Ægir - 2019, Page 29

29
Fjölsótt sjávarútvegs-
sýning í Laugardalshöll
Sýningin Sjávarútvegur 2019 sem haldin var í Laugardals-
höll í lok september var að sögn aðstandenda sótt af um
18.000 gestum. Sýningin stóð í þrjá daga en Kristján Þór
Júlíusson, sjávarútvegs- og landbúnaðarráðherra, opnaði
hana formlega og sagði í opnunarræðu sinni að hann fyllist
stolti að sjá hversu framarlega íslenskar útgerðir og tækni-
fyrirtæki standi á því alþjóðlega markaðstorgi sem sjávar-
útvegur er. „Við göngum til móts við aukna samkeppni
óhrædd og ég vænti þess og vona að þessa daga, sem hér
verður opið, tökum við einhver skref fram á við. Allt með
það að markmiði að gera íslenskt þjóðfélag betra en það var
í gær og enn betra á morgun,“ sagði ráðherrann.
Fjöldi íslenskra og erlendra fyrirtækja kynnti þjónustu sína
og vörur á sýningunni, nýjustu þróun í tækni fyrir skip og fisk-
vinnslur.
Meðfylgjandi eru nokkrar myndir frá sýningunni.
■ Guðmundur Bragason í Sónar við skjávegginn sem var eitt
af því sem fyrirtækið sýndi.
■ Þórir Matthíasson í Scanmar útskýrir virkni aflanema-
kerfisins og nýjustu lausnir á því sviði.
■ Sjávarútvegráðherra leit við í bás Sæplasts. ■ Rýnt í skjáina og tæknina í bás Simberg.