Vinnan - 01.03.1949, Blaðsíða 24
Nýir kjarasamningar Vkf. Framsóknar
Verkakvennafélagið Framsókn í Reykjavík sagði upp kaup-
og kjarasamningum sínum við Vinnuveitendasamband Islands
og voru þeir úr gildi um 15. marz s 1.
Félagið samþykkti að hefja vinnustöðvun kl. 24 miðviku-
daginn 23. marz s. 1. ef samningar hefðu þá ekki tekist.
Til verkfalls kom þó ekki, því á síðasta degi samdist, og
fengu verkakonur allgóða kauphækkun. Grunnkaup við al-
menna vinnu hækkaði úr kr. 1.85 í kr. 2.00 á klst., kaup við
saltfisk úr kr. 1.90 i kr. 2.05 og kaup við aðalhreingerningar
úr kr. 2.00 í kr. 2.20 á klst. en nú gildir þetta kaup við
allar hreingerningar svo og uppskipun þ. e. stöflun óverkaðs
saltfiskjar o. s. frv.
Nýr kaup- og kjarasamningur
Víkings í Vík í Mýrdal
Þann 1. marz s. 1. var gerður nýr kaup- og kjarasamningur
milli Vlf. Víkings í Vík í Mýrdal og atvinnurekenda þar.
Kaup karla í almennri vinnu hækkaði úr kr. 2.65 á kl.st.
í kr. 2.80, og kaup kvenna úr kr. 1.80 á kl.st. í kr. 2.00.
Nýr kjarasamningur bílstjóradeildar
Víkings í Vík í Mýrdal
Um mánaðarmótin febr.—marz s. 1. gerði bílstjóradeild Vlf.
í Vík samninga við verzlun Halldórs Jónssonar og Kaupfél.
Skaftfellinga um kaup og kjör. Mánaðarkaup hækkaði úr kr.
600.00 í kr. 650.00 og tímakaup hækkaði hlutfallslega jafn-
mikið. Ymsar lagfæringar aðrar til kjarabóta náðust einnig.
Til þess að ná samningum við kaupfélagið varð Verkalýðs-
félagið að tilkynna vinnustöðvun, en samningar náðust án
þess að til þess kæmi að vinnustöðvun væri beitt.
Erindreki Alþýðusambandsins aðstoðaði bílstjórana við
samningagerðina.
Nýr kaup- og kjarasamningur mjólkurfræðinga
Þann 1. marz var gerður nýr kaup- og kjarasamningur
milli Mjólkurfræðinga og Mjólkurbúa. Hjá fulllærðum mjólk-
urfræðingum hækkuðu vikulaunin úr kr. 165.00 í kr. 177.00
grunnlaun og hjá nemum sem unnið hafa 4 ár, hækkuðu
vikulaunin úr kr. 155.00 í kr. 167.50.
Ymsar kjarabætur aðrar fengu mjólkurfræðingar svo sem
frían þvott á hvítum vinnufatnaði,aukin frí og fleira.
Vinnustöðvun hafði verið ákveðin, en til hennar kom ekki,
þar sem samningar tókust á síðustu stundu.
Framkvæmdastjóri Alþýðusambandsins aðstoðaði við samn-
ingagerðina.
Félag íslenzkra rafvirkja
Nýlega var undirritaður samningur milli Félags íslenzkra
rafvirkja og Eimskipafélags íslands um kaup og kjör rafvirkja
á skipum félagsins. Helztu ákvæði samningsins eru: Mánaðar-
grunnkaup er kr. 850.00 en hækkar á fjórum árum upp í kr.
950.00, frítt fæði, sérherbergi, 15 daga sumarleyfi fyrsta
starfsárið og síðan 30 dagar. Uppsagnarfrestur eftir eins árs
starfstíma 3 mánuðir. Kaup vegna veikinda 3 mánuðir, eftir
eins árs starfstíma. Trygging vegna skemmda á fötum. Auk
þess eru rafvirkjar tryggðir fyrir 50 þús. krónur vegna slysa
eða dauða. Meðlimir Félags ísl. rafvirkja hafa forgangsrétt
til allrar rafvirkjunar á skipum Eimskipafél. Islands. Samn-
ingur þessi gildir frá undirskriftardegi, en er uppseganlegur
með eins mánaðar fyrirvara, hvenær sem er, eins og samn-
ingar annara stéttarfélaga við Eimskipafélagið. Samningar við
Skipaútgerð ríkisins hafa enn ekki verið undirskrifaðir. Þetta
er fyrsti samningur sem gerður hefur verið um kaup og
kjör rafvirkja á sjó.
Nýir kjarasamningar starfsmannafél. „Þór"
28. febrúar voru undirritaðir nýir samningar milli starfs-
mannafélagsins „Þór“ og stjórnarnefndar ríkisspítalanna.
Samkv. þeim hækkar kaup vélsmiða, viðgerðarmanna,
þvottamanna og bílstjóra úr kr. 612.50 í kr. 625.00 á mánuði,
kaup hreingerningarmanna og kyndara úr kr. 585.00 í kr.
600.00 kaup vinnumanna úr kr. 530.00 í kr. 545.00. Kaup
hjúkrunarmanna og aðstoðarmanna við rannsóknir stendur í
stað og er kr. 550.00 á mánuði.
Nýir kjarasamningar „Sóknar"
voru undirritaðir 28. febr. milli starfsstúlknafélagsins Sóknar
annarsvegar og stjórnarnefndar ríkisspítalanna, Elli- og
hjúkrunarheimilisins Grundar og Reykjavíkurbæjar hinsvegar.
Samkvæmt hinum nýja samningi hækkar grunnkaup starfs-
stúlkna úr kr. 350.00 á mánuði í 365.00 á mánuði (fullt kaup).
Áður fengu stúlkur ekki fullt kaup fyrr en eftir 18 mánuði,
en samkvæmt nýja samningnum styttist biðtíminn í 12 mán.
Það nýmæli er í samningnum að grunnkaup vökukvenna
skal vera 30 kr. hærra á mánuði en starfsstúlkna almennt
og saumakvenna 15 kr. hærra. Þá var og samningsbundið að
þær starfsstúlkur sem vinna hátíðisdaga og almenna fridaga
skuli fá daga bætta með samsvarandi fleiri frídögum, en
sumarleyfið var samkvæmt gamla samningnum 19 virkir
dagar eftir eins árs starfstíma. Matartími var ákveðinn í
fyrsta skipti, skal hann vera 30 mín. í hvert skipti tvisvar
á dag, sé unnið í tvískiptum vinnutíma, annars ein klst.
Sé matartími hinsvegar ekki tekinn reglulega reiknast sá
tími sem fer til að matast til vinnutíma. Nokkrar fleiri smá-
vægilegar breytingar voru gerðar á samningnum. Samningur-
inn gildir frá 1. febr. s. 1. til 1. febr. 1950, en er uppsegan-
legur með 3 mánaða fyrirvara, miðað við 1. nóv.
Nýjir kjarasamningar Verkalýðsfélags Dalvíkur
Um s. 1. áramót sagði Verkalýðsfélag Dalvíkur upp kaup-
og kjarasanmingum sínum við atvinnurekendur á staðnum.
Samningaumleitanir hófust sem sagt strax, en samningar náð-
ust ekki fyrr en 27. marz s. 1. Undir það síðasta fóru samn-
ingaumleitanir fram fyrir milligöngu sáttasemjarans á Akur-
eyri Þorsteins M. Jónssonar og bar hann fram sáttatillögu
sem greitt var um atkvæði föstudaginn 25. marz, en það var
fyrsti dagur vinnustöðvunarinnar er Verkalýðsfélagið sá sig
tilneytt að hefja, til framgangs krafna sinna. Sáttatillagan var
felld af félaginu með 51 atkv. gegn 44.
Sunnudaginn 27. marz komu svo samninganefndir deilu-
aðila saman til fundar fyrir milligöngu hreppsnefndaroddvita
og náðust þá samningar. Samkvæmt hinum nýju samningum
hækkar grunnkaup karla í almennri vinnu úr kr. 2.60 í kr.
2.75 á klst. og kaup kvenna, í vinnu í hraðfrystihúsum úr kr.
1.80 í kr. 1.90 á klst., í almennri vinnu úr kr. 1.80 í kr. 2.00
og íshúsvinnu og allri vinnu við síld úr kr. 1.80 í kr. 2.15
á klst.
Samið var um kjör sjómanna og breyttust hlutaskipti lítið,
en samið var nú um hlutatryggingu í fyrsta skipti og verður
hún kr. 500.00 í grunn á mánuði á tímabilinu apríl—ágúst
að báðum mánuðum meðtöldum, en kr. 300.00 fyrir mán-
uðina september, október, nóvember og marz.
Verkfall stóð aðeins í tvo daga og voru samtök verka-
VINNAN
52