Fréttablaðið - 09.03.2021, Blaðsíða 28

Gott í matinn veitir þér inn-
blástur fyrir fermingarveisluna
með einföldum og góðum upp-
skriftum.
Uppskriftasíðan gottimatinn.is er
góður staður til að byrja á þegar
kemur að fermingarundirbúningi.
Á síðunni er til að mynda sérstakur
flokkur tileinkaður fermingum
þar sem finna má margs konar
uppskriftir sem henta fullkomlega
fyrir þetta stóra tilefni. Hvort sem
fermingarbarnið og fjölskyldu þess
langar að bjóða upp á smárétti og
ljúffenga osta, súpu og snittur, heitt
matarhlaðborð eða dýrindis köku-
veislu. Síðan gottimatinn.is getur
hjálpað til við undirbúning og veitt
fólki innblástur fyrir veisluna. Við
getum ekki annað en mælt með
heimsókn á gottimatinn.is.
Klassískur brauðréttur með
skinku og aspas
½ samlokubrauð, rifið niður
250 g skinka, smátt skorin
1 dós aspas
1 askja skinkumyrja frá MS
2 dl rjómi frá Gott í matinn
2 tsk. dijon sinnep
½ teningur grænmetiskraftur
Rifinn gratínostur frá Gott í
matinn
Hitið ofn í 180 gráður. Rífið
brauðið í eldfast mót. Hellið vökv-
anum úr aspasdósinni í pott ásamt
skinkumyrjunni, rjómanum,
dijon sinnepi og grænmetiskrafti.
Látið hitna og bráðna saman við
vægan hita. Dreifið skinkunni
og aspasinum yfir og saman við
brauðið í eldfasta mótinu. Hellið
svo ostasósunni yfir allt saman.
Toppið með rifnum osti eftir
smekk og bakið í 20 mínútur eða
þar til osturinn er gullinbrúnn og
rétturinn heitur í gegn.
Snittur með Dala-Auði
1 stk. snittubrauð
1 krukka rautt pestó (um 190 g)
Klettasalat (rúmlega hálfur poki)
1 ½-2 stk. Dala-Auður ostur
8-9 sneiðar af hráskinku
Fersk basilíka
Ólífuolía til penslunar
Gróft salt
Hitið ofninn í 200 °C. Skerið
brauðið skáhallt í sneiðar, penslið
vel með ólífuolíu og stráið smá
grófu salti yfir, bakið í 3-4
mínútur í ofninum og geymið
síðan til hliðar á meðan annað
er undirbúið. Skerið Dala-Auði í
sneiðar (það nást um 10 sneiðar
úr hverjum osti) og takið hverja
hráskinkusneið í tvennt. Smyrjið
góðri teskeið af pestó á hverja
brauðsneið, setjið þá klettasalat,
því næst Dala-Auði, hráskinku
og skreytið að lokum með ferskri
basilíku.
Rjómaostakúlur á priki
2 öskjur rjómaostur með graslauk
og lauk frá Gott í matinn (2x200 g)
400 g beikon
150 g pekanhnetur
4 stk. vorlaukur
100 g rifinn cheddar ostur frá Gott
í matinn
Saltstangir
Steikið beikonið þar til það er vel
stökkt og saxið smátt niður. Setjið
um 1/3 í skál með rjómaostinum
og geymið restina. Saxið pekan-
hnetur og lauk mjög smátt og
setjið einnig um 1/3 í skálina með
rjómaostinum og geymið restina.
Setjið cheddar ostinn saman við
rjómaostablönduna og hrærið vel
saman.
Blandið restinni af beikoni,
hnetum og vorlauk saman í skál,
útbúið litlar kúlur (munnbita)
úr rjómaostablöndunni og veltið
upp úr beikonblöndunni, en þessi
uppskrift dugar í um 40 kúlur.
Stingið svo saltstöng í hverja kúlu
(má sleppa) og kælið í að minnsta
kosti klukkustund.
Einfalt og gott fyrir ferminguna
Klassískur brauðréttur með skinku
og aspas sem er alltaf vinsæll.
Gómsætar snittur með Dala-Auði,
klettasalati og parmaskinku sóma
sér vel á fermingarveisluborðinu.
Glæsilegar
og girnilegar
rjómaostakúlur
á priki.
Kökuskreytingameistarinn
Brynja Bjarnadóttir óskaði sér
einskis heitar en Rice Krispies-
turns í eigin fermingarveislu.
Hún segir alla geta bakað og
skreytt fallega og ljúffenga
heimabakaða fermingartertu.
thordisg@frettabladid.is
„Ég hef alltaf elskað að baka og
þá sérstaklega að smakka deigið,“
segir kökuskreytingameistarinn
Brynja Bjarnadóttir glettin.
Hún byrjaði mjög snemma að
baka alls konar Betty Crocker-
kökur og múffur í litadýrð.
„Í raun er það dúlleríið við að
skreyta kökuna sem gefur mér
langmest. Ég elska að dunda mér
við að föndra og búa til hluti, og
kökuskreytingar eru fullkomnar
í það. Ég baka oftar en ekki fyrir
skemmtileg tilefni, eins og afmæli,
fermingar og brúðkaup, og þegar
ég er búin að eyða löngum tíma
í að vanda mig við að skreyta er
komin kaka sem hægt er að njóta
og borða í mómentinu. Ég sit þá
ekki uppi með eitthvert drasl sem
ég hef föndrað en tími ekki að
henda,“ segir Brynja og hlær.
Æfingin skapar meistarann
Gulrótarkaka er í dálæti hjá Brynju
en þannig var það ekki á fermingar-
daginn.
„Eina óskin sem ég hafði fyrir
fermingarveisluna mína var Rice
Krispies-turn og hún er það eina
sem ég man af veitingunum í veisl-
unni. Óskin mín rættist og ég fékk
minn Rice Krispies-turn og bað þar
af leiðandi ekki um hefðbundna
fermingartertu. Ég myndi því hik-
laust mæla með Rice Krispies-köku
í fermingarveislur, fyrir börn í
gestahópnum og sjálft fermingar-
barnið. Hún slær alltaf í gegn,“ segir
Brynja sem bakar meira fyrir aðra
en til heimilisins í dag.
„Galdurinn við góða köku er
heimabakstur, ást og umhyggja.
Svo lengi sem maður man eftir
öllum hráefnunum og gleymir
ekki kökunni í ofninum er svo
voðalega erfitt að klúðra bakstr-
inum,“ segir Brynja sem ráðleggur
að baka kökubotnana tveimur til
fjórum dögum fyrr til að spara
stress og tíma, og skreyta svo
kökuna daginn áður en hún er
borin á borð.
„Allir geta skreytt köku svo fal-
legt sé, og sérstaklega með réttu
áhöldunum. Þau auðvelda vinnuna
töluvert. Góð spatúla, gel-matarlit-
ir, réttu sprautustútarnir og nægur
tími er allt sem þarf; svo er bara
að prufa sig áfram og leyfa hug-
myndafluginu að njóta sín. Eins
og í öllu öðru, þá skapar æfingin
meistarann,“ segir Brynja og gefur
lesendum uppskrift að einfaldri en
gómsætri tertu sem hittir í mark í
fermingarveislunni.
Fylgist með Brynju á Instagram
@brynjabjarna.
Kakóterta
Mjög einföld og þægileg kaka til
að skreyta og sem ekki er hægt að
klúðra.
Royal-búðingur (hvaða bragð sem
er)
250 g hveiti
1 tsk. lyftiduft
½ tsk. natron
1 tsk. salt
300 g sykur
4 msk. kakó
125 g smjör
2 ½ dl mjólk
2 egg
Blandið þurrefnum saman.
Látið smjörið linast og myljið út
í þurrefnin. Bætið við mjólk og
eggi. Skiptið deiginu í tvö hring-
laga form. Bakið í ofni við 180 °C,
í annarri hillu að neðan, í sirka 15
mínútur. (Án blásturs í 200 °C í
sirka 18 mínútur.)
Smjörkrem
250 g smjör
250 g flórsykur
3 tsk. vanillusykur
Gel-matarlitur að eigin vali
Þeytið smjörið vel og lengi þar til
það verður ljóst og „flöffí“. Bætið
sykrinum varlega við og hrærið
saman við smjörið. Bætið að lokum
gel-matarlit út í kremið, að vild.
Heimabakað af ást og umhyggju er best
Brynja Bjarna-
dóttir elskar að
smakka deigið
þegar hún bakar
en mest fær
hún þó út úr
því að dúlla við
skreytingar sem
fullkomna góm-
sætan bakstur-
inn. Hér er hún
með glæsi-
lega svuntu
sem svipar
til fegursta
skautbúnings.
FRÉTTABLAÐIÐ/SIG-
TRYGGUR ARI
Tveggja hæða terta með rósum.
Þvílík fegurð á einni bleikri köku.
Brynja segir æfingu skapa meistara.
Glæsileg og blómum skreytt terta
sem er prýði á fermingarborðið.
12 kynningarblað 9. mars 2021 ÞRIÐJUDAGURFERMINGAR