Morgunblaðið - 03.07.2020, Síða 28

28 MENNING
MORGUNBLAÐIÐ FÖSTUDAGUR 3. JÚLÍ 2020
Bíldshöfða 16 - 110 Reykjavík - 414-8400 - www.batik.is - www.martex.is
VINNUFATNAÐUR
MERKINGAR
Sýning myndlistarkonunnar Söru
Bjarkar Hauksdóttur, Vinn, vinn,
opnar í dag, föstudaginn 3. júlí,
milli kl. 16 og 18, í Listasal Mos-
fellsbæjar. Öll verkin á sýningu
Söru Bjarkar eru gerð í samvinnu
við aðra listamenn. Þar má nefna
söngkonuna GDRN, bæjarlista-
mann Mosfellsbæjar, og mynd-
listarkonuna Tinnu Royal, bæjar-
listamann Akraness. Mörg
verkanna eru unnin á tímum Co-
vid-19 sem sagt er hafa haft óvænt
og skemmtileg áhrif á samstarf
Söru Bjarkar við listamennina og á
verkin sjálf sem voru send á milli
heimila í lokuðu samfélagi.
Sara Björk stundar nám við
myndlistardeild Listaháskóla Ís-
lands og hefur einnig lokið námi í
listmálun í Svíþjóð. Hún er auk þess
menntaður hjúkrunarfræðingur og
ljósmóðir og með meistaragráðu í
lögfræði. Listasalur Mosfellsbæjar
er staðsettur inn af Bókasafni Mos-
fellsbæjar, Kjarna, Þverholti 2.
Sýningin Vinn, vinn mun standa til
31. júlí.
Vinn, vinn í Listasal Mosfellsbæjar
Litríkt Eitt af verkum Söru Bjarkar sem sjá
má á sýningunni Vinn, vinn.
Mikið líf verður í
Alþýðuhúsinu á
Siglufirði um
helgina, 3.-5. júlí,
þegar menn-
ingarhelgin Frjó
fer þar fram. Þar
koma saman ell-
efu listamenn
sem sýna munu
myndlist, leika
tónlist og gefa
gestum innsýn inn í sköpunarferlið.
Í kvöld, kl. 20, verða tónleikar þar
sem fram koma tónlistarmennirnir
Plasmabell, rafnar, Framfari og
Kraftgalli. Á laugardaginn milli kl.
14 og 17 fer fram sýning Tuma
Magnússonar, Almennings-
samgöngur, og Linus Orri Gunn-
arsson mun flytja tónlist. Um kvöld-
ið, kl. 20, verða tónleikar með
listamönnunum Þóri Hermanni
Óskarssyni og Söngelsku leður-
blökunum frá Reykjavík. Síðdegis á
sunnudag verður haldið Sunnu-
dagskaffi með skapandi fólki þar
sem Unnur María Máney Berg-
sveinsdóttir, sjálfstætt starfandi
sirkuskona, segir frá sirkuslistum.
Menningarhelgin Frjó í Alþýðuhúsinu
Þórir Hermann
Óskarsson
Morgunblaðið/Einar Falur
Höfundarnir Antoine Viviani og Pierre-Alain Giraud í rústunum í stóra salnum í Listasafni Íslands þar sem draugar
fara á stjá. Gabríela Friðriksdóttir hannar leikmyndina en Valgeir Sigurðsson er höfundur tónlistarinnar í verkinu.
Einar Falur Ingólfsson
efi@mbl.is
Þetta hefur verið afar tilraunakennt
og í raun opið verk, alveg frá upp-
hafi, og við höfum nú bætt við það
ýmsum nýjum og mjög spennandi
þáttum,“ segja frönsku leikstjór-
arnir og listamennirnir Antoine
Viviani og Pierre-Alain Giraud um
hið umfangsmikla og áhugaverða
verk þeirra Solastalgia sem er verið
að ljúka við að setja upp í Listasafni
Íslands. Um er að ræða framlag
Listasafnsins til Listahátíðar í
Reykjavík, sýningar á verkinu hefj-
ast á sunnudaginn kemur en það er
sagt fyrsta sýning í gagnauknum
veruleika (augmented reality upp á
ensku) í safni hér á landi.
Þegar blaðamaður gengur inn í
stærsta sal safnsins tekur hálf-
myrkur rústaheimur á móti honum.
Hálfhrundir steyptir veggir sem
steypustyrktarjárn standa út úr,
steingerð tré, malarhaugar og leifar
af flygli í einu horninu. Þetta er
sviðsmynd langt inni í ótilgreindri
framtíð sem samstarfsmaður leik-
stjóranna, myndlistarkonan Gabrí-
ela Friðriksdóttir hefur mótað.
Tæknimenn eru að tengja flókinn
rafeindabúnað sem mun stýra upp-
lifun gesta. Tíu gestum mun í einu
verða boðið að ganga inn í innsetn-
inguna með Hololens-2 höfuðbúnað
og kanna jörðina við endalok mann-
kyns. Eins og segir í lýsingu á verk-
inu stendur þá aðeins eftir í rústinni
dularfullt stafrænt ský, knúið af
undarlegri vél. Sýningin varir í um
hálftíma og geta gestirnir á meðan
farið um salinn, gengið um plánet-
una innan um steingervinga, brak og
rústir, og upplifað ólíkar sögur,
sagðar af draugum sem birtast og
tjá „hin gleðiríku, djúpstæðu og
grimmu augnablik tilverunnar, lát-
laust, um alla eilífð,“ eins og segir í
lýsingu á verkinu.
Dansar milli listforma
Listamennirnir og höfundar
verksins, þeir Viviani og Giraud,
segja Solastalgiu endurspegla
spennu á milli frelsunarmáttar
tækninnar, sem við treystum sífellt
meira á, og vísindalegra útreikninga
um válega framtíð. Þótt þeir hafi
verið að bæta heilmiklu við verkið
hefur það þegar verið sýnt í Rennes
í Frakklandi í fyrra og á Sundance
kvikmyndahátíðinni í Bandaríkj-
unum í febrúar í ár.
Viviani og Giraud unnu fyrst sam-
an að heimildakvikmyndinni Dans
les limbes (2015), Viviani var leik-
stjóri og framleiðandi en Giraud
klippti. Myndin hefur verið sýnd á
um 50 alþjóðlegum hátíðum og hlotið
mikið lof. Innsetninguna Solastalgiu
hönnuðu þeir í fyrra og vinna þar
áfram með hugleiðingu frá fyrr-
nefndri heimildakvikmynd, um til-
vistarlegt samband okkar mannanna
við netið og þörfina fyrir að skapa
sameiginlegt minni sem mun lifa
okkur. Afraksturinn er þetta verk
sem dansar milli listforma.
„Gestir ganga inn í salinn með
þennan nýstárlega höfuðbúnað og
þar spretta fram draugar og segja
sögur,“ segja þeir blaðamanni.
Undanfarnar vikur hafa þeir verið
að kvikmynda þessa svipi eða sögu-
menn með svokallaðri innrauðri
rúmmálsmyndavél sem máir út
mörkin milli kvikmynda og staf-
rænnar þrívíddarveraldar. Leikarar
í verkinu eru Sólveig Guðmunds-
dóttir, Sveinn Ólafur Gunarsson,
Árni Pétur Guðjónsson, Ragnheiður
Steindórs, Sara Marti Guðmunds-
dóttir og Nikulás Barkarson. Dans-
arar eru Elín Signý Ragnarsdóttir
og Erna Ómarsdóttir en sú síðar-
nefnda er jafnframt danshöfundur
verksins.
Í skýringum um sýninguna segir
að gestir setji á sig höfuðbúnaðinn
ásamt heyrnartólum og litlum bak-
poka - og er búnaður sótthreinsaður
eftir hverja heimsókn. Þeir ganga
síðan inn í salinn og hefja könn-
unarleiðangur þegar dyr opnast og
sögur taka að kvikna. Fyrir augum
gestanna birtast í rústunum í saln-
um heilmyndir af fólki sem segir frá.
Draugar fara á stjá í
rústunum í safninu
 Solastalgia er framlag Listasafns Íslands til Listahátíðar
Nýtt gallerí, Þula, sem mun selja og
sýna verk eftir samtímalistamenn,
lengra komna og upprennandi, verð-
ur opnað við Hjartatorg á morgun,
laugardag, kl. 16. Gengið er inn á
torgið frá horninu á Laugavegi 21.
Í tilkyningu segir að Þula muni
verða opnað á samsýningu þar sem
kynntir verða þeir listamenn sem
verða með einkasýningar fram að
jólum. Það eru þau Hugleikur Dags-
son, Þórdís Erla Zoega, Aðalheiður
Daly Þórhallsdóttir, Dýrfinna Be-
nita Basalan og Tolli Morthens.
Áhersla verður lögð á að gestir
finnst þeir vera velkomnir í galleríið
og geti skoðað þar listaverkin og
spjallað á jafningjanótum. Boðið
verður upp á léttar veitingar.
Stofnandi Þulu er Ásdís Þula Þor-
láksdóttir. Hún ólst upp við mynd-
list. Báðir afar hennar voru málarar
og faðir hennar, Tolli, er það einnig.
Hún lagði myndlistina þó ekki fyrir
sig heldur nam leiklist í Toronto og
Los Angeles. Þegar heim var snúið
var hægara sagt en gert að komast
inn í bransann og hóf hún þá störf
hjá föður sínum. Eftir að hafa séð
um gallerí hans ásamt því að sjá um
sölur á listaverkum fyrir systur sína
Kristínu Morthens, ákvað hún að
stíga skrefinu lengra og opna sitt
eigið gallerí.
Galleríið Þula við Hjartatorg
Málverk Hluti verks eftir Dýrfinnu
Benita Basalan á sýningunni.