Morgunblaðið - 25.07.2020, Síða 6

6 FRÉTTIRInnlent
MORGUNBLAÐIÐ LAUGARDAGUR 25. JÚLÍ 2020
Sigurður Bogi Sævarsson
sbs@mbl.is
Sveinbjörn Darri Matthíasson, fjór-
tán ára piltur úr Kópavogi, má ætla
að sé yngsti flugmaður landsins.
Síðastliðinn miðvikudag lauk hann
sólóprófi í svifflugi, eftir nám sem
hann hóf á síðasta vori. Undir leið-
sögn reyndra kennara hefur Svein-
björn flogið alls fimmtán klukku-
stundir og á að baki alls 50 ferðir.
Allar eru þær frá flugvellinum á
Sandskeiði, en þar eru svifflugur
gjarnan dregnar á loft með 600 hest-
afla spili sem skýtur flygildunum á
120 km hraða í 45° klifri á 30 sek-
úndum upp í 1.500 feta flughæð.
Mikið frelsi
„Frelsið í fluginu er mikið og því
ótrúleg tilfinning að svífa um og
heyra bara í vindinum. Áskorunin
felst í því að þurfa að leita upp-
streymis eða annarra krafta til að
geta svifið enn lengra,“ sagði Svein-
björn við Morgunblaðið. Hann er
fæddur árið 2006 og tengist fluginu í
gegnum föður sinn, Matthías Svein-
björnsson, sem er flugmaður hjá Ice-
landair og forseti Flugmálafélags Ís-
lands. Þeir feðgar hafa farið oft
saman í flugtúra og byrjuðu svo í svif-
flugsnámi á sama tíma. „Við sömdum
um að ég tæki svifflugsprófið á undan
pabba, sem lauk því degi á eftir mér,“
segir Sveinbjörn, sem í haust fer í 9.
bekk Salaskóla og fermist um líkt
leyti.
Margir góðir kennarar hafa fylgt
Sveinbirni í gegnum flugnámið að
undanförnu, en mikil reynsla er til
staðar hjá þeim sem hafa stundað
sportið lengi. „Kristján Sveinbjörns-
son sendi mig í fyrsta sólóflugið núna
og gaf mér græna ljósið. Þessar fimm
ferðir sem ég er búinn að fljúga einn
síðan þá hafa verið stutt flug yfir
Sandskeiðinu. Aðallega æfingar í því
að halda mér á lofti og ná góðu taki á
svifflugunni, en til að ná upp hraða er
kúnstin sú að stinga nefi hennar að-
eins niður. Í einu kennslufluginu fór-
um við upp í 6.000 fet og að vera ofan
skýja og horfa niður á Eyjafjallajökul
og Vestmannaeyjar var ólýsanlegt,“
segir Sveinbjörn Darri, sem stefnir á
atvinnuflug í framtíðinni.
Alltaf sömu lögmálin
Matthías Sveinbjörnsson segir að
lengi hafi blundað með sér að prófa
svifflugið og hann hafi heldur ekki
orðið fyrir vonbrigðum. „Í svifflugi
þarf maður að lesa vel í veðurfar, ský
og vindáttir því þeir kraftar halda
manni á lofti – og leikurinn gengur út
á að komast bæði hátt og langt. Auð-
vitað er þetta gjörólíkt því að vera á
Boeing 757 þó að lögmál og eðlis-
fræðin í fluginu sé alltaf hin sama,“
segir Matthías.
Svif Vængjum þöndum í forsal vindanna við Vífilsfellið. Sveinbjörn Darri í einni af allra fyrstu flugferðum sínum, sem var frá Sandskeiði, en á vellinum þar er aðsetur svifflugsmanna á Íslandi.
Feðgar Sveinbjörn Darri og Matthías Sveinbjörnsson faðir hans saman á
Sandskeiði í vikunni eftir skemmtilegt svifflug á fallegu sumarkvöldi.
Fjórtán ára flugmaður
 Sveinbjörn Darri er sóló í sviffluginu  Mikið frelsi
 Uppstreymis er leitað  Fékk prófið á undan pabba
ÁTVR hefur birt hvatningu til við-
skipta sinna á heimasíðunni, þar
sem þeir eru hvattir til að vera
snemma á ferðinni með innkaup
fyrir verslunarmannahelgina.
Vikan fyrir verslunarmannahelgi
er ein annasamasta vika ársins í
Vínbúðunum. Í fyrra seldust tæp-
lega 798 þúsund lítrar af áfengi í
þeirri viku og 142 þúsund við-
skiptavinir komu í Vínbúðirnar.
Það sem af er júlí hefur sala í
Vínbúðunum verið 19% meiri en í
júlí á síðasta ári. Að jafnaði hefur
sala undanfarnar vikur verið um
600 þúsund lítrar, sem gerir hann
að einum stærsta sölumánuði Vín-
búðanna, segir á heimasíðunni.
Föstudagurinn fyrir verslunar-
mannahelgi er alla jafna einn af
annasömustu dögum ársins. Í fyrra
seldust 235 þúsund lítrar þann dag
og alls fengu um 40 þúsund við-
skiptavinir þjónustu í Vínbúðunum.
Flestir koma á milli kl. 16 og 18 og
því þarf stundum að grípa til þess
ráðs að hleypa viðskiptavinum inn í
hollum.
„Fyrir þá sem vilja forðast bið og
langar biðraðir er gott að huga að
því að vera tímanlega. Gott ráð er
að kíkja við fyrri part vikunnar og
fyrri part dagsins,“ segir á heima-
síðu ÁTVR. sisi@mbl.is
Morgunblaðið/Kristinn Magnússon
Vínbúðin Stundum þarf að hleypa viðskiptavinum vínbúðanna inn í hollum.
Sala ÁTVR stóreykst
 Hvetja fólk til að versla tímanlega