Víðförli - 01.11.2004, Blaðsíða 15
NÓVEMBER 2004
V I Ð F Ö R L I
15
Börnin bíða
Frændsystkini. Feður barnanna, þrír bræður, eru látnir og sex eigin-
konur þeirra. Barnlaus föðursystir sér um hópinn, 14 frændsystkini og
tvö barnabörn bræðranna. Þau njóta aðstoðar kirkjunnar.
Munaðarlaus börn í Úganda eru sum farin að
líta glaðan dag. Það er hjálparstarfi kirknanna í
landinu að þakka. í síðustu jólasöfnun Hjálpar-
starfs kirkjunnar söfnuðust 20 milijónir króna.
Fyrir þær hefur verið riðið þétt net ráðgjafa sem
fengið hefur eins og hálfs árs kennslu og þjálfun
í að hjálpa börnum sem búa ein eftir að hafa
misst foreldra sína úr ainæmi. Svo vel hefur
gengið að frá síðustu jólum og fram í júlí höfðu
1500 börn fengið fatnað, fræ, áhöld, íbúðarhús,
geitur eða hænur, allt eftir aðstæðum hvers
systkinahóps.
Byggt á frumkvæði staðarfólks
Ráðgjafinn er kjölfesta barnanna í lífinu.
Hann huggar þau og styrkir, leiðir og kennir.
Og hann mun gera það áfram því ráðgjafarnir
eru allir úr sömu sveit og börnin, búa þar með
eigin fjölskyldur og vinna sitt starf í sjálfboða-
vinnu. Þannig er aðeins kostað til menntunar þeirra og
þjálfunar en þekking og færni til að takast á við vand-
ann situr eftir i héraðinu sjálfu þótt hjálparstarf kirkna
flytji sig um set og hefji starf á nýjum stað. í Úganda er
heil kynslóð fallin frá og í raun veit enginn hvernig börn-
unum sem nú vaxa úr grasi mun reiða af. Það hefur ekki
gerst áður að börn í heilu samfélagi ali sig sjálf upp.
En við sjáum gríðarlegan árangur af hjálparstarfi meðal
munaðarlausu barnanna. Við sjáum bros, frumkvæði, leik
og ekki síst miklu betri aðbúnað en fyrir aðeins ári síðan.
Þá brosti enginn og það er sannarlega óvanalegt. Alls
staðar kunna börn að leika og sprella, hversu fátæk sem
þau eru. En svo var ekki fyrir ári síðan, á starfssvæði kirkj-
unnar í Úganda.
Alla langar að hjálpa, segjum þeim hvernig
Þrestar! Segið frá hjálparstarfinu sem kirkjan okkar
stendur fyrir. Minnið á baukinn og gíróseðilinn í öllum
messum á aðventunni. Segið frá verkefninu í safnaðarblað-
inu. Fólk grípur það fegins hendi að fá að leggja góðu mál-
efni lið um jólin. I ársskýrslunni okkar eru upplýsingar um
starfið á aðgengilegum og fljótlesnum nótum. Við þurfum
öflugan stuðning kirknanna í landinu til að afla fjár. Þá mun
ekki standa á okkur að koma því í góðar þarfir. Börnin bíða.
Látum það ekki vera vonlausa bið. Tökum höndum saman
um góða jólasöfnun.
Anna M. Þ. Ólafsdóttir
upplýsingafulltrúi Hjalparstarfs kirkjunnar
Mikill fjöldi fólks á námskeiði um
Da Vinci lykilinn
Allt að 200 manns sóttu námskeið um sögu kirkjunnar
og Da Vinci lykilinn. Námskeiðið hófst tíunda nóvember
og er á vegum Leikmannaskóla Þjóðkirkjunnar sem hófst
í nóvember. Kennari er sr. Þórhallur Heimisson prestur í
Hafnarfjarðarkirkju
Það er Ijóst að þessi bók vekur áleitnar spurningar sem
saga kirkjunnar á mörg svör við. Meðal annars er fjallað
um það hvort Jesús hefði verið kvæntur Maríu Magda-
lenu. Námskeiðið er byggt upp eins og sagan sjálf, þ.e.
smátt og smátt finnast nokkurskonar lyklar sem Ijúka upp
dyrum leyndarmálanna.
Góður rómur var gerður að efni námskeiðsins og Ijóst
að kirkjan á mikilvægt erindi að reka varðandi fræðslu og
námskeiðshald. Da Vinci lykillinn er fyrst og fremst saka-
málasaga en um leið vekur hún upp stórar spurningar
sem varða staðhæfingar kristinnar trúar og þeim má
mörgum svara með fræðslu og margan misskilninginn
hrekja. Það gleðilega er að fólk vill leita svara eins og ber-
lega kom í Ijós varðandi áhuga á námskeiðinu í Grensás-
kirkju.
Irma Sjöfn Óskarsdóttir