Víðförli - 01.11.2004, Blaðsíða 3

NÓVEMBER 2004
V í Ð F Ö R L I
3
Frábær ungmenni á Landsmóti
Æskulýðsfélaga Þjóðkirkjunnar
Landsmót Æskulýðsfélaga Þjóðkirkjunnar var haldið (
Vatnaskógi helgina 15.-17. október. Tvö hundruð og fimm
ungmenni og leiðtogar hoppuðu upp í rútu og brunuðu af
stað og mættu galvösk í skóginn um kvöldmatarleytið á
föstudegi. Vel gekk að koma sér fyrir og eftir geggjaðan
grjónagraut var blásið til kvöldvöku.
Á kvöldvökunni var sungið og glaðst og hlegið að léttum
bröndurum og vinaæskulýðsfélög dregin saman úr hatti.
Eftir kvöldvöku tók við frjáls tími sem ungmennin nýttu til
að kynnast og spjalla og skoða staðinn. Á meðan fóru
nokkrir leiðtogar út í íþróttahús og hófu undirbúning á
guðsþjónustu.
Guðsþjónustan var með óhefðbundnu sniði, en unnið
var með oþið rými, 5 stöðvar og tónlist. Ungmennin tóku
mjög virkan þátt í guðsþjónustunni. Löng biðröð myndað-
ist við skriftastólinn og í fyrirbænahorni, þau skrifuðu fjölda
fallegra bæna sem var varpað upp á vegg með skjávarpa
og í fyrirgefningarhorninu var hópur ungmenna að skrifa
niður bæn til Guðs um fyrirgefningu. Á meðan á guðsþjón-
ustunni stóð hljómaði kristileg tónlist og hugleiðing úr há-
tölurum. Guðsþjónustunni lauk svo með því að gengið var
í kyndlagöngu upp í skógarkirkju þar sem bál var tendrað
og þar voru bænir sem settar voru í bænakassa og bænir
um fyrirgefningu brenndar undir stjörnubjörtum norður-
Ijósahimni.
Dagskrá laugardagsins hófst með hugleiðingu um frelsi
undan áhyggjum. Þá tók við kvikmyndahátíðin Imago Dei.
Átta stuttmyndir bárust í stuttmyndasamkeppnina, sem
var hin glæsilegasta og báru Akureyringar sigur út bítum.
Greinilegt var að ungmennin höfðu lagt mikla vinnu í að út-
búa kvikmyndirnar og eiga þau svo sannarlega hrós skilið.
Eftir hádegi var svo boðið upp á ýmis dagskrártilboð svo
sem ullarþæfingu, gospelkór, glasaætingu, rammagerð, í-
þróttir, fótboltaspilsmót, vinabandagerð og margt annað
þessu líkt. Andrúmsloftið var hreint dásamlegt og
skemmtilegt var að sjá ungmennin njóta þess að slaþpa af
og gleyma sér í föndri, dundi og sprelli. Á laugardagseftir-
miðdegi var svo þrautakeppnin ægilega haldin. Þar reyndu
keppendur fyrir sér í stígvélakasti, sms sendingum, hlátri,
biblíuuppflettingum og köngulóahlaupi. Ólafsvíkingar sigr-
uðu þrautakeppnina með glæsibrag.
Kvöldvakan á laugardagskvöld hófst svo með skemmti-
atriðum frá kvöldvökustjórunum Sigga Grétari og Jóa
bróður. Stýrðu þeir frábærri kvöldvöku þar sem ýmsir stigu
á stokk og skemmtu. Leiðtogar tóku sig saman og sungu
„Slá í gegn“ við mikinn fögnuð. Diskótekið var hið fjörug-
asta og mátti þar sjá ungmenni og leiðtoga dilla sér í takt
við tónlist frá hinum ýmsu tímum. Laugardagskvöldið leið
hratt og lauk því svo með lofgjörðarstund í sal Gamla
skála. Ungmennin héldu svo í háttinn þreytt og ánægð eft-
ir langan og skemmtilegan dag.
Á sunnudagsmorgun var ekki laust við að nokkur tregi
væri í ungmennunum enda tími til kominn að halda heim á
leið. Mótsslit og fararblessun fóru fram í íþróttahúsinu og
eftir það hélt hver heim til sín. Mótsstjórar horfðu á eftir rút-
unum þegar þær hurfu fyrir hornið í Vatnaskógi og hugs-
uðu með sér hvílík forréttindi það eru að fá að vinna með
svo frábærum og skemmtilegum ungmennum. Á mótinu
ríkti einstaklega góður andi, ungmennin voru í öllu til fyrir-
myndar og leiðtogar áttu vart orð yfir því hversu frábært
fólk var saman komið í Vatnaskógi á Landsmóti Æskulýðs-
félaga Þjóðkirkjunnar 2004. www.kirkjan.is/annall/-
landsmot
Sjöfn Þór