Bæjarins besta - 02.11.2006, Síða 6

FIMMTUDAGUR 2. NÓVEMBER 20066
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564 · Ritstjóri:
Sigurjón J. Sigurðsson, sími 892 5362, bb@bb.is · Blaðamenn: Eiríkur Örn Norð-dahl, símar 456 4694 og 845
2685 eirikur@bb.is – Thelma Hjaltadóttir, símar 456 4693 og 849 8699, thelma@bb.is – Anna Sigríður Ólafs-
dóttir, símar 456 4680 og 860 6062, annska@bb.is · Ritstjóri netútgáfu bb.is: Sigurjón J. Sigurðsson ·
Ljósmyndari: Halldór Sveinbjörnsson, sími 894 6125, halldor@bb.is · Ábyrgðarmenn: Sigurjón J. Sigurðsson
og Halldór Sveinbjörnsson · Lausasöluverð er kr. 300 eintakið með vsk. Veittur er afsláttur til elli- og örorkulíf-
eyrisþega. Einnig sé greitt með greiðslukorti. · Önnur útgáfa: Ferðablaðið Á ferð um Vestfirði. · ISSN 1670 - 021X
Eftir hverju
er beðið?
Ritstjórnargrein
Stærstu íþróttafélögin innan
Héraðssambands Vestfirðinga
hafa ákveðið að halda áfram
samningaviðræðum um mögu-
lega sameiningu félaganna og
standa vonir til að ákvörðun
um sameininguna verði tekin
um áramótin. Þetta var ákveð-
ið á almennum félagsfundi
sem haldinn var í skíðaskál-
anum í Tungudal í síðustu
viku. „Það var komin smá
stöðnun í ferlið og því hóuðum
við saman félögunum til þess
að koma á hreint hvort vilji
væri fyrir hendi að halda áfram
og hvernig málin stæðu“, segir
Ingi Þór Ágústsson, formaður
Héraðssambands Vestfirð-
inga.
Félögin sem um ræðir eru
Sundfélagið Vestri, Körfu-
knattleiksfélag Ísafjarðar,
Skíðafélag Ísfirðinga og Bolta-
félag Ísfirðinga. „Sérstök
nefnd mun vinna að því að
undirbúa sameiningu með hag
allra félaganna að leiðarljósi.
Nefndin hefur fram að áramót-
um en þá verður ákveðið hvort
af sameiningunni verði“, segir
Ingi Þór.
Meðal þess sem fram kom
á fundinum var að deildir
halda vissu sjálfstæði, eignum
og kennitölu og geta dregið
sig til baka eða gengið út úr
samstarfinu hvenær sem er.
Öll félögin koma inn í sam-
starfið á núlli og útilokað á að
vera fyrir eina deild að steypa
félaginu í stórar skuldir. Einn
megintilgangurinn með sam-
einingu virðist vera að félagið
sé sameiningartákn; allir séu í
sama félagi, með eitt nafn,
eitt merki, einn búning. Auk
þess fæst með þessu viss hag-
ræðing, starfsmaður sem vinn-
ur fyrir deildir, möguleiki á
hagstæðari samningum, t.d. í
tengslum við keppnisferðir og
fleira. Hugmyndin er sú að
eftir að stærstu félögin myndu
sameinast yrði minni félögum
boðin þátttaka.
„Það er mikill vilji hjá HSV
að af sameiningunni verði því
við teljum að það verði hagur
allra félaganna“, sagði Ingi Þór.
Ákvörðun um sameiningu íþrótta-
félaga tekin um næstu áramót
Níu hitastigulsholur voru
boraðar í landi Svarfhóls í
Álftafirði á dögunum og mæld-
ist sú heitasta með 117 í hita-
stigul, en það þykir bara nokk-
uð gott. Illa mun hafa gengið
að bora þar sem bingur af jök-
ulbergi var fyrir, en upphaf-
lega áttu holurnar að vera tíu.
Haukur Jóhannesson, jarð-
fræðingur, hafði umsjón með
rannsóknunum, og mun hann
væntanlegur vestur til að
kynna niðurstöðurnar fyrir
Súðvíkingum um miðjan þenn-
an mánuð. Þó niðurstöðurnar
reynist að öllu leyti jákvæðar
á eftir að ákveða hvort farið
verði í að bora eftir heitu vatni,
en framkvæmdir af því tagi
geta reynst mjög dýrar. Ef svo
fer að heitt vatn finnist þarf að
fara í hagkvæmnisútreikninga
fyrir hitaveitu þar sem taka
þarf inn í reikninginn stofn-
kostnað, lagnakostnað, mögu-
legar tekjur og rekstrarkostnað
hitaveitunnar. Frá þessu er
greint á ruv.is.
Vonir standa til þess að
rannsóknarvinnu og hag-
kvæmnisútreikningunum verði
lokið í kringum áramótin.
Kostnaðaráætlun verksins
hljóðar upp á 12 milljónir
króna, og greiðir Orkubú
Vestfjarða, sem er umsjónar-
aðili verksins, fjórðung af
kostnaðinum. Rannsóknir
þessar hafa verið í bígerð í um
árstíma.
Tæp þrjátíu ár eru síðan
fyrstu rannsóknir fóru fram á
svæðinu þegar viðamiklar
eðlisviðnámsmælingar voru
gerðar á Vestfjörðum og í
kjölfarið á þeim var boruð til-
raunahola og mælingum bar
saman um að jarðhitasvæði
sé að finna við Svarfhól í
Álftafirði. Þegar rætt var við
Ómar Má Jónsson, sveitar-
stjóra Súðavíkur, fyrir fáein-
um vikum sagðist hann ekki
vita hvers vegna rannsóknum
á heitu vatni hafi ekki verið
haldið áfram á sínum tíma, en
sagðist þó telja að lakari
tæknibúnaður hefði haft nokk-
uð um það að segja, en vildi
ekkert fullyrða um það. ÍSOR
(Íslenska orkustofnunin) hef-
ur umsjón með því hvar verður
leitað og er fagaðili þegar
kemur að jarðfræðilegum
þætti verksins.
Orðið hitastigull er sjálfsagt
nýyrði fyrir mörgum lesend-
um. Við jarðhitaleit er oft
stuðst við hitastigul, en það er
mælikvarði á hve hratt hitastig
hækkar með dýpi. Boraðar eru
grunnar hitastigulsholur og
hitinn mældur. Loks er reikn-
að út hve mikill hitastigullinn
ætti að vera á 1 km dýpi.
Jarðhitarannsóknir
í Álftafirði lofa góðu
Súðavík. Mynd: Mats Wibe Lund.
Missti stjórn á bifreiðinni
Tvö umferðaróhöpp urðu í umdæmi lögreglunnar á Ísafirði í síðustu viku. Á miðviku-
dag missti ökumaður stjórn á bifreið sinni með þeim afleiðingum að hún hafnaði á
annari bifreið sem stóð kyrrstæð á bílastæði. Ekki urðu slys á fólki en nokkurt tjón
varð á ökutækjum. Aðfaranótt sunnudags ók síðan fólksbifreið á grjót á Súðavíkurhlíð
með þeim afleiðingum að undirvagn bifreiðarinnar og hjólbarði skemmdust. Þá hafði
lögreglan afskipti af tveimur ökumönnum vegna hraðaksturs auk ökumanns stórrar
bifreiðar sem var með ökurita sem ekki reyndist í samræmi við tilheyrandi reglugerð.
Nokkrir aðilar sem reka verslunar- og þjónustustarfsemi á
Eyrinni á Ísafirði hafa sent bæjarstjórn Ísafjarðar bréf þar sem
þeir mótmæla hugmyndum ym einstefnuakstur upp Aðalstræti
og Hafnarstræti. Í bréfi aðilanna segir m.a. að framkomin til-
laga um einstefnu upp Aðalstræti-Hafnarstræti sé ekki til bóta.
Þó segir ennfremur í bréfinu: „Við teljum að það hljóti að vera
eðlilegast fyrir vegfarandann, að eiga beina leið inn í verslunar-
hverfið, jafnvel þó að hann síðan þurfi að leita tiltekinna ein-
stefnuleiða út úr hverfinu. Ef hins vegar er nauðsynlegt að
hafa einstefnu á umræddum verslunargötum ætti hún frekar
að vera niður Hafnarstræti-Aðalstræti.
Reyndar drögum við í efa, að eftir tilkomu Pollgötu, sé
nokkur þörf breytinga á núverandi tvístefnu umferð gatnanna.
Ef gera á breytingu til aukins öryggis og vegfarendum til hags-
bóta, þá er það öðru fremur að fjölga á svæðinu bílastæðum
sem ekki væru sérmerkt fyrirtækjum eða stofnunum.“
Mótmæla hugmyndum
um einstefnuakstur
Á þessum degi fyrir 16 árum
Vegagerðin hefur varað ökumenn við að vera á ferð um Ós-
hlíð að nauðsynjalausu. - Óshlíð hefur verið lokað fyrir um-
ferð vegna grjóthruns. – Tilkynningar í þessa veru hljóma
kunnuglega. Því miður. En við þessar aðstæður hafa Bolvík-
ingar og aðrir þeir sem einhverra hluta vegna hafa átt leið til
Bolungarvíkur mátt búa við áratugum saman.
Stórgrýtið sem féll á veginn um Óshlíð í síðustu viku hlýtur
að hafa fyllt mælinn. Það er ekki seinna vænna að tekin verði
ákvörðun um leysa Bolvíkinga úr þessari gíslingu í eitt skipti
fyrir öll. Og til þess dugir ekkert hálfkák. Hugmyndinni um
þrenn stubbajarðgöng á Óshlíðinni ber að kasta fyrir róða.
Velja verður á milli annarra leiða sem til tals hafa komið. Það
er ekki eftir neinu að bíða.
Vegagerð á Íslandi hefur lengst af miðast við bráðabirgða-
lausnir með sem ódýrustum hætti. Þar um vitna tvenn og
þrenn samsíða uppgróin vegstæði sem víða má sjá, einkum á
heiðum uppi. Eflaust hafa aðstæður þeirra tíma ráðið hvernig
að var staðið. Ekki úr miklum fjármunum að spila, tækni og
þekking allt önnur og vegavinnutæki í engu sambærileg við
það sem við nú höfum yfir að ráða. Í ljósi þess eigum við að
hætta öllum bráðabirgðaúrlausnum. Hætta að tjalda til einnar
nætur.
Á þessum vettvangi hefur því ítrekað verið haldið fram að
greiðfærar samgöngur innan héraðs og milli landshluta sé ein
af megin forsendum þess að landsbyggðin haldi velli. Í því
sambandi er stytting leiða milli staða höfuð atriði. Atvinnulíf
á landsbyggðinni á allt sitt undir greiðum samgönguleiðum.
Stjórnvöldum hlýtur að hafa verið þetta ljóst um langan tíma.
Þrátt fyrir tæpitungulaust tal forsvarsmanna atvinnufyrirtækja
um nauðsyn úrbóta og eftirrekstur sveitarstjórna, hefur hægt
miðað.
Súðavík – Ísafjörður - Bolungarvík. Horft til langrar framtíð-
ar í samgöngum á norðanverðum Vestfjörðum er óhjákvæmi-
legt að líta á þessi þrjú byggðalög sem eina heild. Nokkuð
ljóst ætti að vera að íbúar þeirra stæðu betur að vígi eftir sam-
einingu. Við núverandi aðstæður í samgöngum er sú sýn víðs
fjarri.
Þegar kostnaður við jarðgöng er lagður á vogarskálar á
móti venjulegri vegagerð verður að taka eftirleikinn með í
dæmið. Ætli það hallist svo mikið á þegar upp er staðið eftir
að hafa tekið tillit til áratuga viðhalds og snjómoksturs á móti
lágmarksviðhaldi jarðganga. Í vegagerð verður að hugsa í
áratugum. Tækni og þekking gerir okkur það kleift. Samfélagið
krefst þess.
Bolvíkingar bíða eftir að vera leystir úr prísundinni.
Eftir hverju bíða stjórnvöld? s.h.
44.PM5 5.4.2017, 13:036