Ægir - 2019, Blaðsíða 17

17
vegar meira við norðlægar slóðir. Þegar
Rússlandsmarkaður lokaðist féll verðið á
makríl en það hefur smám saman náðst
upp á ný á öðrum mörkuðum. En í síld-
inni er þetta bara strögl, bæði lægri verð
og erfiðara að finna kaupendur,“ segir
Siggeir en síldarafurðir Ísfélagsins fara
að stærstum hluta til Póllands, Hvíta-
Rússlands og Asíu.
Neyslan breytt í Rússlandi?
Fjögur ár eru liðin frá því viðskipta-
bannið var sett í Rússlandi en mikið
magn af uppsjávarafurðum fór frá Ís-
landi á þann markað, auk afurða frá
fleiri löndum sem bannið gildir einnig
um. Sú spurning er því nærtæk hvort
vera kunni að þessi markaður hafi glat-
ast varanlega þegar svo langur tími er
liðinn, verði banninu aflétt.
„Þetta er einmitt sú spurning sem við
veltum fyrir okkur. Líklegast er að neyt-
endur í Rússlandi hafi snúið sér að öðr-
um vörum og því kann að verða erfitt að
vinna markaðinn til baka ef viðskipta-
banninu yrði aflétt. Án þess að vita ná-
kvæmlega hvernig þetta hefur gengið
fyrir sig þá hefur maður svolitlar
áhyggjur af því að áhrifin séu orðin tals-
verð á markaðnum eftir svona langan
tíma sem bannið hefur staðið,“ segir Sig-
geir.
Bolfiskvinnsla fyllir í skarðið
Vel gekk að fá starfsfólk í vinnsluna á
Þórshöfn á nýafstaðinni vertíð en fast
starfsfólk í frystihúsinu er um 50 talsins
en fleiri koma að meðan vertíðin stend-
ur.
„Við rekum bolfiskvinnslu sem er í
gangi milli vertíða og hún er mikilvæg til
að skapa fasta fólkinu heilsársvinnu. Sú
vinnsla bjargaði miklu þegar loðnan
brást okkur síðasta vetur og fyrirtækið
hefur ágæta kvótastöðu í bolfiski. En
óskastaðan er auðvitað sú að fá hefð-
bundna loðnuvertíð því áhrifa hennar
gætir í tekjum sem hríslast um allt sam-
félagið. Það finna allir fyrir því þegar
loðnubrestur verður,“ segir Siggeir.
Frystigámar / Sala og leiga 10 / 20 og 40 ft.
Seljum einnig og leigjum gámahús, geymslugáma og salernishús í
ýmsum stærðum og gerðum. Fjöldi sérlausna í boði, sniðnar að
þörfum hvers og eins viðskiptavinar.
www.stolpigamar.is
Hafðu
samband
568 0100 Óseyrarbraut 12 | 220 Hafnarfirði | Klettagörðum 5 | 104 Reykjavík
■ Siggeir Stefánsson, framleiðslustjóri Ísfélagsins á Þórshöfn. og nokkrir minni sem stunda meðal annars strandveiðar og
grásleppuveiðar.
Þórshöfn