Fréttablaðið - 20.01.2021, Blaðsíða 6

SAMGÖNGUR Aðstæður í Skötufirði,
þar sem kona og ungt barn hennar
létust eftir að bíll þeirra hafnaði
í sjónum, voru þannig að ekkert
vegrið var milli vegarins og sjávar.
„Vegagerðin leggur mikla áherslu
á umferðaröryggisaðgerðir, bæði á
þekktum slysastöðum en einnig
á stöðum þar sem ekki hafa orðið
slys en ljóst að mjög illa myndi fara
ef slys yrði. Stór hluti vegakerfisins
uppfyllir ekki þær kröfur um öryggi
sem gerðar eru til nýrra vega,“ segir
G. Pétur Matthíasson, upplýsinga-
fulltrúi Vegagerðarinnar.
Hann segir að að á tæplega 120
kílómetra kaf la á Djúpvegi, milli
Mjóafjarðarvegar og Flugvallar-
vegar í Skutulsfirði, hafi verið metið
árið 2013 að vantaði 75 til 80 kíló-
metra af vegriðum. Fyrir allmörg-
um árum hafi þörfin á landsvísu
verið allt að 450 kílómetrar, þar af
40 prósent á Vestfjörðum. Ýmislegt
hafi þó gerst síðan.
„Í kjölfar þessarar úttektar
hafa vegrið þegar verið sett upp á
nokkrum stöðum en mikið er enn
óunnið,“ segir G. Pétur. Innan þessa
kaf la sé vegurinn um Skötufjörð
þar sem banaslys varð um helgina,
það sé frá Hjöllum að Hvítanesvegi
sem alls séu rúmlega 25 kílómetrar.
„Á þessum rúmlega 25 kílómetra
kaf la Djúpvegar um Skötufjörð
var metið að þyrfti 19 kílómetra
af vegriðum,“ segir G. Pétur. Í fyrra
hafi verið sett upp vegrið innarlega
í austanverðum Skötufirði, innan
við Hvalskurðará. „Haldið verður
áfram að setja upp vegrið eftir því
sem fjárveitingar leyfa og hættu-
legustu staðirnir verða í forgangi,
hér eftir sem hingað til.“
Þá segir G. Pétur að gera megi ráð
fyrir að uppsett vegrið kosti um 12
milljónir á kílómetra. Fjárveitingar
til umferðaröryggisaðgerða á lands-
vísu hafi verið 500 milljónir á ári
þar til á síðasta ári þegar aukning
hafi orðið og 650 milljónir fengist
til verkefnisins. – gar
BANDARÍKIN Joe Biden verður svar-
inn í embætti 46. forseta Banda-
ríkjanna klukkan 17 í dag, eða
12 að staðartíma, við þinghúsið í
Washington. Kamala Harris verður
einnig svarin í embætti varaforseta.
Árásin á þinghúsið þann 6. janúar
og heimsfaraldurinn munu setja
mark sitt á athöfnina og þegar eru
komnir 25 þúsund þjóðvarðliðar til
borgarinnar til að standa vörð.
Stórum hluta borgarinnar hefur
verið lokað fyrir bílaumferð og
miklar takmarkanir ríkja á öðrum.
Þrettán neðanjarðarlestarstöðvum
hefur verið lokað og fjölda opin-
berra bygginga í nálægð við þing-
húsið.
Muriel Bowser, borgarstjóri
Washington, og ríkisstjórar nær-
liggjandi ríkjanna Virginíu og
Mary land hvöttu fólk til þess að
koma ekki til borgarinnar þenn-
an dag til þess að fylgjast með
innsetningar athöfninni.
Biden hefur sagst vilja að inn-
setningarathöfnin verði sú fámenn-
asta í sögunni. Í ljósi faraldursins,
sem fellt hefur nærri 400 þúsund
Bandaríkjamenn, væri æskilegt
að fólk kæmi ekki saman í stórum
hópum. Rímar þetta vel við kosn-
ingabaráttu Bidens sem var hóf-
stillt með fáum fjöldasamkomum.
Í ljósi hertrar öryggisgæslu mun
Biden verða að ósk sinni. Honum
verður einnig að ósk sinni um að
hafa athöfnina utandyra eins og
þær hafa verið hingað til, en þrýst
var á hann að hún yrði innandyra.
Áhorfendur heima í sófa munu
þó fá eitthvað fyrir sinn snúð, en
við athöfnina og á sérstökum við-
burði eftir hana munu meðal ann-
ars koma fram poppstjörnurnar
Lady Gaga, Jennifer Lopez og Justin
Timberlake, sem og hinir alþýðlegu
söngvarar Bruce Springsteen, Jon
Bon Jovi og Garth Brooks.
Löggæslu- og varnarmálayfirvöld
í Bandaríkjunum hafa legið undir
ámæli vegna þess hversu auðvelt
það reyndist stuðningsmönnum
Donalds Trump, fráfarandi forseta,
að komast inn í þinghúsið og valda
þar usla, sem endaði með því að
fimm létust. Þetta á ekki að endur-
taka sig núna og hver einasta ábend-
ing um ófrið er grandskoðuð. Því
af umræðu á samfélagsmiðlum að
dæma má ætla að hópar hægri öfga-
manna reyni að trufla viðburðinn.
Þann 6. janúar voru sterkar
vísbendingar um að hluti af lög-
gæsluliði þinghússins hefði hleypt
múgnum inn og jafnvel aðstoðað.
Alríkislögreglan, FBI, hefur nú
kannað bakgrunn hvers einasta
þjóðvarðliða til þess að hið sama
gerist ekki aftur.
Donald Trump hefur lýst því
yfir að hann verði ekki viðstaddur
innsetninguna og Joe Biden hefur
sagt það heillavænlegt. Trump
mun f ljúga heim til Flórída um
morguninn. Síðasti forseti til þess
að mæta ekki á innsetningarathöfn
var Andrew Johnson árið 1869.
Margir hafa líkt Trump og Johnson
saman, en báðir voru þeir ákærðir
til embættismissis af fulltrúadeild
þingsins. Þrír fyrrverandi forsetar
verða hins vegar viðstaddir, þeir
Barack Obama, George W. Bush og
Bill Clinton. Einnig varaforsetinn
Mike Pence.
Við athöfnina mun Biden halda
ávarp þar sem hann mun meðal
annars ræða brýnasta verkefnið,
aðgerðir til að takast á við faraldur-
inn og efnahagslegar af leiðingar
hans. En búist er við að Biden muni
strax á fyrstu dögunum snúa fjöl-
mörgum öðrum tilskipunum for-
vera síns við, er lúta að loftslagsmál-
um, jafnréttismálum og alþjóðlegu
samstarfi.
kristinnhaukur@frettabladid.is
Mikið er enn
óunnið.
G. Pétur Matthías-
son, upplýsinga-
fulltrúi Vega-
gerðarinnar
25 þúsund þjóðvarðliðar
gæta friðar við innsetningar­
athöfnina.
Fordæmalaus öryggisgæsla
við innsetningu Joe Biden
Aldrei fyrr hefur öryggisgæsla verið jafn mikil við innsetningu Bandaríkjaforseta og nú. Tugþúsundir
þjóðvarðliða eru í Washingtonborg og fjölmörgum götum hefur verið lokað. Biden mun flytja ávarp um
brýnustu málefnin stjórnar sinnar, en búist er við að fjölmörgum tilskipunum Trumps verði snúið við.
Hermenn í átjándu aldar búningum æfa sig fyrir innsetningarathöfnina sem fram fer í dag. FRÉTTABLAÐIÐ/EPA
Faxafeni 11 • Sími 534 0534
Finndu
okkur á
Allt fyrir
afmælið!
Stór hluti þjóðvega stenst ekki kröfur
Uppsett vegrið eru sögð kosta um
tólf milljónir á hvern kílómetra.
VIÐSKIPTI Sala á bílum glæddist
um 37 prósent í desember árið
2020 saman borið við desember
árið áður, það er 804 skráningar
samanborið við 587. Bílasala á árinu
minnkaði hins vegar um rúmlega
20 prósent, það er 9.369 seldir bílar
miðað við 11.723 árið 2019.
Bílasala minnkaði um tugi pró-
senta í öllum Evrópulöndum á
árinu nema Noregi þar sem hún
stóð næstum í stað. Í Bretlandi, á
Spáni og Ítalíu hrapaði hún um 30
prósent, 25 prósent í Frakklandi og
20 í Þýskalandi. Hið sama gildir um
Bandaríkin þar sem bílasala hrap-
aði um 20 prósent en talið er að það
taki nokkur ár að vinna það upp.
Þrátt fyrir minnkandi sölu hefur
verð ekki lækkað, heldur þvert
á móti. Samkvæmt Wall Street
Journal hefur hagstæð fjármögnun,
lækkandi eldsneytisverð, minni
framleiðsla og meiri eftirspurn eftir
stærri og dýrari bílum ýtt verði upp
í nýjar hæðir. – khg
Seldu fleiri bíla
í desember
Bifreiðar bíða eftir tollafgreiðslu.
Frá Seyðisfirði. FRÉTTABLAÐIÐ/ANTON
SEYÐISFJÖRÐUR Ráða á mann til
að taka viðtöl við fólk sem var á
hamfarasvæðinu utan Búðarár á
Seyðisfirði og varð vitni að því er
aurskriða féll á bæinn 18. desember
síðastliðinn.
Byggðaráð Múlaþings sem með
ákvörðun um þetta samþykkti
bókun heimastjórnar Seyðisfjarð-
ar segir megintilgang verkefnisins
meðal annars vera þann að fá fram
upplýsingar er gagnist við vinnu við
að finna lausnir á vörnum til fram-
tíðar. Heimastjórn Seyðisfjarðar á
að hafa umsjón með framkvæmd
verkefnisins. – gar
Skrá vitnisburði
vegna aurskriðu
STJÓRNMÁL Rósa Björk Brynjólfs-
dóttir, þingmaður Samfylkingar-
innar, segir frumvarp sitt um bann
við afneitun helfararinnar ekki vera
aðför að tjáningarfrelsi.
„Líkt og kemur fram í greinar-
gerðinni þá er kveðið á um það
í stjórnarskránni að heimilt er
að takmarka tjáningu þegar um
haturs orðræðu er að ræða. Síðustu
eitt til tvö árin höfum við séð ógn-
vænlega þróun í hatursglæpum
gegn gyðingum, múslimum, trúar-
hópum og minnihlutahópum, sér-
staklega í Frakklandi og Þýska-
landi.
Mörg Evrópuríki hafa bannað
að afneita helförinni og ég tel að
við þurfum að vera hluti af þeirri
þróun,“ segir Rósa Björk.
„Ástæðan fyrir því að ég legg
fram þetta frumvarp er einnig þeir
atburðir sem urðu í Bandaríkjunum
6. janúar, þar sem hægri öfgamenn
ruddu sér leið inn í þinghúsið.
Margir þeirra voru klæddir fatnaði
með gyðingahatri.“ – þp
Segir frumvarp ekki aðför að tjáningarfrelsi
Tuttugu og eitt land í
heiminum er með lög sem
banna afneitun helfarar­
innar.
2 0 . J A N Ú A R 2 0 2 1 M I Ð V I K U D A G U R6 F R É T T I R ∙ F R É T T A B L A Ð I Ð