Morgunblaðið - 04.11.2020, Blaðsíða 8

8 FRÉTTIRInnlent
MORGUNBLAÐIÐ MIÐVIKUDAGUR 4. NÓVEMBER 2020
Hertar sóttvarnareglur tókugildi um síðustu helgi og
gera meðal annars fyrirtækjum í
ferðaþjónustu enn erfiðara fyrir en
áður.
Jóhannes Þór
Skúlason, fram-
kvæmdastjóri
Samtaka ferða-
þjónustunnar,
brást við þessum
hertu aðgerðum
með eftirfarandi
orðum í samtali
við Morgun-
blaðið: „Ég hef sagt það um all-
langt skeið og hef ekki skipt um
skoðun við þessi nýjustu tíðindi að
það er fullkomlega galið að ætla að
halda launahækkunum til streitu.
Það verður að fresta þeim nú þeg-
ar við siglum inn í dýpstu kreppu
síðari tíma. Kjarasamningar eru
gerðir til að skipta verðmætum
sem orðið hafa til. Það er ekki
hægt að skipta því sem ekki er til.“
  
Þær launahækkanir sem framundan eru koma í kjölfar
ítrekaðra og mikilla launahækkana
sem reynt hafa verulega á fyrir-
tækin í landinu.
  
Kjarasamningar voru gerðir 1.nóvember í Svíþjóð og Sam-
tök atvinnulífsins báru saman
launaþróun þar og hér á landi á
liðnum árum. Í umfjöllun SA segir:
„Launabreytingar sem hagstofa
Svíþjóðar mælir á almennum
vinnumarkaði hafa að jafnaði verið
2,4% undanfarinn áratug. Til sam-
anburðar hafa árlegar launabreyt-
ingar á Íslandi verið 6,5% að jafn-
aði, eða nálægt þrefalt meiri. Á
síðustu 10 árum hafa laun á Íslandi
hækkað að jafnaði um 80% en um
20% í Svíþjóð.“
  
Hækkunin um næstu áramóthér á landi verður ekki
minna galin þegar þetta er sam-
hengið.
„Fullkomlega
galið“
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Stjórn Golfklúbbsins Odds hefur
sent bæjarstjórn Garðabæjar erindi
þar sem lýst er áhyggjum af auk-
inni umferð síðustu ár um svokall-
aða flóttamannaleið eða Elliða-
vatnsveg. Bæjarráð tók erindið
fyrir á fundi í gær og vísaði því til
bæjarstjóra.
Í bréfi stjórnar Odds segir að
aukin umferð tengist fólki í útivist,
gangandi og hjólandi, en þó mest
bílaumferð. Fólk nýti þennan gamla
veg til að stytta sér leið á milli sveit-
arfélaga á höfuðborgarsvæðinu.
Nú styttist í að opnað verði á
tengingar úr Urriðaholti inn á veg-
inn, sem muni auka hættuna á veg-
inum. Þá segir að án efa muni upp-
bygging sem fyrirhuguð sé í
Skarðshlíð í Hafnarfirði, ásamt
uppbyggingu Ásvallabrautar sem
tengist hringtorgi við syðri enda
flóttamannaleiðar, hafa í för með
sér aukna umferð um veginn.
Bæjarráð Garðabæjar er hvatt til
að bregðast við þessum mikla gegn-
umakstri með þeim aðferðum sem
duga til að tryggja öryggi þeirra
sem nýta sér veginn og útivistar-
paradísina í Heiðmörk. a ij@mbl.is
Áhyggjur af umferð
á flóttamannaleið
Morgunblaðið/Árni Sæberg
Heiðmörk Vegurinn liðast á milli golfvallarins og hverfisins í Urriðaholti.
„Umferðin á höfuðborgarsvæðinu í
október dróst saman um 20 prósent
miðað við sama mánuð í fyrra og kem-
ur til af auknum takmörkunum vegna
kórónuveirufaraldursins. Samdrátt-
urinn er eigi að síður ekki jafn skarpur
og hann var í vor,“ segir í frétt á vef
Vegagerðarinnar um umferðarmæl-
ingar á höfuðborgarsvæðinu.
Þar kemur einnig fram að í seinustu
viku var þó nokkru meiri umferð en í
vikunni þar á undan þótt samdrátt-
urinn miðað við sömu viku fyrir ári sé
mikill eða 21%.
„Þetta er mun minni samdráttur en
varð í bylgju eitt en þá fór samdráttur
mest í tæp 43% milli ára í sömu vikum.
Það er athugunarvert að samdrátt-
urinn nú er miklu minni þrátt fyrir að
smitin séu útbreiddari og meiri í sam-
félaginu. Kann þetta að vera samspil
öðruvísi sóttvarna og e.t.v. farsóttar-
þreytu, sem lýst gæti sér í því að sam-
félagið sé ekki eins reiðubúið að hægja
á sér nú og í vor,“ segir í umfjöllun
Vegagerðarinnar.
Sérfræðingar Vegagerðarinnar
reikna nú með 5-10% samdrætti um-
ferðarinnar á höfuðborgarsvæðinu í
síðustu tveimur mánuðum ársins og að
yfir allt árið gæti umferð þar því dreg-
ist saman um 9,5%. Gangi það eftir
yrði það mesti samdráttur umferðar
um mælingasniðin frá því að saman-
tekt umferðarmælinga hófst.
omfr@mbl.is
Umferðin minnkaði um 20% í október
 Samdráttur umferðar á höfuðborgarsvæði ekki jafn skarpur og í vor
Morgunblaði/Arnþór Birkisson
Umferð Mest var ekið á föstudögum.