Morgunblaðið - 21.08.2020, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 21. ÁGÚST 2020
Sími 555 3100 www.donna.is
Erum nú á Facebook:
donna ehf
Nánari upplýsingar í vefverslun
www.donna.is
Honeywell borðviftur, gólfviftur
og turnviftur – gott úrval.
Hljóðlátar viftur í svefnherbergi.
Viftur semgefa gust á vinnustaði.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
Framkvæmdir á vegum Landsnets
við uppsetningu Kröfulínu 3 sem nú
standa yfir eru á góðu skriði. Línan
liggur milli Kröfluvirkjunar í Mý-
vatnssveit og tengivirkis aflstöðv-
arinnar í Fljótsdal og verður hún
alls 122 km. Þarna er að farið um
öræfi og reginfjöll; að mestu sam-
síða Kröflulínu 2 en tilgangurinn
með framkvæmdinni nú er að
styrkja flutningskerfi raforku á
Norður- og Austurlandi eins og mik-
il þörf var talin á.
Setja saman möstur og reisa
Vinnu við undirstöður og slóða-
gerð er að mestu lokið. Menn frá
verktakafyrirtækinu Elnos í Bosníu
hafa svo með höndum að setja sam-
an og reisa möstur, að sögn Stein-
unnar Þorsteinsdóttur, upplýsinga-
fulltrúa Landsnets. Búið er að setja
saman 212 möstur af 328 og af þeim
er búið að reisa 138. Nú er verið að
setja upp möstur og strengja víra
við Möðrudal á Fjöllum en hafist
verður handa við uppsetningu á öðr-
um leggjum línunnar strax eftir
helgina.
„Framgangur verkefnisins er
góður og ef allt gengur eftir stefnum
við á að taka línuna í rekstur í lok
ársins,“ segir Steinunn Þorsteins-
dóttir.
Umhverfisáhrif í lágmarki
Kröflulína 3 fer um þrjú sveitar-
félög: Skútustaðahrepp, Fljótsdals-
hérað og Fljótsdalshrepp. Undir-
búningur verkefnisins var langur og
í því ferli var m.a. horft til umhverf-
isáhrifa, sem reynt er að halda í lág-
marki. Þannig eru möstrin í nýju lín-
unni úr stáli og talsvert hærri en
timburmöstrin í Kröflulínu 2. Á hinn
bóginn er lengra á milli færri mastra
í nýju línunni en þeirri gömlu, sem
vegur gegn umhverfisáhrifum og að
um of sé settur sterkur svipur á
landið.
Fram kemur á vefsetri Landsnets
að við undirbúning þessa verkefnis
hafi verið haft samráð við marga og
almennt alla þá sem hagsmuna eiga
að gæta, til að mynda landeigendur.
Morgunblaðið/Einar Falur
Háspenna Mastur í 3. Kröflulínu fyrir miðju og hin minni úr 2. línu. Auka á raforkuöryggi á NA-landi með þessu.
Möstrin reist og
línur strengdar
 Kröflulína 3 kemst senn í gagnið
Stefán E. Stefánsson
ses@mbl.is
Haldist gengi krónunnar lágt mun
það tryggja Icelandair Group
sterka samkeppnisstöðu, einkum
þegar litið er til launakostnaðar.
Þetta kemur fram í gögnum sem
kynnt hafa verið fjárfestum í
tengslum við fyrirhugað hlutafjár-
útboð félagsins sem fram mun fara
í september að veittu samþykki
hluthafafundar sem boðað hefur
verið til 9. þess mánaðar.
Styrkist gengi krónunnar mikið
mun það gera félaginu erfiðara
fyrir og hafa afgerandi áhrif á
uppbyggingu þess til komandi ára.
Hvergi í hinni ríflega 100 síðna
fjárfestakynningu er hins vegar
kveðið upp úr um hvar jafnvægis-
gengi krónunnar gagnvart við-
skiptamyntum liggur, hvað teljist
sterkt gengi eða veikt.
Líkt og greint var frá í Morgun-
blaðinu í gær gerir Icelandair ráð
fyrir því í sínum spám að farþegar
félagsins verði um 1,4 milljónir á
næsta ári. Ekki liggur fyrir opin-
berlega hvernig félagið telur að sá
markaður muni skiptast milli
tengifarþega (VIA-traffík) og
þeirra sem hafa Ísland að áfanga-
stað (T/F-traffík).
Jóhannes Þór Skúlason, fram-
kvæmdastjóri Samtaka ferðaþjón-
ustunnar, segir að áætlanir félags-
ins virðist þó ríma að miklu leyti
við áætlanir þær sem SAF hafa
lagt fram um fjölda ferðamanna
sem hingað muni koma á næstu
árum. SAF hafa sagt að ef allt
gangi á besta veg megi gera ráð
fyrir að um milljón ferðamenn
leggi leið sína hingað árið 2021 og
að þeim fjölgi í 1,5-1,7 milljónir og
að þeir verði að nýju 2 milljónir
árið 2023.
„Það hvernig þetta fer byggist
mjög á afdrifum fyrirtækjanna í
vetur og framþróun faraldursins.
Það eru margar breytur sem geta
haft mikil áhrif á þessa stöðu,“
segir Jóhannes Þór.
Tengimarkaðurinn gæti eflst
Icelandair telur sóknarfæri á
tengimarkaðinum (VIA) yfir Atl-
antshafið í kjölfar kórónuveirunn-
ar, ekki vegna þess að eftirspurn
yfir hafið milli Norður-Ameríku og
Evrópu muni aukast, heldur þvert
á móti.
Þannig segir félagið að með
minnkandi eftirspurn muni margir
beinir flugleggir milli álfanna
leggjast af sökum þess að þeir
verði ekki arðbærir lengur. Þá
þurfi farþegar í auknum mæli að
nýta sér tengiflugvelli til þess að
komast milli áfangastaða. Þannig
metur félagið það svo að samdrátt-
ur í eftirspurn muni styrkja stöðu
félaga sem bjóði upp á tengiflug í
samkeppni við beint flug á mörg-
um flugleiðum.
Krónan mun leika lykilhlutverk
 Gengi íslensku krónunnar mun hafa mikil áhrif á hvernig Icelandair mun haga endurreisnarstarfi
 Óljóst hvaða áhersla verður lögð á tengimarkaðinn  Tækifæri skapast vegna kórónuveirunnar
VEIKT
GENGI
KRÓNU
Launa-
kostnaður
samkeppn-
ishæfur
Áhersla á vöxt T/F farþega
● Byggja rólega upp leiðakerfið
● Bæta við T/F áfangastöðum
● Auka tíðni ferða á helstu T/F
áfangastaði
● Verja stöðu á tengimarkaði
Öflugur vöxtur
● Byggja upp leiðakerfið hratt
● Fjölga áfangastöðum
● Auka tíðni á helstu áfangastaði
● Leggja áherslu á tengimarkaðinn
● Byggja upp nýja T/F markaði
STERKT
GENGI
KRÓNU
Launa-
kostnaður
dregur úr
samkeppni
Varnarstaða
● Lítill vöxtur eða samdráttur í
framboði
● Leggja af óarðbærar leiðir
● Áhersla á T/F markaði
● Minni áhersla á tengimarkaði
● Leita uppi arðbæra sértæka
markaði
Áhersla á vöxt tengimarkaðar
● Viðhalda stærð leiðakerfis
● Halda aftur af framboði
● Leggja áherslu á arðbærustu hluta T/F
og tengimarkaði til að bæta upp fyrir
háan kostnað
● Finna arðbæra sértæka tengimarkaði
VEIKUR TENGIMARKAÐUR
Offramboð og lágt
farmiðaverð
STERKUR TENGIMARKAÐUR
Framboð í jafnvægi og hátt
farmiðaverð
*Fjárfestakynn-
ingin er birt á
ensku, þýðing er
blaðamanns
Félag atvinnurekenda hefur sent
menntamálaráðherra erindi þar sem
óskað er eftir skýrum leiðbeiningum
um hvort hin svokallaða eins metra
regla gildi í starfsemi einkarekinna
fræðslufyrirtækja.
Sóttvarnalæknir hefur ekki svarað
erindi samtakanna en skv. reglum
sem heilbrigðisráðherra hefur kynnt
megi einn metri vera milli einstak-
linga í „leikskólum, grunnskólum,
framhaldsskólum og háskólum“ milli
einstaklinga sem fæddir eru fyrir árið
2005, án þess að grímur séu notaðar.
Í bréfinu, sem undirritað er af Ólafi
Stephensen, framkvæmdastjóra FA,
segir að einkarekin fræðslufyrirtæki
reki starfsemi sem sé að flestu leyti
sambærileg við skólastarf á háskóla-
og framhaldsskólastigi.
„Tveggja metra reglan hefur tor-
veldað mjög starfsemi þessara fyrir-
tækja. Sé hún áfram látin gilda um
starfsemi þeirra munu þau neyðast til
þess að skipta hópum af þeirri stærð,
sem vanalega er kennt í, niður í
marga smærri hópa,“ segir í bréfinu
og bent á að það muni í mörgum til-
vikum fela í sér mikinn tilkostnað. Áð-
ur en FA ritaði erindið til mennta-
málaráðherra beindi félagið einnig
spurningum sínum til upplýsingafull-
trúa menntamálaráðuneytisins en
segir að viðbrögð úr þeirri átt hafi
ekki falið í sér skýrt svar.
Tryggja þarf jafnræði
Bendir Ólafur í bréfinu á að nauð-
synlegt sé að tryggja sömu fjarlægð-
arreglur í starfsemi hinna einkareknu
fræðslufyrirtækja og gildi í endur-
menntunardeildum háskólanna. Að
öðrum kosti sé ekki gætt að jafnræð-
issjónarmiðum sem snúa að sam-
keppnisstöðu þessara aðila.
ses@mbl.is
Munar mikið um metrann
 FA vill að metra-regla gildi í einkarekinni fræðslustarfsemi
 Fær ekki svör frá sóttvarnalækni um hvernig túlka skuli reglur
Endurmenntun Óljóst hvort eins
metra reglan muni gilda alls staðar.