Morgunblaðið - 26.11.2020, Qupperneq 126

126 JÓLABLAÐ MORGUNBLAÐSINS 26. NÓVEMBER 2020
J
ólamarkaðurinn við El-
liðavatnsbæ í Heiðmörk er
haldinn allar aðventu-
helgar af Skógrækt-
arfélagi Reykjavíkur. Þeir
sem vilja ævintýralega
upplifun utandyra ættu
að heimsækja jólamark-
aðinn. Hægt er að njóta
útiveru í skóginum, fara
svo í það að velja jólatré
og svo er hægt að kaupa þar
einstakar gjafir.
Fyrir hvert selt tré eru 50
gróðursett. Félagið hefur einnig
haldið utan um handverksmarkað þar
sem sérstök áhersla er lögð á einstakt hand-
verk og matarafurðir.
Áhersla á upplifun utandyra
Jólamarkaðurinn verður með breyttu sniði
og hefur að sjálfsögðu verið útfærður miðað
við allar gildandi reglur og
áhersla lögð á að skapa sem
bestar aðstæður fyrir
gesti. Kaffisala verður
utandyra og meiri
áhersla á upplifun ut-
andyra. Þeir sem
heimsækja jólamark-
aðinn verða að passa
sig á því að klæða sig
vel svo hægt sé að
njóta útiverunnar til
hins ýtrasta.
Út frá Elliðavatnsbænum
er fjöldinn allur af gönguleiðum
sem sjá má á korti inni á heidmork.is.
Auk þess verður ævintýraleg stemning í
Rjóðrinu þar sem varðeldur mun loga á meðan
markaðurinn er opinn. Á þessu ári hefur gest-
um í Heiðmörk fjölgað verulega og fögnum við
því að höfuðborgarbúar sæki hingað næringu
fyrir bæði sál og líkama.
Sönn jólastemning í Heiðmörk
Það er hægt að komast í
dúndrandi jólaskap á Jóla-
markaðnum í Heiðmörk.
H ús handanna var stofnað fyrirtíu árum og var upphaflegaátaksverkefni margra aðila ásvæðinu í kjölfar hrunsins.Áherslan var í upphafi á að
selja og kynna íslenska vöruhönnun og list-
handverk samhliða því að leggja sérstaka
áherslu á austfirskar vörur úr staðbundnum
hráefnum.
„Markmiðið var að byggja upp vandaðan
sölustað fyrir íslenskar vörur og eftir mætti að
styðja við hönnuði og listhandverksmenn á
svæðinu. Sú áhersla hefur ekki breyst en margt
í umhverfinu hefur breyst og má segja að þessi
fyrstu tíu ár hafi farið í að sigla á milli skers og
báru í rekstrinum. Afmælisárið leit vel út í upp-
hafi árs en þá kom plágan mikla sem við öll er-
um að berjast við og ætlum að sigrast á saman.
Það gengur ágætlega en þó með því að skerða
þjónustu við viðskiptavini okkar með skertum
afgreiðslutíma í vetur. Fólk er sem betur fer
fljótt að aðlaga sig þessa dagana og ákveðinn
hópur fólks skilur að það er mikilvægt að versla
í heimabyggð við þessar aðstæður sem aldrei
fyrr. Við ætlum að lifa þessar hremmingar af og
gyrða okkur í brók með því að opna langþráða
vefverslun, hushandanna.is. Þær breytingar
hafa orðið að ekki er lengur rekin Upplýsinga-
miðstöð Austurlands en stjórn félagsins er að
vinna með ýmsar spennandi hugmyndir um
Anddyri Austurlands því við finnum að það er
mikilvægt að taka á móti gestum okkar og
kynna þeim allt það besta sem Austurland hefur
upp á að bjóða. Ferðafólk vill hitta heimamann-
inn og fá góðar ábendingar um best geymdu
leyndarmálin á svæðinu og við finnum einnig
fyrir því að fólki finnst gaman að skoða hvaða
vörur eru á boðstólum hér. Við segjum stundum
að í Húsi handanna segjum við söguna af því
hver við erum og hvað við kunnum í gegnum
þær vörur sem við erum að selja. Þar spilar
andrúmsloft rýmisins, framsetning vöru og
gestrisni stóra rullu og við fáum mikla end-
urgjöf frá gestum okkar, sem hvetur okkur til
dáða,“ segir hún.
Hvað heldur þú að verði mest selda varan hjá
ykkur í ár?
„Ég held að það verði jólakveðjan okkar en
hún hefur slegið rækilega í gegn
enda fislétt til að senda til vina og
vandamanna um heim allan og
segir allt sem segja þarf,“ segir
hún og minnist á að þau hafi orðið
vör við aukna sölu á ilmkertum og
góðum sápum á veirutímum.
„Einnig seljum við mikið af alls kon-
ar fallegum keramikkaffikrúsum og -boll-
um sem eru mjög vinsælir og svo ætla ég að
nefna rjúpur í alls konar útfærslum. Rjúpurnar
hennar Anne Kaamp leirlistakonu hér á Egils-
stöðum seljast bara upp um leið og þær koma í
hillur en svo eigum við frá öðrum hönnuðum til
dæmis rjúpuflautu, rjúpuhálsmen, rjúpu-
kökudisk, rjúpuveggspjald, rjúpulöber og púða.
Við elskum
rjúpuna og
hugsum hlýtt
til hennar og
hvetjum fólk til
að upphefja
hana fyrir árlegar
fórnir hennar á
matarborðum lands-
manna.“
Hvað kemur þér sjálfri í jólaskap?
„Þegar það styttist í að dætur mínar, barna-
barn og tengdasonur komi heim til að halda jól-
in hjá okkur, sem reyndar verður mjög líklega
ekki í ár vegna veirunnar vondu. Þau búa öll í
Kaupmannahöfn og það stefnir í að það verði
jólahald á Teams hjá okkur í ár. Ég hef ákveðið
að láta það ekki taka mig í nefið og ætla að vera
mjög skapandi og finna leið til samveru. Messan
í útvarpinu verður á sínum stað, ilmurinn úr eld-
húsinu og svo bara þessi stóíska ró sem jólanótt-
in færir manni, með góða bók og Nóakonfekt á
kantinum.“
Hvað finnst þér ómissandi að borða í desem-
ber?
„Mér finnst voða gaman að fara á eitt jóla-
hlaðborð eða brunch en alls ekki fleiri því það
eru helgispjöll að borða jólamatinn allan desem-
ber. Vil bara hafa hann á jólunum og njóta hans
þá.
Mér finnst gaman að prufa að baka eitthvað
sem ég hef ekki gert áður, til dæmis smáköku-
sort, en svo baka ég alltaf skinkuhorn og jóla-
bollur til að eiga í frystinum, sem er góð til-
breyting frá þessu sæta.
Ef ég ætti að nefna eitthvað sérstakt þá verð
ég að nefna ananasbúðing systur minnar sem
alltaf er snæddur í fjölskylduboðinu okkar og
kaniltertuna hennar mömmu. Það eru jólin …“
Kannski verða jólin bara á Teams
Lára Vilbergsdóttir fram-
kvæmdastjóri og einn af
eigendum Húss handanna
á Egilsstöðum segir að jólin í
ár verði frábrugðin fyrri jólum.
Fólk muni án efa gefa meira af
heimatilbúnum jólagjöfum í ár
og að ilmkerti og sápur seljist
eins og heitar lummur.
Marta María | mm@mbl.is
Hreindýr eru eitt af einkennum
Austurlands. Hér eru handgerð
hreindýr sem fást í Húsi handanna.
Skraut sem
óskar fólki
gleðilegra jóla
er ein eftirsótt-
asta varan í
versluninni.
Hér má sjá
fallega jóla-
skreytingu.
Í versluninni er að finna
hönnun og handverk.
Hús handanna var stofnað
fyrir áratug og hefur síðan
þá notið vinsælda.
Þegar styttist í að dætur
mínar, barnabarn og
tengdasonur komi heim
til að halda jólin hjá okkur, sem
reyndar verður mjög líklega ekki í
ár vegna veirunnar vondu. Þau
búa öll í Kaupmannahöfn og það
stefnir í að það verði jólahald á
Teams hjá okkur í ár.
❄