Fréttablaðið - 09.03.2021, Blaðsíða 4

3.500
nemendum, samkvæmt
fyrstu greiningu, af um
4.200, tókst að ljúka próf-
inu.
Sýnileg orka við HS Orku
Við höfuðstöðvar HS Orku í Svartsengi hefur myndast sprunga eftir lætin í jarðskorpunni undanfarið. Þessi sími sýnir umfang sprungunnar á
malbikinu. Starfsmenn HS Orku þurfa því að leggja lykkju á leið sína að bílastæðunum. Eftir fund gærdagsins er það mat vísindaráðs að búast megi
við að virknin á Reykjanesskaga verði kaf laskipt næstu daga en þó er enn líklegt að það byrji að gjósa á næstunni. FRÉTTABLAÐIÐ/ANTON BRINK
SKÓLAMÁL „Við erum búin að vinna
mikið í þessu síðan kerfið hrundi
2018 og töldum okkur hafa komist
fyrir þessi vandamál. Svo bregst
þessi þjónusta okkur enn og aftur
og menn eru í svolitlu sjokki yfir
því,“ segir Arnór Guðmundsson,
forstjóri Menntamálastofnunar,
en þriðja árið í röð hrundi vefur
stofnunarinnar þegar börn tóku
samræmd próf í íslensku.
Samkvæmt fyrstu greiningu
höfðu um 3.500 nemendur af um
4.200 lokið prófinu en ljóst er að
hluti nemenda tók prófið við ófull-
nægjandi aðstæður. Samræmdum
prófum í stærðfræði og ensku, sem
áttu að fara fram í dag og á morgun,
hefur því verið slegið á frest um
eina viku. Skólarnir hafa því val
um hvaða próf þeir leggja fyrir og
hvenær á tímabilinu 15. til 26. mars
en allir nemendur innan sama skóla
verða að taka sama próf á sama degi.
Einfalda svarið sé að það vanti
pening til að koma skólakerfinu í
hinn stafræna heim sem veldur því
að síðan hrynur á álagstíma. „Ég
held að það verði að fara að horfa á
fjárfestingu í innviðum í menntun.
Það er mikið talað um að fjárfesta í
steypu og brúm og vegakerfi en það
þarf líka að huga að fjárfestingum í
menntakerfinu,“ segir Arnór.
Hann segir að nám og kennsla
séu að breytast mikið og hratt yfir
í hinn stafræna heim og margt
skemmtilegt og jákvætt sé í gangi í
skólum landsins. „Við sjáum grunn-
skólum fyrir námsgögnum og þar
erum við svolítið stopp því við
höfum ekki þessa stafrænu innviði
og gefum því út bækur.“
Hann segir að það hafi ekki verið
notaleg tilfinning að vera á skrif-
stofunni þegar fréttir fóru að ber-
ast af því að vefurinn réði ekki við
álagið. „Þetta var ekki mjög þægi-
legt fyrir okkur hér því við erum
búin að vera að undirbúa og prófa
álagið á kerfinu en svo kom þetta í
bakið á okkur,“ segir Arnór.
benediktboas@frettabladid.is
Vikubið eftir að geta
tekið prófin að nýju
Þriðja árið í röð hrundi vefur Menntastofnunar þegar nemendur í níunda
bekk þreyttu samræmt próf í íslensku. Forstjórinn segir að peninga skorti til
að koma innviðum stofnunarinnar í stafrænan heim og til nútímans.
Hluti nem enda átti í erfið leikum með að tengjast raf rænu próf kerfi eða
missti í trekað sam band við kerfið í prófinu í gær. FRÉTTABLAÐIÐ/SIGTRYGGUR
Það er mikið talað
um að fjárfesta í
steypu og brúm og vegakerfi
en það þarf líka að huga að
fjárfestingum í menntakerf-
inu.
Arnór Guðmunds-
son, forstjóri
Menntamála-
stofnunar
LANDHELGISGÆSLAN Flugvél Land-
helgisgæslunnar, TF-SIF, sem hefur
iðulega verið notuð til að skoða
eldgos er enn í notkun í verkefni
fyrir Landamærastofnun Evrópu,
Frontex. Ekki hefur verið talin nauð-
syn á að nota hana komi til eldgoss
á Reykjanesskaga en breytist það
snögglega er hægt að kalla vélina
heim á tveimur dögum. Þetta kemur
fram í svari Ásgeirs Erlendssonar,
talsmanns Landhelgisgæslunnar.
Aðspurður hvort hægt væri að
kalla vélina heim í f lýti segir Ásgeir
að inn í samningnum við Frontex
sé ákvæði um að hægt sé að kalla
vélina heim ef þess þurfi. „Samn-
ingurinn við Frontex er þess eðlis
að hægt er að kalla vélina heim ef
náttúruhamfarir verða á Íslandi,“
segir Ásgeir og bætir við að ekki sé
búist við að þörf sé fyrir vélina að
þessu sinni.
„Miðað við þá hugsanlegu sviðs-
mynd sem vísindamenn gera ráð
fyrir ef eldgos verður á Reykjanesi
nýtast þyrlurnar betur en flugvélin
miðað við staðsetningu og eðli þess
mögulega goss. TF-SIF og búnaður
hennar hefur nýst vel þegar gosið
hefur undir jöklum og þegar erfitt
hefur reynst að komast að hamför-
um sökum hæðar. Ekki hefur verið
óskað eftir því af hálfu almanna-
varna að vélin verði kölluð heim
en verði þess óskað mun vélin snúa
aftur til Íslands.“
Ásgeir áætlar að það myndi taka
tvo daga að fá vélina heim.
„Flugvirkjar Landhelgisgæsl-
unnar eru með í för á Ítalíu og má
gera ráð fyrir að vélin yrði tilbúin
til heimferðar á tveimur sólar-
hringum.“ – kpt
Tvo daga að fá TF-SIF til landsins
TF-SIF og þyrlur LHG í lágflugi.
Leiksýning fyrir börn og fullorðna
Alla laugardaga
— tryggðu þér miða á borgarleikhus.is
NÁTTÚRUHAMFARIR Þrátt fyrir að
dregið hafi úr kvikuhreyfingum er
enn möguleiki á gosi á Reykjanes-
skaga á næstunni samkvæmt því
sem vísindaráð almannavarna las
út úr mælingum helgarinnar. Ef til
eldgoss kemur verður það líklega á
sprungu á milli Fagradalsfjalls og
Keilis þar sem kvikugangur er að
myndast.  
„Það virðist vera hægt streymi
inni í ganginum. Það virðist vera
aðeins grynnra niður á kvikuna og
það hefur dregið aðeins úr virkn-
inni en það gæti enn gosið,“ segir
Kristín Vog fjörð, hóp stjóri jarð-
vísinda rann sókna hjá Veður stofu
Ís lands, um stöðu mála.
Hún sat íbúafund í Grindavík í
gær og sagði íbúa skiljanlega skelk-
aða eftir jarðskjálfta helgarinnar.
„Sumir áttu erfitt með svefn um
helgina enda var þetta rosalegur
hristingur í stærstu skjálftunum.
Það er því skiljanlegt að fólk sé svo-
lítið taugaveiklað,“ segir Kristín,
aðspurð út í framtíðarhorfur fyrir
íbúa næstu bæjarfélaga. – kpt
Minni virkni á
Reykjanesskaga
Mesta eldfjallavirknin er á svæði
milli Keilis og Fagradalsfjalls.
9 . M A R S 2 0 2 1 Þ R I Ð J U D A G U R2 F R É T T I R ∙ F R É T T A B L A Ð I Ð