Börn og menning - 01.04.2011, Blaðsíða 35

IBBY fréttir
35
Ragnheiður Gestsdóttir fékk
Sögusteininn
Sögusteinn, barnabókaverðlaun IBBY á íslandi, var afhentur í fjórða sinn 2. apríl, á
alþjóðlegunn degi barnabókarinnar. Upphæð verðlaunanna er 500 þúsund krónur en þau
eru veitt rithöfundi, myndlistarmanni eða þýðanda sem með höfundarverki sínu hefur
auðgað (slenskar barnabókmenntir.
Varþaðeinrómaálitvalnefndar, semskipuðvarönnu Heiðu Pálsdóttur, bókmenntafræðingi,
Ármanni Jakobssyni, bókmenntafræðingi og Rögnu Sigurðardóttur, myndlistarkonu og
rithöfundi, að Ragnheiður Gestsdóttir skyldi hljóta verðlaunin. í greinargerð valnefndar
segir meðal annars: Dómnefndin telur að Ragnheiður Gestsdóttir hafi með skáldsögum
sínum, myndskreytingum, léttlestrarefni, endursögðum ævintýrum, söngvasöfnum og
textasöfnum og fleiru, lagt fram mjög mikilvægan skerf til íslenskra barnabókmennta.
Verkin hennar spanna allt frá fyrstu sporum barnsins inn í ævintýraheim bókmenntanna
með vlsum, söngvum og litlum ævintýrum, alla leið til unglingsáranna með tilheyrandi
vandamálum, þroska og uppgötvunar á hlutverki einstaklingsins í lífinu.
Afhending verðlaunanna var lokahnykkur hátíðahalda IBBY á íslandi vegna dags
barnabókarinnar 31. mars. Þá var ný íslensk smásaga eftir Kristínu Helgu Gunnarsdóttur,
síðasta Sögusteinshafa, lesin fyrir alla grunnskólanema á (slandi og var henni samtímis
útvarpað á Rás 1.
Sögusteinn var fyrst afhentur árið 2007. Áður hafa Sigrún Eldjárn, Kristín Steinsdóttir
og Kristín Helga Gunnarsdóttir fengið Sögustein IBBY.