Morgunblaðið - 03.07.2020, Síða 4

4 FRÉTTIRInnlent
MORGUNBLAÐIÐ FÖSTUDAGUR 3. JÚLÍ 2020
Klettagörðum 11 | 104 Reykjavík | Sími 568 2130 | verslun@et.is | Opið mánud.-föstud. kl. 8.00-18.00
Mikið úrval af
KÖSTURUM OG AUKALJÓSUM
fyrir allar gerðir bíla
Helgi Bjarnason
helgi@mbl.is
Fyrirtækið Stök gulrót ehf. vinnur
að undirbúningi 40 herbergja gisti-
álmu við gistiheimili fyrirtækisins í
Fagralundi í Reykholti í Bláskóga-
byggð. Framkvæmdir við sökkla
hefjast síðsumars og forsmíðað
timburhús verður sett saman í
vetur. Stefnt er að því að taka á móti
fyrstu gestunum um miðjan júní á
næsta ári.
„Við erum bjartsýnir. Við höfum
fundið ánægju og áhuga hjá þús-
undum gesta sem komið hafa til okk-
ar á undanförnum árum og efumst
ekki um að sá áhugi er ekki horfinn
þrátt fyrir heimsfaraldurinn,“ segir
Jóhann Guðni Reynisson, fram-
kvæmdastjóri Stakrar gulrótar ehf.,
spurður hvort kórónuveirufaraldur-
inn hafi sett strik í reikning áforma
um uppbyggingu. Hann bendir á að
aðstandendur verkefnisins og Arion
banki hafi lokið fjármögnun þess sl.
vetur, í heimsfaraldrinum miðjum.
Tekur Jóhann Guðni fram að Reyk-
holt sé vel staðsett með tilliti til
ferða um Gullna hringinn og um
svæðið fari margir þeirra erlendu
ferðamanna sem sækja landið heim.
„Við teljum að óhætt sé að fara í
gang næsta sumar,“ segir Jóhann
Guðni og er stefnt að opnun 15. júní
2021.
Reykholt er þekkt fyrir öfluga
garðyrkju. Jóhann vekur athygli á
góðum veitingastöðum í Reykholti,
meðal annars Friðheimum í næsta
húsi við Fagralund, og annarri þjón-
ustu við ferðafólk.
Blár trjálundur
Stök gulrót ehf. rekur sex her-
bergja gistiheimili í Fagralundi og
hefur á undanförnum árum verið að
byggja sumarbústaði á Torfastöð-
um, sem eru fáeina kílómetra frá
Reykholti. Þar eru nú risnir tólf bú-
staðir sem reknir eru undir vöru-
merkinu Blue View Cabins. Nýja
gistiheimilið í Reykholti mun heita
Blue Grove Guesthouse – Fagri-
lundur. Notuð eru vörumerki á
enskri tungu vegna þess að erlendir
gestir landsins eru markhópurinn.
Blái liturinn sem einkennir bæði
vörumerkin, Bláa útsýnið og Blái
trjálundurinn, vísa einnig til heitis
sveitarfélagsins, Bláskógabyggðar.
Nýja gistiálman verður tveggja
hæða timburhús sem flutt verður
inn forsniðið frá Noregi og sett sam-
an á staðnum. Í henni verða ein-
göngu herbergi, auk vinnuaðstöðu
fyrir starfsfólk. Fagralundi verður
breytt í morgunverðarstað fyrir
gistiheimilið og mun þjóna því hlut-
verki fyrst um sinn.
Kenneth Petersen tekur þátt
Jóhann Guðni segir áætlað að
framkvæmdin kosti nærri hálfan
milljarð króna.
Bjarni Kristján Þorvarðarson,
forstjóri lyfjafyrirtækisins Cori-
pharma í Hafnarfirði, hefur verið
aðaleigandi fyrirtækisins. Við upp-
byggingu gistiheimilisins kom við-
skiptafélagi hans, Kenneth Peter-
son, eigandi Columbia Ventures sem
byggði Norðurál á Grundartanga,
inn í verkefnið. Jóhann Guðni á einn-
ig hlut í fyrirtækinu.
40 herbergja gisti-
heimili rís í Reykholti
 Fjármagnað að fullu í miðjum kórónuveirufaraldri
Reykholt Bjarni K. Þorvarðarson t.v. og Jóhann Guðni Reynisson á lóðinni
þar sem nýja gistiheimilið mun rísa í Reykholti í Biskupstungum í vetur.
Garðyrkjuþorp
» Reykholt í Biskupstungum
er þekkt fyrir öfluga ræktun á
grænmeti og blómum í gróður-
húsum og aðra garðyrkju.
» Þar eru einnig vinsælir veit-
ingastaðir, eins og Friðheimar
og Mika, auk bensínstöðvar,
verslunar, sundlaugar og fleiri
þjónustuþátta.
» Skipulagt er sælkerarölt um
Reykholt alla föstudaga í sum-
ar og hefst röltið klukkan 11.
Alexander Kristjánsson
Þór Steinarsson
Þrír einstaklingar greindust með kór-
ónuveiruna síðdegis í gær. Allir tengd-
ust þeir konu sem kom frá Albaníu
fyrir tíu dögum en greindist með veir-
una á þriðjudag. Þetta staðfesti Run-
ólfur Pálsson, yfirlæknir á lyflækn-
ingadeild Landspítala, í samtali við
mbl.is. Þrjú smit greindust einnig í
fyrradag, en þar af voru tvö í
landamæraskimun og óvíst enn hvort
um virk eða gömul smit er að ræða. Þá
var ársgamalt barn meðal þeirra sem
greindist.
Runólfur segir að fólkið sem greind-
ist í gær hafi ekki verið alvarlega veikt
og að það eigi í raun við um alla sem
greinst hafi í „þessari seinni bylgju“.
Ekki áfall heldur viðbúið
„Síðan landamærin voru opnuð hafa
náttúrulega fyrst og fremst Íslending-
ar greinst. Þetta er ungt fólk að uppi-
stöðu til og ég held að það spili ákveðið
hlutverk. Það þolir þetta að því er virð-
ist betur.“
Runólfur segir að viðbúið hafi verið
að smitaðir einstaklingar myndu
greinast eftir að landamærin voru
opnuð og þegar slíkt gerist megi bú-
ast við að þeir smiti sína nánustu.
„Þetta er ekkert áfall. Það var við því
að búast að það kæmi smit inn í landið
og sem betur fer hefur það gerst í
litlum mæli,“ segir Runólfur.
Alls eru nú tíu virk kórónuveiru-
smit í landinu og 440 manns eru í
sóttkví.
Af þeim smitum sem upp hafa kom-
ið frá 15. júní er uppruni 28 erlendis,
en inni í þeim tölum eru gömul óvirk
smit. Átta smit eiga uppruna sinn inn-
anlands, en uppruni fjögurra smita
eru óþekktur.
Tíu virk smit hafa
greinst á landinu
 Ársgamalt barn á
meðal þeirra smituðu
 440 manns í sóttkví
Morgunblaðið/Íris Jóhannsdóttir
Skimun Runólfur segir þá smituðu
ekki alvarlega veika af veirunni.
Helgi Bjarnason
helgi@mbl.is
Vinna við lagningu Kröflulínu 3, á
milli Kröflu og Fljótsdalsstöðvar,
gengur vel, samkvæmt upplýsingum
Landsnets. Byrjað er á nýjan leik að
reisa möstur og vinna við að
strengja vírana á þau hefst í ágúst.
Línan er um 122 kílómetrar að
lengd. Hún tengir saman raforku-
kerfin á Norðurlandi og Austurlandi
og á að auka stöðugleika og gæði
orkuafhendingar.
Jarðvinna á þremur svæðum
Framkvæmdir hófust á síðasta
ári. Nú er unnið að jarðvinnu á
þremur svæðum, við Kröflu og í
Jökuldal. Steinunn Þorsteinsdóttir,
upplýsingafulltrúi Landsnets, segir
að jarðvinna sé langt komið á fyrsta
svæðinu sem nær frá Kröflu að Jök-
ulsá á Fjöllum og er stefnt að því að
henni ljúki í mánuðinum. Á svæði 2,
á milli Jökulsár á Fjöllum og Jökuls-
ár á Brú, er um fjórðungur eftir. Á
þriðja svæðinu, frá Jökulsá að
Fljótsdalsstöð, er jarðvinna um það
bil hálfnuð og stefnt að verklokum í
september.
Búið er að setja saman um 130
möstur og hóf verktakinn að reisa
möstur í byrjun vikunnar, eftir hlé
frá því í október. Steinunn segir að
það gangi vel. Reist eru 4-6 möstur á
dag. Á síðasta ári var reist 21
mastur.
Búist er við að vinna við streng-
ingu háspennuvíra hefjist í ágúst en
hún hefur tafist vegna tafa á afhend-
ingu stálmastra.
Þrátt fyrir tafir vegna kórónu-
veirufaraldursins og erfiðs tíðarfars
í vetur til verklegra framkvæmda er
stefnt að því að ljúka verkinu á
þessu ári og koma línunni í notkun.
Undirbúningur að Hólasandslínu
sem tengir kerfið á Norðausturlandi
við Akureyri stendur enn yfir.
Morgunblaðið/Þorgeir Baldursson
Kröflulína Mastur í nýrri kynslóð byggðalínu á milli Norður- og Austur-
lands reist á Mývatnsöræfum. Vinna við lagningu línunnar gengur vel.
Byrjað að reisa
möstur Kröflulínu
 Enn stefnt að verklokum á árinu