Morgunblaðið - 28.10.2020, Qupperneq 24

24 MENNING
MORGUNBLAÐIÐ MIÐVIKUDAGUR 28. OKTÓBER 2020
Helgi Snær Sigurðsson
helgisnaer@mbl.is
Fyrsta breiðskífa tónlistarmannsins
Myrkva, Reflections, er komin út og
sér Sony Music Iceland um staf-
ræna dreifingu á henni en tónlistar-
maðurinn sá sjálfur um útgáfu á
geisladiski og hönnun. Lögin voru
samin á mismunandi tímum í lífi tón-
listarmannsins og er hvert lag þátt-
ur í heildarmynd af sögu sem hægt
er púsla saman, að sögn Myrkva
sem segir Reflections vaxa í eyrum
hlustenda með hverri hlustun.
Myrkvi er
listamannsnafn
Magnúsar Thor-
lacius sem er einn
liðsmanna hljóm-
sveitarinnar Vio
sem fór með sig-
ur af hólmi í Mús-
íktilraunum árið 2014. „Þegar Vio,
hljómsveitin mín, tók tónlistarlega
stefnu áttaði ég mig á því að ég
þyrfti líka annan farveg fyrir ákveð-
in lög. Lögin á plötunni eiga það
sameiginlegt að passa ekki fyrir Vio
en vera engu að síður stór hluti af
því hver ég er sem tónlistarmaður.
Lög sem mér fannst mikilvægt að
gefa út. Ástæðan fyrir Myrkva,“
skrifar Magnús í tölvupósti og í
samtali við blaðamann segir hann
hljómsveitina vera að vinna í annarri
breiðskífu sinni og að hún sé komin
langt á veg.
Fann nafnið í orðabók
–Þér fannst þú þurfa að hefja
sólóferil, færðu ekki næga útrás
með Vio?
„Tja, ákveðin lög passa ekki leng-
ur þar, ákveðinn hljóðheimur og
stefna sem við fílum saman. Myrkvi
er meira „fólk“ eða popp og ég er
alltaf að semja og langaði að koma
því út sem mér fannst flott. Þannig
að jú, ég áttaði mig á því að það
passaði ekki allt fyrir Vio og að mig
langaði að hafa svona „solo outlet“
líka,“ svarar Magnús blaðamanni.
–Af hverju valdirðu þér þetta
nafn, Myrkvi?
„Ég var mikið að spá og spekúlera
í það þegar ég var að gefa út fyrstu
lögin. Fyrst ætlaði ég að gefa út
undir eigin nafni, Magnús Thorlac-
ius, en fór svo að hafa áhyggjur af
því að það myndi ekki standa jafn-
mikið upp úr og langaði að finna mér
listamannsnafn. Ég fór bara í orða-
bókina og fletti upp í m til að gá
hvort eitthvað væri nálægt nafninu
mínu. Þetta greip mig bara strax,“
svarar Magnús og segir listamanns-
nafnið dálítið í anda málmsveita. Þó
sé það lýsandi á ákveðinn máta.
„Það er stundum angurværð í lög-
unum og myrkvi er fallegt orð,“ seg-
ir Magnús en hann hafi ekki áttað
sig á því fyrr en nokkru síðar að erf-
itt gæti reynst útlendingum að bera
fram orðið.
–Textarnir þínir eru þó ekkert
myrkir, er það?
„Nei, ekkert rosalega í rauninni
en ég er stundum svolítið að leika
mér með einhverja svona skamm-
degistexta við hressari lög. Sumir
textarnir eru einmanalegir og í
blárri kantinum en ekki öll lögin. Ég
er ekki með neitt þema fyrir þá, sum
lögin eru með léttari textum og önn-
ur með þyngri. Ég hélt í rauninni að
platan væri þyngri og minna hress
og kannski einmitt af því sumir text-
arnir eru dálítið einmanalegir en
þegar ég fór að sýna fólki þetta og
spila lögin sagði það að þetta væri
hresst og létt.“
Ólík tímabil
Lögin á Reflections voru samin á
heldur löngum tíma og endurspegla
ólík tímabil í lífi Magnúsar. Við sögu
koma ferðalög og friður, uppgjöf og
einmanaleiki, vandræðalegar hafn-
anir, fullkomin hamingja og spennan
sem fylgir því að kynnast ein-
hverjum, eins og hann lýsir því sjálf-
ur. Lög sem hann samdi þegar hann
fann þörf fyrir útrás og tjáningu.
Spurður út í áhrifavalda í tónlistinni
segir Magnús að hann sé ekki með-
vitað að reyna að líkja eftir neinum.
Hann hlusti mikið á Tame Impala,
Nick Drake, Courtney Barnett, Mac
DeMarco, Bombay Bicycle Club,
Fleet Foxes og Kevin Morby.
Magnús spilar á gítar og syngur
en lærði fiðluleik sem barn. Á ung-
lingsárunum tók gítarinn við og seg-
ist hann að mestu sjálflærður á
hljóðfærið. Hann er spurður að því
hvort fiðlukunnáttan hafi hjálpað til
þegar gítarinn tók við af fiðlunni
segir hann að eflaust hafi hún gert
það. „Það var alla vega frekar auð-
velt að skipta og bara spurning um
að vera duglegur að æfa sig,“ segir
Magnús og að á menntaskóla-
árunum hafi hann hlustað mikið á
Simon og Garfunkel. „Það sem dró
mig inn í þetta var að læra að plokka
á klassískan gítar, svona Simon og
Garfunkel-dæmi,“ segir Magnús.
Kemur til greina að streyma
Platan kemur út á heldur erfiðum
tíma, farsóttin enn að herja á heims-
byggðina og ekkert tónleikahald í
kortunum. Hann er spurður að því
hvort tónleikar á netinu komi til
greina, t.d. í streymi eins og sumir
tónlistarmenn hafa gripið til og seg-
ir hann það ekki útilokað. Hann sé
með það bak við eyrað. „En Covid
teygir sig víða, ég átti að spila á lít-
illi, bandarískri streymishátíð en
gaurinn sem var að halda hana
þurfti að hætta við vegna veikinda
hjá honum og fjölskyldu hans sem
mig grunar að sé Covid. Veiran get-
ur klekkt á streymishátíðum, hrein-
lega,“ segir Magnús. Hann hafi ver-
ið duglegur að koma sér á framfæri
á netinu og eftir þeim leiðum sem í
boði eru. „Svo er ég jákvæður að
eðlisfari og kem bara af krafti og
spila fyrstur þegar allt fer í gang.
Ég hlakka til og er byrjaður á ann-
arri Myrkva-plötu. Ég held mér
uppteknum, það er alltaf nóg að
gera.“
Ljósmynd/Sebastian Madej
Myrkvi „Það er stundum angurværð í lögunum og myrkvi er fallegt orð,“ segir Magnús um listamannsnafn sitt.
Þörf fyrir útrás og tjáningu
 Myrkvi gefur út Reflections  Ferðalög, friður, uppgjöf, einmanaleiki, vandræðalegar hafnanir,
fullkomin hamingja og spennan sem fylgir því að kynnast einhverjum eru meðal yrkisefna Myrkva
Þátttaka í lagakeppni Hannesarholts, Leynist lag í þér?,
við ljóð Hannesar Hafstein, kom skipuleggjendum
skemmtilega á óvart því 206 lög voru send inn og segir í
tilkynningu að verðugt verkefni bíði dómnefndar, að
fara yfir öll lögin og gera upp á milli þeirra.
Formaður dómnefndar er Þórður Magnússon en í
dómnefnd sitja einnig Kristjana Stefánsdóttir og
Tryggvi M. Baldvinsson. Sýn á þrjá fulltrúa í dómnefnd:
Völu Eiríksdóttur frá FM957, Ósk Gunnarsdóttur frá
Bylgjunni og Ómar Úlf frá X977.
Dómnefnd hefur þegar hafið störf og aðstandendur
keppninnar skoða nú leiðir til að verðlauna fleiri þátttakendur, en hvernig
það verður gert verður kynnt betur á næstunni, að því er fram kemur í til-
kynningu.
206 lagahöfundar tóku þátt í keppni
Hannes Hafstein
Listahátíðin List án landamæra var
sett í gær í Tjarnarsal Ráðhússins í
Reykjavík en ekki var hægt að bjóða
gestum í salinn vegna fjöldatakmark-
ana. Listamaður hátíðarinnar í ár er
Helga Matthildur Viðarsdóttir og var
hún heiðruð við setninguna og um leið
opnuð einkasýning Brands Karls-
sonar.
List án landamæra er listahátíð
fatlaðra listamanna og verður margt í
boði á henni að þessu sinni. Má nefna
hlaðvarp um mannréttindi fatlaðra á
slóðinni soundcloud.com/mannr-tt-
indi-fatla-ra og sýningar af ýmsu tagi.
Í Galleríi Porti sýnir Hrafn Jónsson
ljósmyndir, í Galleríi Gróttu sýna 30
listamenn saman undir yfirskriftinni
Það bera sig allir vel og í Hann-
esarholti má sjá einkasýningu Björns
Traustasonar á teikningum. Í Hjarta
Reykjavíkur, Laugavegi 12b, sýnir
Helena Ósk Jónsdóttir vatns-
litamyndir og skúlptúra og í Lista-
safni Árnesinga er samsýning Pálínu
Erlendsdóttur og Elvu Bjarkar Jóns-
dóttur, íbúa á Sólheimum. Listasalur
Mosfellsbæjar tekur einnig þátt í há-
tíðinni og þar hefur verið opnuð
einkasýning Helgu Matthildar Við-
arsdóttur, listamanns hátíðarinnar í
ár, á teikningum og málverkum. Í
Norræna húsinu verður á fimmtudag,
29. október, boðið upp á viðburði í
miðjusal frá kl. 17 til 18 og verður
streymt frá honum þar sem ekki má
bjóða gestum í sal. 3.-6. desember
verður haldinn listmarkaður með list
og handverki fjölda listamanna.
List án landamæra var fyrst haldin
árið 2003 á Evrópuári fatlaðra og hef-
ur verið haldin árlega síðan. List án
landamæra hlaut Múrbrjót Þroska-
hjálpar árið 2009 og var tilnefnd til
Hvatningarverðlauna ÖBÍ árið 2011.
Árið 2012 fékk hátíðin Mannréttinda-
verðlaun Reykjavíkurborgar. Athygli
er vakin á því að vegna Covid-19 eru
sumir sýningarstaðir lokaðir eða opn-
ir eftir samkomulagi.
Frekari upplýsingar má finna á
www.listin.is.
Teikning Hluti verks eftir listamann
hátíðarinnar í ár, Helgu Matthildi.
List án landamæra hafin
Þjóðleikhúsið efnir til tveggja daga
masterclass-námskeiðs fyrir leik-
stjóra með Yaël Farber nú í byrjun
nóvember. Þar gefst völdum hópi
leikstjóra tækifæri á að kynnast og
læra af hinum margverðlaunaða leik-
stjóra sem leikstýrt hefur víða um
heim og er staddur hér á landi vegna
æfinga á Framúrskarandi vinkonu,
en frumsýningu hefur verið frestað
fram í mars á næsta ári.
Farber hefur dvalið hér í haust við
æfingar, sem hafa gengið afar vel, að
því er fram kemur í tilkynningu en
vegna kórónuverufaraldursins hefur
Þjóðleikhúsið þurft að gera hlé á
æfingunum og fresta frumsýningu til
6. mars. Hefur verið ákveðið að nota
tímann meðan Farber er á landinu til
að gefa fleiri íslenskum leikhús-
listamönnum tækifæri á að læra af
henni. Auk leikstjóra úr Þjóðleikhús-
inu verður sex leikstjórum úr hópi
umsækjenda boðin þátttaka í nám-
skeiðinu sér að kostnaðarlausu. Nám-
skeiðið fer fram í Þjóðleikhúsinu 3. og
4. nóvember kl. 10-16 og verður gætt
að sóttvörnum og nándartakmörk-
unum. Áhugasamir eru beðnir að
senda póst á: masterclass@leikhus-
id.is. Umsóknarfrestur er til og með
morgundeginum, 29. október.
Masterclass með Farber
Virt Yaël Farber hefur hlotið mörg
verðlaun fyrir leikstjórn sína.