Morgunblaðið - 04.12.2020, Page 13
FRÉTTIR 13Erlent
MORGUNBLAÐIÐ FÖSTUDAGUR 4. DESEMBER 2020
Í þessari áhugaverðu, óvenjulegu og
fallegu bók fjallar Gísli Pálsson um geir-
fuglinn, fuglinn ófleyga sem varð eins
konar tákn tegunda í útrýmingarhættu.
DULARFYLLSTI
FUGL ÍSLANDS?
LANDSINS MESTA ÚRVAL BÓKA Bókabúð Forlagsins | Fiskislóð 39 | Opið 10–19 alla daga til jóla | www.forlagid.is
Stefán Gunnar Sveinsson
sgs@mbl.is
Bandaríkjamenn greindu frá því í gær að um
195.695 ný tilfelli kórónuveirunnar hefðu greinst
á undangengnum sólarhring. Er það mesti fjöldi
nýrra tilfella frá upphafi heimsfaraldursins. Þá
létust 2.733 af völdum kórónuveirunnar þar í
landi, og er það með því mesta sem sést hefur í
faraldrinum til þessa.
Nú eru rúmlega 100.000 manns rúmliggjandi
á sjúkrahúsi í Bandaríkjunum vegna veirunnar,
og hafa þeir aldrei verið fleiri.
Faraldurinn er nú einna skæðastur í Kali-
forníu, Texas og Flórída, þremur af fjölmenn-
ustu ríkjum Bandaríkjanna, og ákvað Eric Gar-
cetti, borgarstjóri í Los Angeles, að skipa íbúum
borgarinnar að halda sig heima við, en tilfellum
þar hefur fjölgað geigvænlega hratt að und-
anförnu.
Óttast heilbrigðisyfirvöld vestanhafs að far-
aldurinn muni enn fara stigvaxandi á aðvent-
unni, ekki síst vegna þakkargjörðarhátíðarinnar
í síðustu viku, en mikill fjöldi Bandaríkjamanna
virti að vettugi tilmæli yfirvalda um að halda sig
sem mest heima við yfir hátíðina. „Raunveru-
leikinn er sá að desember, janúar og febrúar
munu verða erfiðasti tíminn í heilbrigðissögu
þessa lands,“ sagði Robert Redfield, yfirmaður
bandarísku sóttvarnastofnunarinnar í gær.
Bjóðast til að taka bóluefnið
Stefnt er að því að nokkur bóluefni muni fá
samþykki á næstu dögum eða vikum, og stefna
Bandaríkjamenn að því að bólusetja um 100
milljón manns fyrir lok febrúar.
Barack Obama, George W. Bush og Bill Clin-
ton, fyrrverandi Bandaríkjaforsetar, buðust í
gær allir til þess að láta bólusetja sig op-
inberlega, ef það kynni að verða til þess að eyða
efasemdum almennings um virkni bóluefnanna.
Sagði Obama að ef Anthony Fauci, helsti sótt-
varnalæknir Bandaríkjanna, segði að bóluefnið
væri öruggt myndi hann treysta því, og láta
bólusetja sig eftir að búið væri að bólusetja þá
sem eru í helstu áhættuhópum vegna veirunnar.
Bretar svara gagnrýni ESB
Hinum megin Atlantshafsins útilokuðu Boris
Johnson, forsætisráðherra Breta, og Matt Han-
cock heilbrigðisráðherra ekki að þeir kynnu að
gera slíkt hið sama, ef það gæti orðið til að
hvetja aðra, en áætlað er að um 20% Breta vilji
ekki vera bólusett gegn veirunni.
Bretar urðu í fyrradag fyrstir þjóða til þess
að samþykkja notkun bóluefnis þess sem Pfizer
og BioNTech hafa þróað gegn kórónuveirunni.
Ákvörðun Breta kallaði á gagnrýni frá lyfja-
stofnun Evrópusambandsins, sem lét í veðri
vaka að Bretar fylgdu ekki eins ströngum skil-
yrðum fyrir samþykkt bóluefnisins og ríki sam-
bandsins. Ekki er gert ráð fyrir að lyfjastofnun
ESB veiti samþykki fyrir bóluefni Pfizer fyrr en
á fundi stofnunarinnar 28. desember næstkom-
andi.
Jonathan Van-Tam, aðstoðarlandlæknir Bret-
lands og helsti ráðgjafi ríkisstjórnarinnar um
farsóttir, sagði hins vegar að Bretar hefðu orðið
fyrstir til að samþykkja bóluefni, þar sem þeir
hefðu tekið mjög skipulega á öllu ferlinu alveg
frá upphafi.
„Við höfum verið á tánum,“ sagði Van-Tam,
en honum er tamt líkingamál, einkum úr knatt-
spyrnu. Sagði Van-Tam að fullyrðingar evr-
ópsku lyfjastofnunarinnar væru úr lausu lofti
gripnar og líklega sagðar til þess að réttlæta
það að stofnunin væri eftir á.
„Ég geri ekki ráð fyrir öðru en að aðrar eft-
irlitsstofnanir, sér í lagi sú bandaríska, séu
skammt undan með sitt eigið samþykki,“ sagði
hann.
Nýjum tilfellum fjölgar hratt
Aldrei fleiri á sjúkrahúsi vegna kórónuveirunnar vestanhafs Útgöngubann
sett á í Los Angeles Ráðamenn bjóðast til að styðja bólusetningarherferðir
Enn nokkuð
í land í við-
ræðunum
Samningamenn
ESB vöruðu við
því í gær að þeir
hefðu gengið eins
langt og þeir
gætu til þess að
koma til móts við
Breta í fríversl-
unarviðræðum
þeirra.
Viðræðurnar
eru nú sagðar á lokasprettinum, en
þó er enn nokkuð í land. Sögðu
heimildarmenn AFP-fréttastof-
unnar að Michel Barnier, aðalsamn-
ingamaður ESB, hefði farið mjög
nálægt þeim „rauðu strikum“ sem
aðildarríkin hafa sett, en þar er ótt-
ast að hann muni undirrita samning
sem gangi lengra en til dæmis
frönsk eða hollensk stjórnvöld vilji.
Á það einkum við um fiskveiðimál,
en Barnier lýsti því yfir í gær að
Bretar hefðu gefið ögn eftir af kröf-
um sínum í fiskveiðimálum, og væru
þeir nú opnir fyrir því að einungis
60% af öllum afla innan breskra
fiskimiða tilheyrði Bretum í stað
80%. Sagði Barnier hins vegar að
hann gæti ekki tryggt að samningar
næðust, þrátt fyrir þetta.
Michel Barnier
ESB hafi gengið
eins langt og hægt er
Frakkar syrgðu í
gær Valéry Gis-
vard d’Estaing,
fyrrverandi
Frakklands-
forseta, en fjöl-
skylda hans til-
kynnti um andlát
hans seint í
fyrrakvöld. Gis-
card var 94 ára
gamall og hafði
hann verið heilsuveill að undan-
förnu.
Hann var forseti Frakklands á
árunum 1974-1981 og styrkti hann
meðal annars tengsl Frakklands og
Þýskalands á þeim árum og var
hvatamaður að fyrsta leiðtogafundi
sjö helstu iðnríkja heims.
Í Frakklandi beitti Giscard sér
fyrir lögleiðingu fóstureyðinga,
auk þess sem hann gerði hjóna-
skilnað auðveldari og lækkaði
kosningaaldur niður í 18 ára.
Emmanuel Macron Frakklands-
forseti sagði í tilkynningu sinni að
Giscard hefði breytt Frakklandi á
sínum sjö árum og að hann yrði
syrgður af allri frönsku þjóðinni.
Valéry Giscard
d’Estaing látinn
FRAKKLAND
Valéry
Giscard d’Estaing
Þessi mynd sýnir lendingarstað kínverska
Chang’e 5-könnunarfarsins á tunglinu, en það
lenti þar á þriðjudaginn var og lagði svo aftur af
stað heim til jarðar í gær. Farinu, sem var fjar-
grjóti, og er það í fyrsta sinn í rúm fjörutíu ár
sem reynt er að safna sýnum af tunglinu og fara
með aftur til jarðar. Áætlað er að farið lendi 17.
desember næstkomandi.
stýrt frá jörðu, var ætlað að taka myndir af yfir-
borði tunglsins og reyna að greina hver jarð-
vegssamsetning þess er.
Þá safnaði farið jarðvegssýnum og tungl-
AFP
Kínverskt tunglfar á heimleið með tunglgrjót