Heilbrigðisskýrslur - 01.12.1982, Side 110

Sýkladeild
Hlutverk:
Þjónusturannsóknir
Hlutverk sýkladeildar Rannsóknastofu háskólans er í fyrsta lagi
þjónusturannsóknir til greininga á bakteríu- og sveppasýkingum.
Er þetta gert með smásjárskoðun og sýklaræktun úr sýnum, frá
liffærum fólks, grunuðu um sýkingar, eða mælingum á mótefnum gegn
sýklum í sermi (blóðvatni) þess. Næmispróf eru gerð á sýklunum,
þegar þurfa þykir til að auðvelda læknum val á sýklalyfi gegn við-
komandi sýkli. Deildin sér sjálf um gerð æta til þessara rannsókna.
Einnig eru gerð ýmis sermispróf til greininga á liða- og bandvefs-
sjúkdómum, og mælingar á magni vissra sýklalyfja í sermi.
Sýni berast frá öllu landinu, mestur hluti þeirra frá sjúkrahúsum
í Reykjavik og nágrenni. Sýklarannsóknastofum hefur nú verið komið
á fót á Borgarspitalanum og nokkrum sjúkrahúsum úti á landi, þar
sem rannsökuð eru sýni, sem ekki þarf mjög sérhæfða tækni við.
Sýkladeild Rannsóknastofu háskólans veitir þessum sýklarannsókna-
stofum ráðgjöf og sér að nokkru leyti um ætagerð fyrir þær.
Sýkladeild veitir heilbrigðisyfirvöldum faraldsfræðilegar upplýs-
ingar um sýkingar og farsóttir eftir föngum.
Læknar sýkladeildar hafa annast kennslu i bakteriufræði fyrir lækna-
nema, tannlæknanema, nema við námsbrautir háskólans i hjúkrunarfræði
og sjúkraþjálfun, meinatækninema og nú undanfarin ár nema við Hjúkrunar-
skóla Islands og Nýja hjúkrunarskólann.
Þjónustuverkefni árin 1980-81
Heildarfjöldi innsendra sýna árið 1980 var 47.044 og árió 1981
48.855 og sýnir meðfylgjandi tafla skiptingu þeirra i tegundir.
Rannsóknafjöldi er hins vegar allmiklu meiri en sýnafjöldi, þar
eð stundum er gerð fleiri en ein tegund rannsókna á hverju sýni.
A þetta einkum við um sermi, þar sem rannsóknafjöldi er um það bil
þrefalt meiri en sýnafjöldi. Mun láta nærri að rannsóknafjöldi á
innsendum sýnum sé um eða yfir 50.000 á ári.
Taf la yf ir tegundir sýna og fjölda þeirra árin 1980-'81
Þvag strok blóð gröftur mænuv. o.fl. liðv. saur lek- anda- sýni berkla- sýni sermi alls
1980 19008 6746 7130 2033 4389 2059 5679 47044
1981 18234 7091 8008 2605 5244 2049 5629 48855
Nýjar rannsóknaraðferðir
A árin 1979 var byrjað að rækta campylobacter jejuni, þarmabakteriu,
sem komió hefur í ljós á siðasta áratug viða um lönd, að veldur
niðurgangi i um það bil jafnmiklum mæli og salmonellur. Leitað er
nú aó þessari bakteriu í öllum innsendum saursýnum.
108