Morgunblaðið - 04.11.2020, Síða 28

Steinþór Guðbjartsson
steinthor@mbl.is
Fjöldatakmarkanir hafa verið í
kirkjum í kórónuveirufaraldrinum og
til að bregðast við þeim hefur Pétur
Þorsteinsson, prestur í Óháða söfn-
uðinum og „æskulýðsleiðtogi“ á
Grund hjúkrunarheimili undanfarinn
aldarfjórðung, farið út á akurinn og
dreift guðsorðinu. „Ég geng nú um
átta til tólf kílómetra á dag og hef
dreift um 20.000 eintökum,“ segir
hann.
Pétur segist hafa byrjað á þessu
um páskana. Hann hafi fengið gamla
bæklinga hjá Kristniboðssamband-
inu, Biblíufélaginu, Samhjálp og
Hjálparstofnun kirkjunnar og dreift
þeim vítt og breitt um bæinn auk
þess sem hann hafi meðal annars far-
ið til Raufarhafnar í sumarfríinu og
dreift guðsorði í hvert hús, í 111 póst-
kassa. „Ég hef fengið gömul tölublöð,
sem söfnuðu bara ryki, dustað af
þeim og borið þau í hús, því þótt blöð-
in séu gömul er orðið áfram gilt og
gott. Auk þess er þetta fín hreyfing
sem kemur annars í staðinn fyrir for-
boðnar sundferðir í veirufaraldr-
inum, ég hangi annars alltaf á hún-
inum í Vesturbæjarlauginni, fer í
húnaopnun.“
Margir hundaeigendur hafa tekið
eftir því að hundum er oft frekar illa
við póstinn og telja sig hafa hrakið
hann á burt með gelti þegar hann
hefur lokið erindi sínu og hverfur á
braut. Pétur segir að hundar bregð-
ist misjafnlega við, þegar hann beri
að garði. „Sumir gelta og það er
kannski ekki það skemmtilegasta að
vakna við gelt snemma að morgni,
þegar til stendur að sofa út, en svo
eru hundar sem þeir eru hafðir og ég
hef heyrt að fólk hafi rifið í blaðið um
leið og það hefur komið enda margir
lengi verið innilokaðir heima. Þetta
er framlag mitt til að gera eitthvað í
guðsríkinu við þessar aðstæður, ég
kem þá orðinu út þó að ekki megi
messa.“
Forvörn í vitvörn
Hverfin eru mörg og misjöfn og
með hreyfinguna í huga segist Pétur
einkum hafa dreift bæklingum í ein-
býlis- og raðhúsahverfum. Hann er
með bílskottið fullt af guðsorðinu,
finnur sér hverfi og arkar svo af stað
með fullan bakpoka. „Ég tek heilu
göturnar fyrir, hreinsa þar upp, og
kann vel við, þegar sem lengst er upp
að húsunum.“
Pétur segist hafa fengið ágæt við-
brögð við framtakinu og almennt
kunni fólk vel að meta það sem gert
er þegar flest sé lokað og hindranir
víða. „Orðið hefur áhrif á hug og heila
fólks, þegar það les það, og ég hef trú
á því að þetta hjálpi því núna og geti
hvatt það til að huga að drottni, hvort
sem er í bænalífi eða lestri. Ég hef
bara einu sinni verið skammaður.“
Hugurinn fer víða á göngunni og
þá er Pétur trúr orðabókinni sinni,
sem hann bætir stöðugt við. Í far-
aldrinum hefur gríma verið áberandi
en hann er ekki sáttur við orðið. Það
sé notað í leikhúsum, til dæmis góða,
glaða og grimma gríman, Zorró, Leð-
urblökumaðurinn og Köngulóarmað-
urinn séu með grímu og svo fram-
vegis. „Í faraldrinum eru menn með
þetta fyrir vitum og því finnst mér
best að tala um vitvörn, vörn sem sett
er fyrir vitin.“
Morgunblaðið/Eggert
Framlag Pétur Þorsteinsson, prestur í Óháða söfnuðinum, dreifir bæklingum í hús.
Guðsorð og líkamsrækt
 Pétur í Óháða söfnuðinum slær tvær flugur í einu höggi
AÐALRÉTTIR
BAKSTUR
DRYKKIR
MORGUNMATUR
EFTIRRÉTTIR
SMÁRÉTTIR
HOLLT
MEÐLÆTI
VEGAN
... stærsti uppskriftarvefur landsins!
MIÐVIKUDAGUR 4. NÓVEMBER 309. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
MENNINGÍÞRÓTTIR
„Þjálfararnir Pétur [Pétursson] og Eiður [Benedikt
Eiðsson] eru búnir að vera með okkur í hálfgerðum æf-
ingabúðum frá því á mánudaginn. Það er mætt klukkan
9, æft, fundað, borðað og svo endurheimt. Það hefur
verið góð keyrsla á þessu og þrátt fyrir að við höfum
ekki náð að æfa mikið saman er góð rútína í liðinu.
Maður vonar svo bara að þessar tvær æfingar muni
nýtast okkur vel þegar út í leikinn er komið,“ segir Hall-
bera Guðný Gísladóttir, fyrirliði Vals, m.a. í blaðinu í
dag um undirbúninginn fyrir Evrópuleikinn í kvöld. »23
Óvenjulegur undirbúningur fyrir
mikilvægan leik í Meistaradeildinni
Menningarhúsin í Kópa-
vogi hafa staðið fyrir
metnaðarfullri dagskrá í
hádeginu á miðvikudögum
á tímum kórónuveirunnar.
Næstu vikur ræðir Marí-
anna Clara Lúthersdóttir,
bókmenntafræðingur og
leikkona, þá við höfunda
nýútkominna bóka og lesa
þeir úr verkum sínum á
Bókasafni Kópavogs. Í há-
deginu í dag er komið að
Ófeigi Sigurðssyni en Vá-
boðar, nýtt smásagnasafn
hans, kom út á dögunum.
Samtal þeirra hefst kl.
12.15 og er sent út á Face-
book-síðum Menningarhúsanna í Kópavogi og Bóka-
safns Kópavogs og verður einnig aðgengilegt eftir að
útsendingu lýkur.
Ófeigur ræðir við Maríönnu Klöru
í streymi frá Bókasafni Kópavogs