Fréttablaðið - 22.05.2021, Qupperneq 26

Teikningar Lóu Hjálmtýs-
dóttur hafa sannarlega notið
vinsælda og vakið athygli
undanfarin misseri en árið
2020 setti hún sér það mark-
mið að teikna eina teikningu
hvern dag. Það var áður en
hún vissi að það yrði árið sem
flest annað yrði bannað, eða
að um hlaupár væri að ræða,
svo teikningarnar urðu á
endanum 366 talsins og eru
nú orðnar að bók.
Um leið og sest er niður með Lóu
Hjálmtýsdóttur kemur í ljós að þar
fer manneskja sem á auðvelt með að
tjá sig. „Ég er auðvitað búin að vera
í 16 ár í hljómsveit með sex körlum
og við erum bara búin með öll eðli-
leg umræðuefni,“ segir söngkona
sveitarinnar FM Belfast.
„Ég hef ekki lengur skilning á því
hvað er eðlilegt að tala um enda hef
ég verið föst í bíl með þeim vikum
saman á tónleikaferðalagi. Ef ég fer
á frumsýningu eða opnun eða slíkt
þarf ég að hugsa mig virkilega vel
um hvað megi tala um,“ segir hún í
léttum tón.
Talandi um tónleikaferðalög
í rútu með sex körlum; Lóa segir
áskoranirnar fáar í þeim efnum,
samstarfið og á tíðum sambúðin
sé góð, ekki einu sinni lykt sé til
trafala á slíkum ferðum. „Nei,
þetta eru frábærir, hreinir menn,
allir í bandinu eru mjög snyrtilegir,
það kom mér á óvart,“ segir hún og
skellir upp úr.
Aðspurð segir hún þau löngu búin
að ræða tilfinningaskalann og fara á
alla heimsins trúnó. „Það er ekkert
voða mikið drama eða neitt þann-
ig. Eina dramað í mínu lífi er þegar
ég held að einhver sé í skemmtilegri
spjallgrúppu en ég er í,“ segir Lóa og
hlær og í ljós kemur að hún er í ótal
spjallgrúppum á Messenger sem
tengjast hinum og þessum öngum
lífs hennar. Nýjasta grúppan er
brennó grúppa en hún segist hafa
tilleiðst í brennóhópinn til að hafa
ástæðu til að koma sér út úr húsi
enda sé allt sósíallíf komið úr sinki
eins og hjá fleirum á tímum heims-
faraldurs.
Hlerar fólkið í kringum sig
Undir lok árs 2019 ákvað Lóa að
setja sér það markmið að teikna
eina mynd á dag allt árið 2020. Ein
mynd á dag hljómar kannski sem
auðvelt verkefni en ef þú þekkir
myndirnar hennar Lóu veistu að
hver mynd er í raun heil saga.
„Ég geri mikið af því að hlera
fólkið í kringum mig,“ segir Lóa sem
hefur töluvert stúderað bandarísk-
an teiknara að nafni Lynda Barry,
sem beinlínis hvetur til þess. „Þetta
snýst ekki um að setjast niður og
rembast við að fá hugmynd enda
svo auðvelt að mistakast ef maður
ætlar að vera rosalega djúpur.“
Lóa segist taka hugmyndir úr
umhverfi sínu og já, með því að
hlera fólk, en svo snúist þetta líka
oft um samsetningu. „Eins og um
daginn þá fórum við maðurinn
minn út og strákurinn okkar var í
næturpössun. Allt í einu kom yfir
mig einhver galsi og ég fann að ég
hafði einhverja þörf fyrir að hegða
mér illa,“ segir hún og hlær. „Allt
í einu heyrði ég í hausnum á mér
kveðjuna: „Bless, elskan, mamma
og pabbi þurfa að fara út og hegða
sér eins og villisvín,“ og úr varð
slík mynd. Þetta er svo fyndið því
maður er bæði ábyrg manneskja og
villisvín. Þetta er dæmi um eitthvað
sem raðast upp en er ekki skipulögð
vinna,“ útskýrir Lóa. „Hitt er rosa
góð aðferð til að geta búið til mikið
efni og mér finnst þægilegra að búa
til mikið efni en að sitja og ofhugsa,
því þá geri ég ekki neitt.“
Lóa viðurkennir að stundum hafi
hún skuldað nokkrar teikningar og
þá þurft að teikna nokkrar á einum
Búin með öll eðlileg umræðuefni
Lóa hér á vinnustofu sinni sem skyndilega breyttist líka í innrömmunarverkstæði enda myndir hennar orðnar vinsælar á heimilum Íslendinga.
FRÉTTABLAÐIÐ/VALLI
Lóa fann leið til að koma listanum
sem flestar mæður eru með fastan
í huganum í eina mynd í tilefni
mæðradagsins í fyrra og sló í gegn.
Þessari hugmynd laust niður í huga
Lóu þegar sonurinn var kominn í næt-
urpössun og hún segist hafa fundið
þörf hjá sér til að hegða sér illa.
Björk
Eiðsdóttir
bjork
@frettabladid.is
degi. „Hugmyndin að bókinni kom
svo upp í samtali við bókaútgáfuna
Sölku.“
Bjargað af skipulögðu fólki
Heimsfaraldur breytti starfi Lóu að
mörgu leyti en hún hafði ekki verið
mikið í því að selja myndirnar sínar
til einstaklinga.
„Fólk var mikið heima hjá sér
í fyrra að horfa á veggina og sá að
það vantaði eitthvað á þá. Fólk fór
að panta myndir og skyndilega var
ég komin með lítið innrömmunar-
verkstæði á vinnustofunni, vefbúð
og skjal fyrir pantanir,“ segir Lóa og
virðist enn hissa.
„Sandra vinkona mín er ógeðs-
lega skipulögð og horfði á óskipu-
lagða miðamonsterið sem skrif-
borðið mitt var orðið og sá svo mig
ógeðslega stressaða enda var ég að
svara hverri og einni manneskju á
Instagram og Facebook og skrifa á
miða um allt.“
Vinkonan sá að þetta gæti ekki
gengið mikið lengur og útbjó skipu-
lagt skjal fyrir pantanir og Lóa gerði
skiptidíl við hönnuð sem hafði tekið
eftir því að hún væri ekki með vef-
verslun, og útbjó slíka fyrir hana.
„Nú lít ég út fyrir að vera ógeðs-
lega fagleg á meðan ég er það ekki
en var bjargað af skipulögðu fólki.
Maðurinn minn er líka svona skipu-
lagður og minnir mig reglulega á að
ég skuldi myndasögu og svo fram-
vegis, það hefur bjargað mér. Ég vill-
ist alltaf af leið,“ segir Lóa.
Milljón lítil skref
Lóa býr með Árna Hlöðverssyni en
þau hafa verið saman jafn lengi og
þau hafa verið saman í hljómsveit,
eða sextán ár, og eiga þau saman
einn son. Upphafið að hljómsveitar-
ferlinum var þó tilviljanakennt en
Lóa segir tilviljanir einkenna sitt líf.
„Það var einhver sem mætti ekki
á hljómsveitaræfingu og ég bara
rúllaði út af Sirkus og hef verið með
síðan. Þannig er ótrúlega margt sem
ég geri, ég er bara til í eitthvað og
það vindur svo upp á sig. Ég veit að
það eru mjög skringileg trúarbrögð
en mér líður eins og ef eitthvað
gengur vel þá sé það rétt. Ég fylgi
straumi sem verður til og mæti og
vinn og sé hvert það fer.“
Lóa segist yfirleitt ekki sækja um
störf eða verkefni, þannig lagað
virki yfirleitt ekki fyrir hana. „Ég
myndi ekki bjóða mig fram sem
forseta þó að það hljómi eins og vel
borgað og gott gigg, af því að ég get
ekki ímyndað mér að það myndi
ganga upp hjá mér.“ Aðspurð hvers
vegna hún efist um að forsetafram-
boð myndi henta henni, svarar Lóa:
„Ég veit það ekki, ætli ég myndi ekki
móðga einhvern í einhverju matar-
boði.“
Hún segir milljón lítil skref hafa
leitt hana þangað sem hún er, en
ákvarðanirnar sem hún þurfi að
taka varði frekar hvenær hún eigi að
koma sér út úr einhverju. Teikningar
Lóu endurspegla ansi oft hugarheim
kvenna og gerir hún óspart grín að
þeirri pressu sem konur verða fyrir.
„Þú þarft að vera heilt fyrirtæki
en mátt hvorki eldast né vera feit.
Það eru svona skrilljón reglur sem
maður veit um,“ segir Lóa um press-
una.
Lóa segist hafa gengist mjög upp í
því á unglingsárunum að vera ekki
kvenleg í útliti. „Mér fannst það bara
óspennandi en samt vissi ég skrítna
hluti sem ég sogaði úr umhverfinu,
eins og að maður ætti ekki að fara
í augabrúnaplokkun daginn fyrir
brúðkaup. Eins og þetta væru upp-
lýsingar sem gott væri að búa að?“
segir hún furðu lostin.
Þolir ekki afskiptasemi
„Það er pressa úr öllum áttum.
Sonur okkar er að verða níu ára og
ég var spurð í fyrra hvort ég ætlaði
ekki að eignast annað barn. Ég er 41
árs – hvenær hætta þessar spurning-
ar? Ég skil þetta ekki, ég þori varla
að spyrja fólk við hvað það vinnur,
mér finnst það svo hnýsið.
Þegar við vorum að túra á meðan
strákurinn okkar var lítill, hvort
sem hann var með eða ekki, var
alltaf talað við mig eins og ég væri
einhver barnamorðingi. Ekki var
talað þannig við Árna við hlið mér
sem átti þetta barn alveg jafn mikið
og ég. Beisiklí var bara verið að segja
við mig: Farðu heim til þín!“ segir
Lóa og hristir hausinn og bendir á
að flestir hljómsveitarmeðlimir eigi
börn en hún ein hafi fengið svona
athugasemdir, enda eina konan.
„Ég þoli ekki svona afskiptasemi.
Ég er með mjög djúpt „authority
vandamál“ og þoli ekki reglur sem
er ekki fótur fyrir. Eins og ég skil
enn ekki af hverju má ekki hanga á
línunni í sundi – slitnar hún eða?“ ■
Ég myndi
ekki bjóða
mig fram
sem forseta
þó að það
hljómi eins
og vel
borgað og
gott gigg, af
því að ég
get ekki
ímyndað
mér að það
myndi
ganga upp
hjá mér.
Þú þarft að vera heilt
fyrirtæki en mátt
hvorki eldast né vera
feit.
26 Helgin 22. maí 2021 LAUGARDAGUR