Morgunblaðið - Sunnudagur - 13.12.2020, Page 17

vinstri allan ársins hring, og verulega meir í aðdrag-
anda kosninga, náði iðulega að halda nokkurri fjöl-
miðlalegri reisn, fyrir utan kosningaárið sjálft auðvit-
að, þegar hann átti verulega erfitt með sig.
En eftir kosningu Trumps hefur blaðið ekki einu
sinni haft lágmarksþrek í þeim efnum. Rússagald-
urinn reyndist fullkomin endaleysa. Mátti fljótt átta
sig á því þrátt fyrir ofurtrú ólíklegustu manna að
þetta væri allt heilagur sannleikur sem væri við það
að ljúkast upp!
Hundruð frétta hafa verið birt á útsíðum og helstu
fréttasíðum sem allar hafa byggst á sérlega „traust-
um heimildarmönnum“ sem enginn annar hefði haft
aðgang að. Bræðurnir á stöðvafjöldanum lifðu sig alla
daga inn í þessa spásögn og enginn af þúsundum
fréttamanna leyfði sér að efast. En galdrafárið
reyndist byggt á uppspuna sem kosninganefnd
Hillary Clinton lét setja saman. Það var eiginlega of
vitlaust til að vera samsæri fyrir börn: Pútín stjórn-
aði Trump, þótt þeir þekktust ekki, og þess vegna
komu „traustir heimildarmenn“ með hverja fréttina
af annarri sem reyndust sams konar uppspuni og
gátu aldrei reynst neitt annað.
Það er ekkert að því að fjölmiðlar birti fréttir sem
þeir telja sig hafa ástæðu til að treysta. En þegar
hundruð slíkra frétta eru komin í risavöxnu ruslaföt-
una á skrifstofum blaðsins er kominn tími til að muna
hverjir það eru sem starfa þarna og til hvers.
Samsömuðu sig ruglinu
Blaðamennirnir sem notuðu fréttirnar og spunnu víð-
áttuvitleysu út úr heimildinni hafa ekki enn opinber-
að hverjir heimildarmennirnir traustu voru. Þegar
fyrir liggur að í hundruðum tilvika sé orðið óyggjandi
að heimildarmennirnir hafi reynst vera samsafn af
lygalaupum og fölsurum þá er það banabiti fjölmiðils
að samsama sig þeim og afhjúpa þá ekki. Afsökunar-
beiðni og afhjúpun á svikahröppunum verður að fara
saman. En það getur orðið erfitt ef heimildin var
aldrei til og soðin upp á blaðinu eins og sú sem kosn-
ingastjórn Hillary lét sauma saman. Það hefur blaðið
ekki gert. Ástandið var orðið þannig á NYT vegna
tryllingsins gegn Trump að þegar fyrirsvarsmaður
greinabirtingar á blaðinu lét birta eina grein eftir
þingmann úr flokki repúblikana í öldungadeild þings-
ins umhverfðust blaðamenn þar. Ritstjórinn tilkynnti
þá að hann stæði með starfsmanni sínum. Blaða-
mennirnir gerðu þá hróp að ritstjóranum og hann
guggnaði og rak konuna sem hafði heimilað birt-
inguna! Þetta er ömurlegt ástand og dapurlegt.
Blaðran lak ekki, hún sprakk
Nú er skyndilega orðið ljóst að FBI hefur haft fjár-
hagsleg málefni Biden-fjölskyldunnar til athugunar í
tvö ár. Ekkert blað hefur til þessa verið talið hafa jafn
góða gátt og glufu inn í FBI eins og NYT. Blaðið hef-
ur „ekki frétt“ neitt af málinu allan þennan tíma!
Miðað við sögu og tengsl blaðsins er það útilokað. Og
sjónvarpsstöðvarnar, sem ekki hafa náð fullum söns-
um frá kjöri Trumps, hafa síðustu daga afgreitt laus-
lega Biden-fréttirnar sem voru farnar að síast út,
með orðum eins og þeim að engin alvörumiðill fjalli
um samsærisruglið um Biden og hans fólk. En að
öðru leyti er afgreiðslan þessi: „Talið er að þvaður-
fréttirnar um Biden séu komnar frá Rússum!“ Og þar
fram eftir götunum.
En blaðran sprakk. Hvellurinn varð mikill. Nú er
komið á daginn að FBI hefur verið í tvö ár að rann-
saka mútur og peningaþvætti og skattsvik sem varða
risafjárhæðir þar sem Hunter Biden er höfuðpaurinn
ásamt Jim Biden, bróður Bidens varaforseta og, eftir
því sem best er vitað, væntanlegs forseta. Hunter
varð loks til þess sjálfur, örskömmu eftir kosningar,
að viðurkenna að hann væri til rannsóknar að þessu
leyti. Biden lýsti því margoft yfir að allt tal um slíkt
væri argasta lygi og viðurstyggilegur áróður. Þær
fréttir, sem þegar eru teknar að spyrjast út eftir hinn
þunga þagnarmúr í tvö ár, eru næsta alvarlegar, svo
ekki sé meira sagt. Og þær eru þegar orðnar Joe Bid-
en mjög hættulegar. Ekki aðeins vegna sonarins sem
hefur sogið ótrúlegar fjárhæðir út úr Kína og Úkra-
ínu í krafti þess að Biden fór með samskipti við þessi
lönd, samkvæmt sérstöku erindisbréfi Obama, þáver-
andi forseta. Heldur vegna þess að skjöl frá Hunter
Biden segja að Joe faðir hans hafi jafnan viljað
tryggja sér bita af kökunni og kvartar Hunter undan
því, en eftir því hafi verið látið!
Vita ekki sitt rjúkandi ráð
Nú muldra hinir stórsködduðu fjölmiðlar vandræða-
lega að þeir hafi ekki viljað koma ruglanda inn í for-
setakosningar með að segja það sem þeir vissu um,
en vissu þó ekki nóg!
En þeir fjölmiðlar sem héldu því leyndu sem al-
menningur þurfti að fá að vita fyrir kosningar hafa
brugðist fólkinu í landinu sem situr nú uppi með
bandítta með æðstu völd í öflugasta ríki veraldar.
Afsakanir eins og þær að hægt sé að koma Biden-
fjölskyldunni burt frá allri aðstöðu með því að koma
Harris inn, sem hafi í rauninni alltaf staðið til, sýnir
hversu djúpt mannskapurinn á þessum bæjum hefur
sokkið. Nú er farið að brydda á því að fjölmiðlarnir
sem vissu en þögðu séu farnir að reyna að bjarga ein-
hverju af æru sinni. Það er mikið verk.
Enn má vona að skrítni fjölmiðillinn á Íslandi, með
þúsundir milljóna frá ríkinu, frétti ekki af þessu.
Það væri eiginlega ömurlegt ef það gerðist. Þótt
þessi ömurlega þróun vestan hafs taki brátt yfir um-
ræðuna er gustuk að gæta þess að sú skrítna fái að
sofa áfram.
Eigum við ekki öll að reyna það?
Morgunblaðið/Árni Sæberg
13.12. 2020 MORGUNBLAÐIÐ SUNNUDAGUR 17