Morgunblaðið - 03.07.2020, Page 12

BAKSVIÐ
Baldur Arnarson
baldura@mbl.is
Þýskir fjölmiðlar sýna ferðum til Ís-
lands áhuga en markvisst er unnið
að því að fá hingað þýska ferðamenn
eftir að landið opnaðist á ný.
Þjóðverjar eru í þriðja sæti á eftir
Bretum og Bandaríkjamönnum sé
litið til fjölda erlendra ferðamanna.
Um 132 þúsund Þjóðverjar komu
hingað um Leifsstöð í fyrra en um
139 þúsund árið 2018.
Monika Maier-Albang skrifar um
ferðalög í Süddeutsche Zeitung, eitt
útbreiddasta dagblað Þýskalands.
Þegar blaðamaður tók hana tali á
Nordica-hótelinu var hótelið nær
mannlaust. Það er mikil breyting frá
því sem var.
Maier-Albang segir Ísland vel
þekktan áfangastað í Þýskalandi.
Náttúra landsins og íslenski hestur-
inn sé meðal þess sem laði að.
„Ég þekki marga Þjóðverja sem
hafa komið nokkrum sinnum til Ís-
lands. Þjóðverjar vilja þetta sumarið
forðast mannþröng og fara út í nátt-
úruna. Nú er kjörið tækifæri til að
sjá ferðamannastaði á Íslandi þar
sem áður var ekki þverfótað fyrir
fólki. Um leið gefst tækifæri til að
hitta heimamenn,“ segir Maier-Alb-
ang, sem er mikil hestakona og var
hér á landi í þriðja sinn.
Þægilegt að sleppa grímunni
Vegna aðstæðna sé Ísland því
ákjósanlegur áfangastaður. Hér
upplifi hún frelsi eftir takmarkanir á
samkomum í Þýskalandi undanfarna
mánuði. „Það er þægileg upplifun að
koma hingað og þurfa ekki að ganga
með grímu,“ segir Maier-Albang.
Hún sé búsett í Bæjaralandi en
þar hafi reglur vegna faraldursins
verið hvað strangastar.
Að hennar mati ætti að skima fyrir
kórónuveirunni fyrir brottför til Ís-
lands. Slík skimum sé til að mynda
nýhafin á flugvellinum í Frankfurt.
Á hinn bóginn hrósar hún því hversu
vel sé staðið að skimun fyrir veirunni
á Keflavíkurflugvelli.
„Vandamálið er flugið. Margir eru
smeykir við að fljúga. Það er auð-
veldara fyrir Þjóðverja að ferðast til
Austurríkis eða Ítalíu. Þangað geta
þeir ekið,“ segir Maier-Albang.
Gengi krónunnar hefur gefið eftir.
Evran kostar nú um 155 krónur en
kostaði 142 kr. á sama tíma í fyrra og
116 kr. í júlíbyrjun 2017.
Maier-Albang segir aðspurð að
með gengislækkuninni sé orðið við-
ráðanlegra að heimsækja landið. Það
hafi spurst út að Ísland hafi verið
orðinn dýr áfangastaður. Hinn
dæmigerði Þjóðverji hafi ráð á Ís-
landsferð, ekki síst með ráðdeild.
„Á síðustu árum hefur þurft að
bóka Íslandsferðina með góðum
fyrirvara. Þetta sumar er hins vegar
hægt að bóka hótelgistingu nærri
áhugaverðum stöðum með skömm-
um fyrirvara,“ segir Maier-Albang.
Sýna Íslendingum velvilja
Arthúr Björgvin Bollason starfar
sem kynningarfulltrúi Icelandair í
Þýskalandi samhliða ritstörfum.
Ásamt því að sýna Maier-Albang
landið tók hann í þessari ferð á móti
Henryk M. Broder, blaðamanni frá
Die Welt, einu stærsta dagblaði
Þýskalands, sem vildi ferðast um
landið án ferðamanna. Heimsóknirn-
ar séu hluti af kynningarherferð til
að kynna Ísland sem öruggan
áfangastað. Það starf hafi gengið vel
enda sé Þjóðverjum hlýtt til Íslands.
Á svipuðu róli og Þjóðverjar
En hvað skyldi vekja athygli Þjóð-
verja á Íslandi þetta sumarið?
„Í fyrsta lagi hversu vel hefur
gengið að takast á við veiruna. Það
hefur komist á framfæri að Ísland er
öruggt land. Við sem erum í þessu
kynningarstarfi höfum reynt að nýta
öll okkar tengsl til að koma því á
framfæri við Þjóðverjana hvernig
hefur gengið að eiga við veiruna. Við
höfum í áróðri okkar bent á að við
séum á svipuðu róli og Þjóðverjar
sjálfir. Sem kunnugt er hafa dauðs-
föll vegna veirunnar verið margfalt
færri í Þýskalandi en til dæmis á
Spáni og Ítalíu. Þjóðverjar hafa ráð-
ið mjög vel við þessar aðstæður með
náttúrulega eitruðum aga. Maður
var þarna sjálfur meira og minna
innilokaður í þrjá mánuði,“ segir
Arthúr sem er búsettur í Berlín.
„Það var ekki eins og á Spáni að
herinn biði á horninu. Það var hins
vegar ljóst að ef maður sást úti á
götu með fleiri en einni manneskju á
gangi sá maður glitta í lögreglubíl.“
Arthúr segir aðspurður það hafa
komið Þjóðverjum sem hann þekki
þægilega á óvart að Íslendingar, sem
hafi aldrei búið við kóng eða sterkt
miðlægt vald, skuli hafa þjappað sér
svona saman í faraldrinum og hlýtt
fyrirmælum yfirvalda í einu og öllu.
Vegna aðhalds síðustu ár sé þýska
ríkið vel í stakk búið til að takast á
við niðursveifluna. Almennt hafi
Þjóðverjar ráð á því að ferðast þetta
sumarið. Þeir hafi verið innilokaðir í
borgunum og vilji útiveru.
Upplifir frelsi á Íslandi
Morgunblaðið/Eggert
Blaðamaður Monika Maier-Albang starfar hjá Süddeutsche Zeitung.
 Þýsk blaðakona segir Ísland kjörinn áfangastað í sumar  Þýskir fjölmiðlar
sýna ferðalögum hingað áhuga  Kynningarherferð var sett af stað í Þýskalandi
12 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 3. JÚLÍ 2020
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
3. júlí 2020
Gengi Kaup Sala Mið
Dollari 138.88
Sterlingspund 172.32
Kanadadalur 102.28
Dönsk króna 20.879
Norsk króna 14.483
Sænsk króna 14.844
Svissn. franki 146.59
Japanskt jen 1.2916
SDR 191.25
Evra 155.6
Meðalgengi/Viðskiptavog þröng 183.9743
Hrávöruverð
Gull 1787.4 ($/únsa)
Ál 1602.0 ($/tonn) LME
Hráolía 41.33 ($/fatið) Brent
● Stjórn Brims hf.
ákvað í gær að
fjárfesta í græn-
lenska sjávarút-
vegsfyrirtækinu
Arctic Prime Fish-
eries ApS (APF).
Er ákvörðunin tek-
in í framhaldi af
stofnun dóttur-
félags Brims í
Grænlandi líkt og
greint var frá fyrr á þessu ári. Þetta
kom fram í tilkynningu félagsins til
Kauphallar í gær.
Fjárfesting Brims er samtals um 85
milljónir evra, um 13,4 milljarðar króna,
í formi hlutafjárkaupa, fjármögnunar
og skipakaupa. Mun Brim eignast hlut í
APF og koma að fjármögnun þess og
selur því að auki nýsmíðaðan frystitog-
ara, Ililiveq, sem afhentur var frá
Astilleros Gijon-skipasmíðastöðinni á
Spáni í maí.
Í fréttatilkynningunni segir að mark-
miðið með fjárfestingunni sé að
breikka grundvöll starfsemi Brims, efla
samstarf við APF á Suður-Grænlandi
um veiðar, þróun á hátæknivinnslu og
nýta reynslu Brims á sviði umhverfis-
mála og samfélagslegrar ábyrgðar.
APF er í meirihlutaeigu grænlenskra
aðila, Útgerðarfélags Reykjavíkur, sem
heldur á 16,5% hlut og hefur verið hlut-
hafi í félaginu frá árinu 2013, og Brims,
sem eftir viðskiptin mun eiga 16,5%
hlut í félaginu. „Við teljum það hag-
stætt og til þess fallið að auka verð-
mæti Brims, að taka þátt í því, ásamt
Grænlendingum, að nýta þau tækifæri
sem felast í þróun sjávarútvegs á
Suður- og Austur-Grænlandi. Sú þekk-
ing og reynsla sem starfsfólk Brims og
Arctic Prime Fisheries búa yfir er vel til
þess fallin að auka og efla samstarf
þessara nágranna- og vinaþjóða á sviði
sjávarútvegs,“ segir Kristján Þ. Davíðs-
son, stjórnarformaður Brims.
Fjárfesta í grænlensku
sjávarútvegsfyrirtæki
Grænland Fjárfest
upp á 13,4 ma.kr.
STUTT
Við flestar verslanir Krónunnar er
nú að finna svokölluð fjölskyldu-
stæði sem eru liður í því að auðvelda
viðskiptavinum verslunarinnar lífið
að sögn Hjördísar Elsu Ásgeirs-
dóttur, markaðsstjóra Krónunnar.
Stæðin eru sérmerkt fyrir barna-
fólk, eru gul á litin en fyrirmyndina
er að finna hjá IKEA sem hefur boð-
ið upp slík stæði um nokkurt skeið.
„Okkar stærsti markhópur er fjöl-
skyldufólk. Við vildum auka þjón-
ustuna fyrir þá sem eru með börn og
ófrískar konur og bæta aðgengið,“
segir Hjördís. „Við vorum búin að
prófa þetta í verslun okkar í Garða-
bæ og það gekk svo vel að við
ákváðum að setja þetta í allar versl-
anir þar sem við höfum bílastæði til
umráða. Á sumum stöðum deilum
við bílastæðum með öðrum fyrir-
tækjum þar sem við höfum ekki
mátt mála stæðin,“ segir Hjördís í
samtali við Morgunblaðið.
Fjölskyldustæði við
verslanir Krónunnar
Fjölskyldustæði Stæðin eru gulmerkt og bæta aðgengi fyrir barnafólk.