Morgunblaðið - 26.11.2020, Side 68

E dda Ólafsdóttir elskar að skreyta í kringumsig. Hún býr í Leirvogstungu í Mosfellsbæásamt eiginmanni sínum Rúnari Helgasyniog tveimur dætrum þeirra; Nadíu Rós níuára og Söru Dís þriggja ára.
Eva er mjög jákvæð að eðlisfari og vill hafa nóg á sinni
könnu.
„Verslunin stækkar hratt og það er alltaf nóg að gera
hjá mér. Það getur verið krefjandi að reka fyrir-
tæki með ung börn á heimilinu en á sama tíma
mjög skemmtilegt. Þessi tími árs er hvað anna-
samastur, nýjar vörur streyma inn í búðina og
jólaandinn er kominn yfir mann. Þetta er
bara svo yndislegur tími. Mér finnst
dásamlegt að lýsa skammdegið upp
með fallegum ljósum og hlusta á
jólalögin. Því fyrr því betra
segi ég.“
Gæði og tímalaus
hönnun skipta máli
Hvað getur þú sagt mér
um fallegan klæðnað á börnin fyr-
ir jólin?
„Þegar ég vel föt á stelpurnar mínar finnst
mér gæði og tímalaus hönnun skipta miklu
máli. Ég reyni að velja fatnað sem hægt er að
nota við önnur tilefni líka. Ég elska tjull,
blúndur, velúr og allir litir koma til greina.
Það er bara svo gaman að klæða börnin upp á í
hátíðleg og falleg föt.“
Af hverju ættu allir að fjárfesta í fallegum fatn-
aði fyrir sig um jólin?
„Á jólunum er tilvalið að njóta þess að klæða sig
upp á og skarta sínu fegursta. Held að við höfum öll
gott af því og þá sérstaklega núna á þessum skrítnu kór-
ónuveirutímum. Það hafa ekki verið mörg tilefni á árinu
til þess að klæða sig upp á og ég kann alveg að meta kósí-
gallann en mér finnst alveg ofboðslega skemmtilegt að
vera fín. Mér finnst um að gera að klæða fjölskylduna í
stíl og taka fallegar myndir. Skapa minningar og njóta
samverunnar.“
Eva á afmæli nokkrum dögum fyrir jólin og á margar
góðar minningar af sér sem barni á þessum tíma.
„Mamma og pabbi pössuðu alltaf rosalega vel upp á að
halda upp á daginn fyrir mig þrátt fyrir annasaman tíma.
Gluggagægir gaf mér alltaf aðeins meira í skóinn svona í
tilefni af afmælinu og hann er að sjálfsögðu enn í dag
uppáhaldsjólasveinninn. Desember var stútfullur af
heimsóknum, bæjarferðum, bakstri og fjöri. Á Þorláks-
messu fengum við systkinin alltaf ný rúmföt og náttföt.
Ég var alltaf ótrúlega spennt fyrir því. Mamma var algjör
snillingur í að velja mýkstu efnin og ég man ennþá eftir
því hvað mér þótti notalegt að vakna á aðfangadag í nýju
rúmfötunum og finna jólailminn úr eldhúsinu.“
Selur kjólana sem fræga fólkið elskar
Hvernig eru kjólarnir sem þið seljið?
„Við leggjum mikla áherslu á að selja vönduð föt sem
börnum finnst þægilegt að vera í. Fötin koma í mildum og
fallegum litum sem klæða alla vel. Kjólarnir okkar eru
einstaklega vandaðir og tímalausir. Þeir eru frá hollenska
merkinu Dolly by Le Petit Tom. Fatamerkið er þekkt um
allan heim og vinsælt á meðal stórstjarna á borð við
Kardashians og Jessicu Alba.“
Eruð þið með fatnað fyrir drengi líka?
„Það er alltaf að bætast við vöruúrvalið og margt til hjá
okkur fyrir yngstu börnin sem hentar báðum kynjum.
Eins og er erum við ekki með sparifatnað fyrir drengi en
hver veit – kannski það bætist við einn daginn.“
Jólakjóllinn getur hangið
sem skraut á fallegu herða-
rtréi allt árið um kring.
Edda klæðir
dætur sínar í
klassískan fatnað
í fallegum litum.
Edda hugsar
fyrir hverju ein-
asta atriði.
Selur
kjólana sem
Kardashian-
systur elska
Edda Ólafsdóttir, eigandi vefverslunar-
innar Nadíu & Söru, er mikið jólabarn
enda á hún afmæli á jólunum. Hún segir
öll börn kunna vel við sig í vönduðum
og þægilegum fötum og mælir með að
klæða fjölskylduna í stíl fyrir jólin.
Elínrós Líndal | elinros@mbl.is
Edda ásamt
dætrum sínum,
þeim Nadíu Rós
og Söru Dís.
Tjullpils og kjólar
er fallegur fatnaður
fyrir jólin.
Fallegir fylgihlutir setja
punktinn yfir i-ið.
68 JÓLABLAÐ MORGUNBLAÐSINS 26. NÓVEMBER 2020