Hinsegin dagar í Reykjavík - ágú. 2008, Blaðsíða 29

Hinsegin
í H e i l a n d a G
Hinsegin dagar í Reykjavík er sameiginleg hátíð þess fjölbreytta
hóps fólks sem kallar sig samkynhneigt, tvíkynhneigt eða trans-
sexúal. Samt yrðu Hinsegin dagar svipur hjá sjón ef ekki kæmi til
stuðningur þess gríðarlega fjölda Íslendinga sem slæst í hópinn á
götum Reykjavíkur á hátíðisdaginn. Þar er á ferð öll flóra íslensks
samfélags – ungir og aldnir úr öllum stéttum. Þar eru ekki bara vinir
okkar og fjölskyldur, heldur líka „bláókunnugir“ sem ekki tengjast
okkur vina- eða blóðböndum, en finna samt á Hinsegin dögum rétta
tækifærið til að láta í ljósi stuðning við baráttuna fyrir betra lífi.
Fátt yljar okkur eins og að sjá allar þessar þúsundir Íslendinga slást
í hópinn í gleðigöngunni niður Laugaveg. Sá samhugur er einsdæmi
í heiminum.
Í þakklætis- og virðingarskyni vilja Hinsegin dagar bjóða öllum
landsmönnum og erlendum gestum að gerast hinsegin í heilan dag.
Við hvetjum ykkur til að styrkja litina í regnboganum og auka á
gleðina með því að bregða ykkur á spariskóna og klæðast einhverju
því í tilefni dagsins sem þið hafið aldrei áður þorað að ganga í
niður Laugaveg. Samkvæmiskjóllinn með pallíettunum sem fékk að
rykfalla inni í skáp frá því á árshátíð Sveinafélags húsasmiða 1967
– hans tími er aftur upp runninn! Eða kjólfötin góðu sem aldrei
eru viðruð nema á stöku frímúrarafundi eða á árlegum vorkonsert
Fóstbræðra. Að ekki sé minnst á alla dýrlegu hattana, hawaii-skyrt-
urnar, bítlaskóna og blómahálsbindin sem eitt sinn þóttu fín, en eru
nú litin hornauga af smáborgurum þessa heims.
Það er ekki bara hinsegin fólk sem lendir stundum inni í skáp,
heldur líka alls kyns dýrindis fatnaður. Hann á sinn tilverurétt.
Leyfum honum að sleppa út úr skápnum, þótt ekki sé nema einu
sinni á ári.
Njótið dagsins!
Gay f O r a d a y
Reykjavík Gay Pride is unique in one sense: Nowhere else in the
world do queers meet such overwhelming support from family and
friends as we do here in Iceland. The participation in the Pride
festivities is perfect proof of that statement, as one fourth of the
Icelandic nation now gathers every year in the centre of Reykjavík
for the Pride Parade and the Open Air Concert at Arnarhóll.
To celebrate the tenth anniversary of Reykjavík Gay Pride we
urge you to add your own special touch of colour to our rainbow
by joining the celebration on Pride day in some fancy dress of your
past. Whether a precious gown, tuxedo, hat or a tie – bring it out
of the closet, into the streets!
29