Lögmannablaðið - 2019, Blaðsíða 20

Lögmannablaðið - 2019, Blaðsíða 20
20 LÖGMANNABLAÐIÐ TBL 04/19 Fanney er ásamt þremur öðrum starfsmönnum ríkislög- manns í teymi sem tekur til varna fyrir hönd íslenska ríkisins fyrir Mannréttindadómstólnum. Aðrir í teyminu eru Einar Karl Hallvarðsson ríkislögmaður og hæstaréttar- lögmennirnir Guðrún Sesselja Arnardóttir og María Thejll. Embætti ríkislögmanns tók við hagsmunagæslu Íslands fyrir dómstólnum í lok árs 2016 og sinnir þessum málum nú samhliða öðrum verkefnum hjá embættinu, en málaflokknum var áður sinnt af dómsmálaráðuneytinu. Fanney segir að álag í þessum málaflokki hafi aukist verulega hin síðari ár. Hún lýsir ferlinu þannig að kærur þurfi að komast í gegnum „fyrstu síu“ dómstólsins áður en dómstóllinn óskar eftir athugasemdum frá ríkinu. Langflestar kærur komast ekki í gegnum þessa fyrstu hindrun en á undanförnum árum hefur dómstóllinn þó tekið mun fleiri kærur gegn íslenska ríkinu til meðferðar en áður. Fanney segir erindin frá Mannréttindadómstólnum alltaf í formi spurninga, dómstóllinn spyr hvernig hinum og þessum atriðum er háttað í landsrétti og hvernig íslenska ríkið telur að tiltekin atriði samrýmist Mann réttinda- sáttmálanum. Dómstóllinn leggur sig reyndar fram um að fá aðila til þess að sætta mál áður en mál gengur alla leið til dóms. Ef sáttaferlinu líkur án árangurs ber aðilum að skila greinargerðum þar sem spurningum dómstólsins er svarað. Málsmeðferðin er almennt skrifleg og venjulega skila aðilar tveimur greinargerðum í máli. Venjulega lýkur málinu svo með dómi án þess að það hafi verið munnlega Fanney Rós Þorsteinsdóttir útskrifaðist frá Lagadeild Háskóla Íslands árið 2005, fékk réttindi til þess að flytja mál fyrir héraðsdómstólum árið 2006 og fyrir Hæstarétti Íslands árið 2013. Hún hefur unnið hjá Embætti ríkislögmanns frá árinu 2012. Fanney, ásamt Geir Gestssyni, var fyrst íslenskra málflytjenda til þess að flytja munnlega mál fyrir Yfirdeild (Grand Chamber) Mannréttinda- dómstóls Evrópu þann 9. október sl. FYRSTU ÍSLENSKU MÁLFLYTJENDURNIR HJÁ GRAND CHAMBER – FANNEY RÓS ÞORSTEINSDÓTTIR

x

Lögmannablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lögmannablaðið
https://timarit.is/publication/1132

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.