje Lasko frá Slóveníu, Motor
Zaporozhye frá Úkraínu, Ademar
León frá Spáni, Wisla Plock frá Pól-
landi, Nantes frá Frakklandi, Pel-
ister frá Makedóníu og Sporting frá
Portúgal. vs@mbl.is
Beint frá Selfossi í Meistaradeildina
Morgunblaðið/Árni Sæberg
Kielce Haukur Þrastarson fer beint
í leiki gegn stórliðum Evrópu.