Morgunblaðið - 11.06.2020, Page 66

66 MENNING
MORGUNBLAÐIÐ FIMMTUDAGUR 11. JÚNÍ 2020
2-3ja
mánaðaskammtur íhverju glasi
„Ég upplifi enga verki í dag og er aftur farinn að
njóta þess að styðja við heilsu mína með hreyfingu,
þökk sé Nutrilenk.“ Kristófer Valdimarsson, 81 árs.
Mest selda
liðbætiefni
á Íslandi
LIÐVERKIR
STIRÐLEIKI
EÐA BRAK Í LIÐUM?
Fæst í apótekum, heilsubúðum og heilsuhillum verslana.
Helgi Snær Sigurðsson
helgisnaer@mbl.is
Fyrsta breiðskífa tónlistarkonunnar
Bryndísar Jónatansdóttur, sem kall-
ar sig Febrúar, kom út í lok maí og
nefnist hún About Time. Titillinn
hefur víða merkingu, getur bæði vís-
að til þess að tími hafi verið kominn
til að skífan kæmi út og einnig til
þess að fjallað sé um tímann á henni.
Á plötunni eru 13 lög en Febrúar
hafði áður gefið út stök lög og samið
tónlist frá unga aldri. Lög og texta á
plötunni samdi hún sjálf að undan-
skildu laginu
„Engines Dead“
því textann við
það samdi hún
með Ewu Marc-
inek. Um upp-
tökustjórn og
hljóðblöndun sá
Daði Birgisson, að undanskildu fyrr-
nefndu lagi sem Andri Ólafsson
stýrði upptökum á og Kristinn
Evertsson annaðist hljóðblöndun.
Friðfinnur Oculus Sigurðsson sá
hins vegar um hljóðjöfnun á plötunni
allri.
Febrúar er heldur óvenjulegt og
forvitnilegt listamannsnafn og Bryn-
dís er spurð hverju það sæti. Hvers
vegna Febrúar? „Þegar ég var að
ákveða með nafn var ég með tvö sem
ég var að velta fyrir mér og þetta
varð ofan á út af því að það tengist
svo mikið tónlistinni sem ég er að
gera. Tónlistin mín er oft melankól-
ísk og aðeins í dekkri kantinum en
það er það sem ég elska við þennan
mánuð; myrkrið og eitthvað melan-
kólískt hangir yfir öllu en á hlýjan
hátt,“ svarar Bryndís. „Fyrir mér er
þetta oft hlýrra tímabil en sumrin.“
– Þú ert líklega í minnihluta þar?!
Bryndís hlær. „Ég er ekki mikil
sumarmanneskja og þess vegna fíla
ég það líklega svona vel að vera
hérna á Íslandi.“
Þroskandi en erfitt
Lögin á plötunni eru með píanó-
leik í grunninn og Bryndís segist
hafa lært á píanó í nokkur ár sem
barn og samið lög á hljóðfærið. „Ég
entist ekki lengi í náminu af því ég
hafði ekki mikla þolinmæði þegar
kom að því að læra ný verk. Ég byrj-
aði að læra og fór svo að búa til eitt-
hvað í kringum verkin,“ útskýrir
Bryndís. Fyrir þremur árum hafi
hún farið aftur í nám, í djasspíanó-
deild FÍH. „Þetta hefur fylgt mér,
píanóið og áhuginn á því, frá því ég
var lítil og hefur alltaf verið stór hluti
af mér,“ segir Bryndís og bætir við
að hún hafi líka lært djasssöng í eitt
ár.
About Time, það var tími til kom-
inn að platan kæmi út, eða hvað?
„Já, ég var feimin þegar ég var
yngri og er reyndar ennþá. Þegar ég
var tvítug fór ég í lýðháskóla í Dan-
mörku, listaskóla, og samdi fimm
laga plötu þar. Þegar ég kom heim
og ætlaði að fara að sýna fólki hana
fór ég bara í baklás og endaði með
því að sýna bara þremur vinum mín-
um plötuna. Ég hélt allri tónlistinni
sem ég bjó til fyrir sjálfa mig í lang-
an tíma, allt þar til fyrir fimm eða sex
árum. Þá fann ég að mig langaði til
að sýna öðrum hvað ég væri að gera.
About Time getur þýtt svo margt,
bæði að loksins sé komið að þessu en
líka að margt af því sem ég samdi
plötuna um var um tímabil sem ég
fór í gegnum sem var þroskandi en
erfitt. Það tekur tíma að fara í gegn-
um hlutina.“
Tónlist við sögur
– Á Spotify segir að tónlistin þín
beri keim af kvikmyndatónlist með
píanó í forgrunni.
„Já, ég er undir miklum áhrifum
frá kvikmyndatónlist og allt sem ég
geri er einhvers konar saga og hljóð-
heimurinn gæti verið hluti af kvik-
mynd. Það gerðist eiginlega bara
óvart en það hefur verið draumur
minn að búa til tónlist sem hægt er
að nota við sögur, hvort sem það er
leikhús, kvikmyndir eða sjónvarps-
þættir,“ svarar Bryndís.
Hvað helstu áhrifavalda varðar
nefnir hún Nick Drake og Leonard
Cohen og hin síðustu ár Agnesi Obel.
„Ég hlusta líka mikið á lagalista með
tónlist úr kvikmyndum og þá að
mestu tónlist þar sem píanó er
grunnurinn og við bætast strengja-
hljóðfæri.“
En hvenær verður hægt að sjá
Febrúar á tónleikum?
Bryndís hlær og segir erfitt að
svara því á tímum kórónuveirunnar.
„Mig langaði að halda tónleika á
Kornhlöðunni og var búin að hafa
samband og þá brast á með Covid.
Ég er farin að skoða þetta aftur en
staðirnir eru færri og ekki allir farnir
að taka við bókunum. Ég vona að eft-
ir þrjár eða fjórar vikur verði ég
komin með stað þar sem ég get ann-
aðhvort spilað nokkur lög eða haldið
heila tónleika. Það eru líka tvö mynd-
bönd á leiðinni þannig að mig langar
að tengja þetta saman. Ég er með
alla anga úti að finna stað.“
Ljósmynd/Anna Maggý
Vetrartýpa Bryndís kallar sig Febrúar og segist kunna vel við þann árstíma myrkurs og kulda hér á Íslandi.
„Ekki mikil sumarmanneskja“
 Tónlistarkonan Febrúar gefur út sína fyrstu breiðskífu, About Time  Hún segir tónlist sína oft
melankólíska og í dekkri kantinum en þó alltaf hlýja  Undir miklum áhrifum frá kvikmyndatónlist
Þjóðleikhúsið og Landsbókasafn Ís-
lands – Háskólabókasafn hafa tekið
upp samstarf í þeim tilgangi að
varðveita merkar upptökur frá
leiksýningum, allt frá opnun Þjóð-
leikhúss til þessa dags, og gera þær
aðgengilegar á stafrænu formi. Í
þeim tilgangi hefur Þjóðleikhúsið
afhent Landsbókasafni mikið magn
af hljóð- og myndritum sem tekin
hafa verið upp í leikhúsinu. Um er
að ræða margvíslegar upptökur af
leiksýningum og viðburðum á svið-
inu, allt frá opnun Þjóðleikhússins
árið 1950, sem og leikhljóð sem
gerð hafa verið í gegnum árin fyrir
sýningar. Hér má nefna segulbönd,
geisladiska, VHS-spólur og staf-
rænar upptökur, sem teknar hafa
verið upp af tæknimönnum leik-
hússins og geymd þar.
Við afhendinguna undirrituðu
Ingibjörg Steinunn Sverrisdóttir
landsbókavörður og Magnús Geir
Þórðarson þjóðleikhússtjóri sam-
starfssamning milli stofnananna
sem kemur til framkvæmda á kom-
andi árum. Í tilkynningu segir að
sameignlegt markmið stofnananna
sé að gera þennan hluta leiklistar-
arfsins aðgengilegri í meira mæli
til fræðimanna og almennings á
komandi árum. Upptökur sem nú
eru afhentar Landsbókasafni til
varðveislu séu góð viðbót við það
sem áður er komið í Lands-
bókasafn.
Þegar Leikminjasafn Íslands var
lagt niður runnu gögn þess til Þjóð-
minjasafns og Landsbókasafns.
Þessi gögn, upptökur, ásamt skjala-
söfnum leikara og leikfélaga, leik-
handritum og leikskrám, svo eitt-
hvað sé nefnt, mynda því heild í
sögu sviðslista. Þá segir að í sumar
vinni Þjóðleikhúsið sjálft einnig að
mikilvægri skráningu gagna sem er
að finna í söfnum leikhússins.
„Það er vel við hæfi að á 70 ára
afmæli leikhússins séu þessar dýr-
mætu upptökur að komast í öruggt
skjól í hendur færasta fagfólks
landsins í varðveislu,“ segir Magn-
ús Geir. „Ég hlakka til að móta
áfram samstarf við Landsbóka-
safnið og fá tækifæri til að líta aug-
um eitthvað af perlunum sem þarna
leynast.“ Og Ingibjörg bætir við:
„Að gera þetta mikilvæga efni að-
gengilegt rannsakendum í framtíð-
inni og nýta upplýsingatæknina til
að tengja við önnur gögn Lands-
bókasafnsins er mikilvægt fyrir ís-
lenska sviðslistasögu.“
Sagan flutt Kössum með ýmsum gögnum
úr leikhúsinu komið í flutningabíl.
Upptökur og fleira úr sögu Þjóðleik-
hússins flutt á Landsbókasafnið