Morgunblaðið - 26.11.2020, Page 112

M argrét María Leifsdóttir verkfræð-ingur rekur utan hefðbundinsvinnutíma Gallerí Hólshraun íHafnarfirði ásam Hönnu Þóru G.Thorsteinsson og Árnýju Gyðu
Steinþórsdóttur.
„Þar erum við með vinnustofu og gallerí þar sem
hægt er að skoða handverkið okkar og vinnuað-
stöðu. Ég er þar bæði með handrennda ker-
amikmuni en einnig handlitað ullargarn sem ég vinn
undir merkinu Today I Feel ásamt sam-
starfskonu minni, Þorbjörgu Sæmunds-
dóttur.“
Hvað tákna jólin fyrir þig?
„Jólin eru tákn hlýju og róleg-
heita og mikillar samveru með
fjölskyldu og vinum. Mér finnst
mjög mikilvægt að hafa fallegt í
kringum mig á jólunum. Að
kveikja á kertum og njóta þess
að vera með þeim sem mér þykir
vænt um.“
Leyfir börnum sínum að gera
handgerðar gjafir fyrir jólin
Gerir þú mikið af keramiki fyrir jól-
in?
„Það er töluvert að gera í keramik-
inu fyrir jólin þar sem við stöllur í Gallerí Hóls-
hrauni höfum haft fyrir sið undanfarin ár að hafa
opið hús hjá okkur og þá vill maður geta sýnt fal-
lega hluti. Ég geri mikið af diskum og skálum á
fæti þar sem mér finnst það að lyfta köku eða matn-
um upp gera framsetninguna svo miklu betri. Fyrir
jólin leyfi ég börnunum mínum líka oft að koma
með á vinnustofuna og búa til jólaskraut og ein-
hverja skemmtilega hluti úr leir sem þau svo gefa í
jólagjafir. Ég á fjögur börn svo það er í ýmsu að
snúast fyrir jólin.“
Í Gallerí Hólshrauni eru þær stöllur í Today I
Feel líka að handlita og selja ullargarn.
„Við litum eingöngu hágæða merino-ullargarn og
mohair- og silkiblöndur þar sem það er svo mjúkt
og dásamlegt að prjóna úr því. Við höfum yndi af
því að þróa nýja liti og njótum þess að ímynda okk-
ur þær fallegu flíkur sem prjónararnir sem það
kaupa munu prjóna úr þeim.“
Hvað gefur þú vanalega í jólagjöf?
„Ég gef mjög oft handgerðar jólagjafir, ýmist
saumaðar, prjónaðar, smíðaðar eða úr leir. Ég nýt
þess að velja og hugsa út hvað ég telji að geti glatt
einhvern sem mér þykir vænt um og hugsa fallega
til viðkomandi á meðan ég er að búa hlutinn til.
Maðurinn minn hefur til dæmis mjög oft fengið
handprjónaða peysu í jólagjöf frá því að við kynnt-
umst en sem betur fer er hann peysutýpa og notar
þær flestar mjög mikið.“
Opin fyrir nýjungum í jólamatnum
Hvað ertu með í matinn á jólunum?
„Við fjölskyldan erum ekkert sérlega
fastheldin á matarhefðir á að-
fangadag. Það þýðir ekkert endi-
lega að við séum eitthvað æv-
intýragjörn í matseld heldur
höfum við bara prófað að hafa
flestan hefðbundinn íslenska
jólamat á borðum einhvern tím-
ann. Við höfum meðal annars
haft hangikjöt, rjúpur, hreindýr,
gæs, purusteik, önd og svo auð-
vitað hamborgarhrygg en hann er
reyndar vinsælastur hjá börnunum.
Nú er þó dóttir okkar orðin grænmet-
isæta svo það verður eitthvað nýtt og
spennandi í ár. Mér þykir þetta allt
gott en mér finnst alveg ómissandi að
hafa heimagert rauðkál með matnum, það kemur
með jólabragðið fyrir mig. Eftirrétturinn er það
eina sem er alltaf eins, ris a la mande með kara-
mellusósu. Þessi eftirréttur hefur fylgt mér frá
barnæsku og er uppskriftin að karamellusósunni frá
föðurömmu minni. Þessi eftirréttur er heldur aldrei
í boði nema á aðfangadag og því mjög sérstakt og
spennandi að fá.“
Ertu mikið fyrir heimilið og skreytir þú fyrir jól-
in?
„Mér finnst mjög gaman að gera heimilið fallegt
fyrir jólin. Mér finnst fallegast að skreyta með nátt-
úrulegum efnum eins og greni og öðrum sígrænum
plöntum, jólablómum eins og amaryllis, túlípönum
og hýasintum og svo auðvitað jólaljósum og kertum.
Við byrjum að bæta þessum hlutum inn á aðvent-
unni en á Þorláksmessu er jólaskrautið sótt og þá
er tréð skreytt með alls konar gömlu og nýju
skrauti, bæði erfðagóssi og handgerðu skrauti frá
börnunum. Það er hefð hjá okkur að börnin skreyti
tréð og það er eins og þau sé að hitta gamla vini
Gefur hand-
gerðar jólagjafir
Margrét María Leifsdóttir er ein af þeim sem þora að prófa sig áfram þegar jólin
eru annars vegar. Maðurinn hennar, Guðmundur Pálsson söngvari í Baggalúti,
er vanur að syngja sig inn í hjörtu landsmanna á jólunum en ekkert verður af
þeim tónleikum í ár. Svo ef til vill verður fjölskyldan meira saman þessi jólin.
Elínrós Líndal | elinros@mbl.is
Margrét María veit
fátt skemmtilegra en
að fást við keramik.
Margrét María ásamt Guð-
mundi eiginmanni sínum.
Glæsilegt umhverfi
þar sem keramik og
góður matur fara saman.
Jólakakan á fallegum diski
sem Margrét María gerði.
112 JÓLABLAÐ MORGUNBLAÐSINS 26. NÓVEMBER 2020
Síðumúli 35 (gengið inn að aftanverðu) - 108 Reykjavík - S. 568 3920
Opið 12.30-18.00
ÞÚ
FIN
N
U
R
A
LLT
FYR
IR
Á
H
U
G
A
M
Á
LIN
H
JÁ
O
K
K
U
R
pingpong.is
pingpong.is
pingpong.is
pingpong.is
ÞÚ
FINNU
ALLT
FYRIR
ÁHUGAM
ÁLIN
HJÁ
O
KKURá pílum og borðtennisspöðum
BLACK FRIDAY
TILBOÐ