Hinsegin dagar í Reykjavík - ágú. 2008, Blaðsíða 30

áforma engu að síður hátíðahöld til að efla
sjálfsvitund sína og samstöðu. Á dagskrá
er hinsegin kvikmyndahátíð í Minsk og
Gomel og síðan fjölmenn ráðstefna í Minsk
þangað sem ungu fólki víðsvegar úr Austur-
Evrópu er boðið til að ræða stöðu mála og
skipuleggja aðgerðir. Loks er ætlunin að
halda tvær glæsilegar hátíðir innan dyra,
bæði í Minsk og Gomel, undir slagorðunum
„Gegn alnæmi“ og „Saman stöndum við
sterk“. Samtökin ’78 og Hinsegin dagar í
Reykjavík styrkja hátíðina og félagsmenn
þeirra hafa einnig lagt fé af mörkum í söfn-
un til hátíðahaldanna.
Einn af gestum Hinsegin daga í ágúst er
ungur baráttumaður Svyatoslav Sementsov,
Slava eins og hann er kallaður. Hann er í
málsvari fyrir hreyfinguna TEMA og mun
fræða gesti Hinsegin daga um ástand
mála á umræðufundi í Samtökunum ’78
og sækja reynslu til okkar. Fundurinn fer
fram á ensku, miðvikudagskvöldið 6. ágúst
og hefst kl. 20:30. Húsið er opnað kl. 20.
Sýnum samstöðu og stuðning og fjölmenn-
um.
Lesa má um lífið í Hvíta Rússlandi á www.
pride.by
Alþjóðlegt samstarf og stuðningur við sam-
kynhneigða, tvíkynhneigða og transgender-
fólk í fjarlægum löndum er mikilvægur
þáttur í starfi Hinsegin daga í Reykjavík.
Svo lengi sem einhver úr okkar hópi mætir
fordómum og þjáningu einhvers staðar í
heiminum höfum við verk að vinna.
Til Íslands er nú litið eftir fyrirmyndum,
því að sú jákvæða þjóðfélagsþróun, sem
orðið hefur hinsegin fólki í hag hér á landi,
vekur athygli um allan heim. Eitt af þeim
löndum sem hafa leitað eftir þekkingu
okkar og stuðningi er Hvíta Rússland
– Belarus. Í stærstu borgum landsins,
Minsk og Gomel, er að finna einbeittan og
meðvitaðan hóp hinsegin fólks sem berst
hart fyrir því að bæta hag síns fólks og
auka meðvitund samfélagsins um sjálfsögð
mannréttindi.
Hinsegin fólki í Hvíta Rússlandi er
haldið niðri á þann hátt sem reyndar er
gamalkunnur í sögunni. Stjórnvöld lands-
ins hindra alla upplýsingamiðlun um líf
hinsegin fólks, því er meinaður aðgangur
að fjölmiðlum og bannað að safnast
saman á götum þar sem athygli gæti
vakið. Fjölmiðlar segja einungis neikvæðar
og fjandsamlegar fréttir og nota hvert
tækifæri til að lýsa hinsegin þegnum
ríkisins og stuðningsfólki þeirra í öðrum
löndum sem afbrigðilegum og andfélags-
legum. Þegar fréttist af aðgerðum grípa
stjórnvöld oft til þess ráðs að hneppa fólk í
varðhald um stundarsakir til að draga úr því
kjarkinn og dreifa skipulögðum óhróðri um
einstaklinga í fjölmiðlum.
Hreyfing hinsegin fólks lætur samt ekki
deigan síga í Hvíta Rússlandi. Það heyrir til
tíðinda að í fyrsta sinn sást regnbogafáninn
á götum Minsk í vor við árlega minningar-
athöfn um Chernobyl-kjarnorkuslysið. Slíkt
þóttu tíðindi þar í borg.
Í haust halda félagar okkar í Hvíta
Rússlandi sína Hinsegin daga í annað sinn
í sögunni. Enn voga þau sér ekki í göngu
út á götur, vitandi vits að stjórnvöld snúast
hart gegn þess háttar sýnileika. En þau
hInSEGIn AuStAn VIð
FALLIð tjALd
30