Morgunblaðið - 06.08.2020, Síða 27

FRÉTTIR 27Erlent
MORGUNBLAÐIÐ FIMMTUDAGUR 6. ÁGÚST 2020
Aðalstræti 2 | s. 558 0000
Tryggðu þér borð á
www.matarkjallarinn.is
fylgir hverri ferðagjöf sem innleyst
er hjá Matarkjallaranum
FORDRYKKUR
Andrés Magnússon
andres@mbl.is
Talið er að um 300.000 manns séu heimilislaus
í Beirút eftir sprengingarnar hryllilegu á
þriðjudag, sem lögðu stór svæði umhverfis
höfnina í rúst og ollu skemmdum á mann-
virkjum í allt að 10 km fjarlægð. Fjöldi látinna
er kominn upp í 135 manns og vafalaust eiga
fleiri lík eftir að finnast í húsarústum næstu
daga og vikur. Óttast er að þar sé enn margt
fólk á lífi, en björgunarstarf er afar örðugt.
Reyk leggur enn yfir höfnina í Beirút, en
um göturnar gengur fólk í leit að ástvinum.
Talið er að um 4.000 manns hafi slasast og eru
öll sjúkrahús yfirfull, en til að gera illt verra
urðu tvö af stærstu sjúkrahúsum borgarinnar
fyrir verulegum skemmdum og þurfti að rýma
annað þeirra.
Enn er margt á huldu um orsakir spreng-
inganna, en Mohammed Fahmi innanríkisráð-
herra staðfesti að þær hafi orðið í vöru-
skemmum við höfnina, þar sem voru um 2.750
tonn af áburði, ammoníumnítrati eða kjarna.
Hann er eldfimur og nothæfur til sprengju-
gerðar. Sprengingum fylgdi rauðleitt reykský
til vísbendingar um að þar hafi áburður
sprungið, en ekki bætir úr skák að reykurinn
inniheldur eiturefni, sem valdið getur lungna-
skemmdum.
Áburðurinn var gerður upptækur árið 2014
þegar rússnesk útgerð vöruflutningaskipsins
Rhosus á leið frá Georgíu til Mozambique
lýsti yfir gjaldþroti meðan skipið var í höfn
þar. Af óskýrðum ástæðum hefur áburðurinn
verið þar á hafnarbakkanum síðan. Hafnar-
stjórar Beirút-hafnar voru í gær settir í stofu-
fangelsi, en hafnaryfirvöld hafa sætt ámæli
fyrir vanrækslu og spillingu.
Hafnarsvæðið og iðnaðarhverfi í kring
mega heita ónýt, en skammt þaðan eru stór
íbúðarhverfi og fjölfarin verslunarhverfi við
jaðar miðbæjarins. Tugir bygginga hrundu og
eru rústir einar, en varla má finna heillegt hús
í 2-3 km fjarlægð frá sprengjugígnum við
höfnina, en á því svæði býr meira en hálf
milljón manns. Til marks um ofsakraft síðari
sprengingarinnar má nefna að hvellurinn
heyrðist alla leið til Kýpur sem er í tæplega
200 km fjarlægð. Af jarðskjálftamælum mátti
lesa að hún hefði jafnast á við 3,5 stigs skjálfta
á Richters-kvarða.
Sprengingar í Beirút
— eyðileggingin 4. ágúst 2020 Heimild: OpenStreetMaps
Líbanon
Vöruskemmurnar sem
áburðurinn var geymdur í
Stórskemmdar
byggingar
Götur í verslunar-
hverfinu þaktar
glerbrotum
Allar hafnar-
byggingar
stórlaskaðar
Rústir
einar
Skt. Georgs-
spítali mjög
skemmdur
Hotel Dieu
spítali nokkuð
skemmdur
Skemmdir á
verslanamiðstöð
Klæðning
háhýsa
hrundi af
Karantina-
spítali rýmdur
1 km
10.000
manns
2 km
80.000
manns
3 km
500.000
manns
TYRKLAND
KÝPUR
JÓRDANÍA
ÍSRAEL
DamaskusLÍBANON
Beirút
SÝRLAND
M i ð j a r ð a r h a f
Skemmdir urðu á húsum í allt
að 10 km fjarlægð frá skemmunum,
þar sem sprengingin varð. Það er
tvöfalt svæðið sem rúmast á
þessu korti.
Hvellurinn
heyrðist alla
leið til Kýpur.
Reykjarbólstrar
í Beirút sáust í
Damaskus.
300.000 heimilislaus í Beirút
 135 hafa fundist látin, um 4.000 særð og óttast að í rústum leynist bæði lík og lifandi eftir sprengingar