Bæjarins besta - 21.03.1990, Blaðsíða 10

10
BÆJARINS BESTA
BB-viðtalið:
„Snmt er okkur ekld
ætlað að skilja“
Sigríður Júlíusdóttir spákona í viðtali um starf sitt, dulræna
hæfileika og reynslu sína af því sem öðrum er hulið
FRA örófi alda hefur það tíðkast að maðurinn hefur reynt að sjá inn í framtíðina með
ýmsum hætti. Menn hafa litið í innyfli dýra, lesið í beinahrúgur, í ský, kristalskúlur, spil
og stjörnur. í gegnum söguna hafa spámenn og konur ýmist öðlast hylli almennings eða verið
ofsótt fyrir galdra og brennd á báli. Á fslandi hefur fólk með dulræna hæfileika löngum þótt
„skrítið“ og tíðum ekki eins og fólk er flest. Síðustu ár hefur áhugi aukist fyrir ýmsu því sem
tengist skyggnigáfu og dulrænum hlutum og svo virðist að síðustu tvö árin sé þetta nánast
orðið að tískufyrirbæri, af hvaða ástæðum sem það nú er. í blöðum og tímaritum birtast
reglulega spádómar, greinar um dulræn efni og svo framvegis. ísfirðingar eiga sínar spákon-
ur en þær hafa lítið gert af því að hafa atvinnu af spámennsku. Fyrir stuttu fluttist hingað kona
sem hefur í áratug haft meira eða minna atvinnu af að spá fyrir fólki. Hún hefur cinnig skrif-
að greinar í blöð og tímarit og er svo eftirsótt í höfuðborginni að það eru mörg ár síðan hún
hætti að auglýsa atvinnu sína. Hún heitir Sigríður Júlíusdóttir og býr á Herkastalanum. „Þar
eru góðir straumar og ég ákvað strax þegar ég kom þar inn að þar liði mér vel“ segir hún.
Sigríður er í BB-viðtali í dag.
Sigga spákona lítur reynd-
ar út eins og fólk er flest og
hlær þegar talið berst að
hinni stöðluðu ímynd spá-
konunnar. „Mig vantar arn-
arnefið og svarta hárið“ seg-
ir hún. Hún er um fertugt,
hárið Ijóst og ekkert sérstakt
í fari hennar sem bendir til
þess að starf hennar sé ann-
ars eðlis en gerist og gengur.
Ekki nema þá kannski hring-
arnir sérkennilegu sem hún
ber, þrjá á hægri hönd og tvo
á vinstri hönd. Hún segir að
allir hafi þeir sína sögu og
hver og einn táknar eitthvað
sérstakt fyrir henni. Suma
hringa sína hefur hún keypt
eftir langa leit.
Spáaðferðir hennar eru
margar og hún tvinnar þær
saman. „Ég byrjaði fyrir
mörgum árum að spekúlera í
stjörnufræði" segir hún. „En
með tímanum fannst mér
hún of ónákvæm og út-
komurnar voru alltof al-
mennar og lýsingarnar svo
víðtækar að þær gátu átt við
svo til hvern sem er. Ég bjó
eitt sinn um tíma í Dan-
mörku. Þar lét ég gera fyrir
mig tvö stjörnukort, fyrst
eitt á dönsku og seinna ann-
að á ensku. Síðan bar ég þau
saman en þau voru gjörólík
þó þau væru gerð af sama
manninum. Þá missti ég mik-
ið trúna á þetta.
Talnaspeki
Kírosar
Fyrir mörgum árum, þeg-
ar ég var að grúska í bókum
um spáaðferðir á bókasafni
rakst ég síðan á bók um
talnaspeki Kírosar. Hana
lærði ég og nota hana mest.
Hún byggir á því að maður
les í fæðingartölur fólks.
Sumar tölur eru plústölur,
aðrar mínustölur og með
ákveðinni reikningsaðferð
finnur maður út hvaða tölur
hæfa hverjum og hvað þær
segja um viðkomandi og
framtíð hans. Þessi fræði
tengjast inn í stjörnuspekina
og tölurnar vísa í plánetur
sem ráða miklu um eigin-
leika og framtíðina hjá
hverjum og einum.“
Tií að sýna mér hvað hún
á við skrifar hún fæðingartöl-
ur mínar á blað. Síðan dreg-
ur hún eldhratt hringi utan
um sumar, teiknar strik út
frá þeim, skrifar nýjar tölur,
reiknar og talar um leið um
hvað hún les út úr þeim.
Hún talar hratt og hikar
aldrei. Talan þrír kemur aft-
ur og aftur fyrir og hún er
ánægð fyrir mína hönd með
það. Nær svo í penna og blað
og skrifar niður útdrátt úr
því sem sést í tölunum og
réttir mér. „Ég skrifa alltaf
það helsta niður fyrir fólk“
segir hún.
Sömu spilin í
ellefu ár
Hún notar spil líka og nær
nú í spilastokk sem hefur séð
sinn fífil fegri. Spilin eru
snjáð og slitin og marglímd
saman. „Ég hef notað þessi
spil í cllefu ár og fer yfir þau
og lími þau aftur í hverri
viku“ segir hún og hlær við.
„Mér leyfist þessi sérviska af
því að fólk lítur á mig sem
svolítið öðruvísi." Spilin
leggur hún aftur og aftur í
rúman hálftíma. Lagnirnar
eru mismunandi og úr hverri
les hún einhvern þátt lífsins.
Margt af því sem hún segir
passar óþægilega vel og efa-
semdarmanneskjan ég er
farin að verða hálfvandræða-
leg við þessa lýsingu bláó-
kunnugrar manncskju á mín-
um einkahögum. Þegar
spilalagningunni er lokið
tekur hún lófa mína og skoð-
ar vandlega. Allan tímann
talar hún hratt og í lófanum
sér hún margt, meðal margs
annars fimm bókstafi. Skrif-
ar þá á blaðið mér til minnis
og segir þá vera upphafsstafi
nákomins fólk, nú eða síðar.
Spáin er nákvæm og tekur
nær klukkustund. Hún
spannar ævina til enda,
hvaða ár eru afdrifaríkust,
starfsferil, nám, tilfinninga-
sambönd, barneignir, heilsu-
far, afdrifaríka atburði,
sterkustu þættina í persónu-
leikanum og stundum koma
tilvísanir í fortíðina. Auk
þessa nefnir hún ýmis atriði,
t.d. myrkur eða ljós í kring-
um nána ættingja, skapgerð
þeirra og samskipti við aðra.
Hún talar ákveðið og það
sem hún segir hljómar frem-
ur eins og upptalning stað-
reynda en spádómur um
framtíðina.
Þetta kemur
í gegn
Þegar hún hættir hallar
hún sér aftur í stólinn og
talandi hennar hægist mjög.
Hún verður svolítið vand-
ræðaleg þegar ég nefni að
hún tali mun hraðar þegar
hún er að spá. „Það er eins
og mér sé sagt margt af
þessu“ segir hún. „Þetta
kemur strax í gegn.“ í gegn?
„Já, ég les ekki örlögin úr
því sem hjartaáttan táknar
eða eitthvað slíkt. Spilin
hafa auðvitað ákveðnar
merkingar eftir því hvernig
þau raðast upp og svo fram-
vegis en ég hef haft dulræna
hæfileika frá upphafi og án
þeirra er ekki hægt að spá.
Fólk kemur mismunandi
sterkt í gegnum spilin og töl-
urnar en það hefur aðeins
gerst með tvær manneskjur á
þessum ellefu árum að ég hef
ekki getað spáð fyrir þeim.
Það lokaðist allt fyrir mér og
ég vissi aldrei af hverju það
var.
Það hefur margoft hent
mig að til mín hefur hringt
eða komið fólk og sagt mér
frá ýmsu sem hefur komið
fram af því sem ég hef spáð
og tvisvar hef ég getað forð-
að öðrum sona ntinna frá
slysum með því að biðja
hann að fara ekki í ferðir
sem hann ætlaði sér í. í þau
skipti þá fann ég á mér að
hann mætti ekki fara. Þetta
er tilfinning sem veldur
manni stundum miklum
óþægindum. Sérstaklega ef
fólk neitar að taka mark á
hugboðum mínum og sfðar
kemur á daginn að ég hafði
rétt fyrir mér og hefði getað
forðað þeim frá einhverju.
Atvinnurekendur
leita ráða
Atvinnurekendur hafa
leitað til mín þegar þeir hafa
verið í vandræðum við að
velja á milli umsækjenda um
starf og þá hef ég skoðað töl-
ur atvinnurekandans og um-
sækjandanna til að sjá
hvernig þær passa saman í
samstarfi. Og tvisvar hefur
það gerst að fólk sem ég hef
spáð fyrir hefur notað já-
kvæðu tölurnar sínar við að
velja tölur í lottói og unnið
millj ónavinninga. “
Margar spákonur byrja á
að telja upp fyrir þeim sem
vill láta spá fyrir sér ýmislegt
úr fortíð hans, segja hve
mörg systkini hann á, hvað
hann hefur fengist við og svo
framvegis. Sigga gerði lítið
af því þegar hún spáði fyrir
mér og ég inni hana eftir því
hvort fólk kjósi ekki að fá
þessa „sönnun" fyrir því að
spákonan sé „ekta.“ Hún
hugsar sig um stutta stund og
segir síðan að það sé per-
sónubundið hversu sterkt
fortíðin komi fram hjá fólki.
„Þegar ég spái fyrir fólki
sem getur ekki losnað við
fortíð sína og lifir í henni að
meira eða minna leyti þá
kemur fortíðin auðvitað
mjög sterkt í gegn og líf fólk
markast af henni.