Lögmannablaðið - 15.12.1997, Blaðsíða 15

þeir sem hafa talið rétti sínum hall-
að með veitingu byggingarleyfa,
hafa kært leyfisveitingarnar og
fengið þær felldar úr gildi af um-
hverfisráðherra, hafa orðið að sæta
því að hafa eingöngu reikning lög-
manns síns upp úr krafsinu, þegar
sveitarstjórnir breyta deiliskipulagi
eftir á, til að geta veitt byggingar-
leyfi að nýju fyrir óleyfisfram-
kvæmdunum.
Ákvæði 56. gr. 1. 73/1997 geta
haft mjög miklar fjárhagslegar af-
leiðingar í för með sér og breytt
þeim vinnubrögðum sem hafa ver-
ið viðhöfö, að færa skipulag að
framkvæmdum sem unnar hafa
verið í leyfisleysi. Rökin fyrir
breytingum á deiliskipulagi til að
„löggilda“ byggingar sem ekki
samræmast skipulagi hafa verið
þau, að um mikla fjárhagslega
hagsmuni sé að ræða fyrir hús-
byggjanda og ekki réttlætanlegt að
fjarlægja framkvæmdir vegna
kostnaðarins. Með framangreindu
ákvæði er ætlunin að koma í veg
fyrir slík vinnubrögð. Líklegt er að
ekki þurfi oft að beita ákvæðinu,
þar sem varnaðaráhrif þess hljóta
að verða veruleg ef húsbyggjendur
verða varir við að því sé beitt í
reynd. Verður það vonandi til þess
að breyta þeim skilaboðum sem
byggjendur hafa fengið hingað til,
að best sé að vera fljótur að
byggja sem mest í heimildarleysi,
þar sem að því meiri fjármunir sem
lagðir hafa verið í mannvirkin, því
minni líkur á að þau verði fjarlægð.
Nýjar reglugerðir
Skipulagsreglugerð og bygging-
arreglugerð taka skv. bráðabirgða-
ákvæði laga nr. 73/1997 gildi um
áramót. Drög að reglugerðunum
eru á heimasíðu Skipulags ríkisins:
http://www.islag.is/
Niðurlag
Gera verður ráð fyrir að ný
skipulags- og byggingarlög muni
verða mjög til bóta fýrir fram-
kvæmd skipulags- og byggingar-
mála í landinu. Þó má ætla að
ágreiningur um framkvæmd lag-
anna verði meiri en hingað til, þar
sem að í lögunum er að finna
ákvæði sem geta verið mjög
íþyngjandi, bæði fyrir sveitarstjórn-
ir og t. d. húsbyggjendur. Því
hljóta lögmenn í auknum mæli að
koma að meðferð skipulags- og
byggingarmála og er full ástæða til
að hvetja þá til að kynna sér ný
skipulags- og byggingarlög ræki-
lega.
Erlendar ráðstefnur og námskeið á
næstu mánuðum
Upplýsingar hafa borist
til skrifstofu L.M.F.Í.
um eftirtaldar ráð-
stefnur og námskeið á næstu
mánuðum:
16.-18. febrúar 1998: Inter-
national Wealth Transfer
Techniques, haldið í London á
vegum International Bar Associ-
ation (Section on General Pract-
ice) og American Bar Associ-
ation (Section of International
Law and Practice).
25. febrúar 1998: Personal
Injury Major Claims Hand-
ling: The Insurance
Industry’s Riposte, haldið í
London á vegum DYP Confer-
ences & Courses (hluti af Lloyd’s
of London Press).
15.-20. mars 1998: Energy &
Resources Law ‘98, 13. tvíær-
ingurinn á vegum International
Bar Association (Section on
Energy & Natural Resources
Law), haldinn I Höföaborg í Suð-
ur-Afríku.
10.-16. maí 1998: Human
Rights - Their Protection at a
National Level, haldið í Belfast
á Norður-írlandi, á vegum The
British Council/International
Seminars.
Einnig hafa borist bæklingar
frá University of Wisconsin og
FrankUn Pierce Law Center
um lengri námskeið og fram-
haldsnám í lögum í Bandaríkjun-
um. Þá er á skrifstofunni bækl-
ingur frá Europáische Recht-
sakademie Trier, en á vegum
akademíunnar er boðið upp á
fjölbreytt úrval námskeiða og
ráðstefna í Evrópurétti, sem
haldin eru víðs vegar í Evrópu.
Kennt er á einu eða fleirum
tungumálum, með eða án túlk-
unar.
Ljósrit kynningarbæklinga er
hægt að fá á skrifstofu L.M.F.Í.
Lögmannablaðið
15