Víkurfréttir - 19.05.2021, Side 23

Frábær þátttaka í íþróttamóti Mána
Íþróttamót Mána var haldið 1. og 2. maí síðastliðinn
en þetta mót hefur ekki verið haldið síðan árið 2017.
Mótið var opið öllum og komu knapar víða að í blíðuna
til að taka þátt í mótinu og var virkilega góð þátttaka en
skráningarnar voru rúmlega 160 talsins.
Að vanda stóðu Mánamenn sig vel og voru í úrslitum
í flestum greinum. Signý Sól Snorradóttir vann þrefalt
í unglingaflokki, í tölti á Þokkadís frá Strandarhöfði, í
fjórgangi á Kolbeini frá Horni 1 og í fimmgangi á Magna
frá Þingholti. Glódís Líf Gunnarsdóttir og Magni frá Spá-
gilsstöðum sigruðu slaktaumatölt ungmenna. Elín Sara
Færseth og Hátíð frá Hrafnagili unnu töltið í 2. flokki og
voru einnig fjórgangssigurvegarar.
Mánamenn voru ánægðir með framkvæmd mótsins og
kunnu mótanefnd bestu þakkir fyrir. Þá var dómurum
þökkuð sérstaklega góð dómstörf og öllum sjálfboða-
liðum sem komu að mótinu með einum eða öðrum hætti.
Frá Mána: „Við fengum virkilega góða styrki frá
fyrirtækjum til að aðstoða okkur við að gera mótið að veruleika. Fóðurblandan styrkti okkur með veglegum
vinningum, Búvörur styrkti okkur einnig með vinningum, Nettó gaf nokkur gjafabréf og Stapinn á Arnarstapa
gaf einnig gjafabréf. Einnig voru önnur fyrirtæki sem styrktu skráningargjöld knapa og vakti það mikla lukku
hjá hestamönnum. Viljum við þakka öllum styrktaraðilum kærlega fyrir okkur.“
UNNU ALLAR SÍNAR VIÐUREIGNIR
Suðurnesjamennirnir Daníel Dagur
Árnason úr nýstofnuðu Júdófélagi
Reykjanesbæjar (JRB) og Ingólfur
Rögnvaldsson úr Júdófélagi Reykja-
víkur (JR) stóðu sig frábærlega á
Íslandsmóti fullorðinna í júdó sem
fór fram í íþróttahúsinu Digranesi
um helgina.
Daníel keppti í -60 kg flokki og
Ingólfur í -66 kg flokki og gerðu þeir
félagar sér lítið fyrir og unnu báðir
allar sínar viðureignir. Drengirnir
hafa verið að gera það gott íþróttinni
en þeir unnu báðir til gullverðlauna
á RIG í janúar og eru í landsliðshópi
Júdósambandsins. Þeir Ingólfur og
Daníel munu taka þátt í Íslandsmóti
unglinga í flokki u21 árs sem fer fram
29. maí næstkomandi.
Á myndinni eru þeir Ingólfur og
Daníel ásamt þjálfara sínum, Bjarna
Friðrikssyni, sem vann til bronsverð-
launa í júdó á Ólympíuleikum í Los
Angeles árið 1984.
Grunnskólamótið í glímu
Um helgina fór Grunnskólamótið í glímu fram á Reyðarfirði. Hópur tólf
vaskra Suðurnesjamanna hélt akandi af stað á föstudegi í tveimur glæsi-
legum bílum sem bílaleigan MyCar lánaði til að koma keppendum til og
frá mótsstað. Hópurinn kom austur á Reyðarfjörð seint á föstudagskvöldi
eftir skemmtilegt ferðalag.
Mótið byrjaði svo snemma á laugardeginum og var það hið glæsilegasta,
um 40 keppendur frá átta skólum tóku þátt þrátt fyrir að margir kæmust
ekki vegna sauðburðar og ferminga. Krakkarnir af Suðurnesjum nældu sér í
verðlaun í nær öllum aldursflokkum og tveir grunnskólameistaratitlar komu
í hlut Suðurnesjafólks.
Glæsilegur árangur hjá Suðurnesjakrökkunum
Grunnskólameistarar urðu þau Helgi
Þór Guðmundsson úr Stapaskóla,
sem sigraði flokk sjöundu bekkja,
og Mariam Badawy úr Grunnskóla
Sandgerðis, sem sigraði sama ald-
ursflokk en Aðalheiður María úr
Myllubakkaskóla varð í því þriðja.
Lena Andrejenko úr Heiðarskóla
varð önnur í flokki stúlkna í fimmta
bekk og Natalía Chojnacka úr Njarð-
víkurskóla varð þriðja í sama flokki.
David Grajewski úr Njarðvíkurskóla
lenti svo í öðru sæti í flokki drengja
í fimmta bekk.
Sigmundur Þengill úr Stapaskóla
varð annar eftir hörkuúrslitarimmu
um fyrsta sætið í flokki drengja úr
sjötta bekk og í flokki stúlkna í átt-
unda bekk varð Rinesa Sopi úr Akur-
skóla önnur.
Mótið var frábært sem og ferða-
lagið í heild en hópurinn ferðaðist
hringinn í kringum landið og keppti
í mótinu á 37 klukkustundum sem
má telja vel af sér vikið.
Stapaskóli: Grunnskólameistari
drengja í sjöunda bekk og silfur
í flokki drengja í sjötta bekk.
Grunnskóli Sandgerðis: Grunn-
skólameistari stúlkna í sjöunda
bekk.
Njarðvíkurskóli: Silfur í flokki
drengja og stúlkna úr fimmta
bekk.
Myllubakkaskóli: Silfur í flokki
stúlkna úr áttunda bekk og
brons í flokki stúlkna úr sjö-
unda bekk.
Heiðarskóli: Silfur í flokki
stúlkna úr fimmta bekk.
Tveir drengir úr Borðtennisfélagi
Reykjanesbæjar á verðlaunapalli
Íslandsmót unglinga í borðtennis
fór fram um þarsíðustu helgi í
TBR húsinu í Reykjavík. Fimm
drengir kepptu á vegum Borð-
tennisfélags Reykjanesbæjar (BR)
en þetta var í fyrsta skiptið sem
BR á þátttakendur á Íslandsmóti
í borðtennis. Drengirnir stóðu
sig mjög vel en tveir þeirra, Ingi
Rafn William Davíðsson og Dawid
May-Majewski, gerðu sér lítið
fyrir og komust í undanúrslit í ein-
liðaleik hnokka ellefu ára og yngri.
Formaður BR, Piotr Herman, var
mjög ánægður með árangurinn
á mótinu og hvetur áhugasama
borðtennisspilari, unga og aldna,
til að skrá sig í félagið.
Dawid May-Majewski og Ingi
Rafn William lentu saman
í þriðja sæti á Íslandsmóti
unglinga í borðtennis.
Prjónanámskeið
fyrir byrjendur
á Nesvöllum
Prjónanámskeið þar sem kennd verða
undirstöðuatriðin í prjóni. Við ætlum að
læra að fitja upp, prjóna slétt og brugðið,
fella af og önnur praktísk atriði eins og að
velja rétta garnið.
Kennt verður: 25. maí, 27. maí, 31. maí
og 3. júní á milli kl. 10:00 og 12:00
Efnisgjald: 1000 kr
Skráning og upplýsingar: 420-3400
Þessum fallega gæðingi fannst ekkert tiltökumál
að stilla sér upp með hluta vinninga mótsins.
Pepsi Max-deild karla:
Keflavík fékk annan skell
Keflvíkingar léku í fjórðu umferð
Pepsi Max-deildar karla í knatt-
spyrnu síðasta mánudag þegar
þeir tóku á móti sprækum norðan-
mönnum í KA. Það hallaði talsvert
á heimamenn í leiknum og annan
leikinn í röð fékk Keflavík fjögur
mörk á sig.
Lengjudeild karla:
Þór - Grindavík 4:1
Mark Grindavíkur: Josip Zeba (18’).
2. deild karla:
Magni - Njarðvík 2:2
Mörk Njarðv´´íkur: Bergþór Ingi
Smárason (47’) og Magnús Þórir
Matthíasson (80’).
Þróttur - Fjarðab. 1:1
Mark Þróttar: Andy Pew (23’).
Reynir - KF 0:2
3. deild karla:
Víðir - KFS 3:2
Mörk Víðis: Elís Már Gunn-
arsson (17’), Aaron Robert Spear
(49’) og Sigurður Þór Hall-
grímsson (74’) .
Mjólkurbikar kvenna:
Álftanes - Grindavík 0:6
Mörk Grindavíkur: Una Rós Unn-
arsdótir (2), Unnur Stefánsdóttir,
Írena Björk Gestsdóttir, Júlía
Björk Jóhannesdóttir og Bentína
Frímannsdóttir.
kNattSPYrNuSaMaNtEkt
Sindri Kristinn Ólafsson gerði vel þegar hann varði vítaspyrnu KA
undir lok fyrri hálfleiks, hann þurfti hins vegar að sjá fjórum
sinnum á eftir boltanum í netið. VF-mynd: Hilmar Bragi
Pepsi Max-deild kvenna:
Annað jafntefli hjá Keflavík
Keflavík tók á mót Þrótti á
HS Orkuvellinum í þriðju
umferð Pepsi Max-deildar
kvenna í knattspyrnu og lauk
leiknum með 2:2 jafntefli.
Keflavík komst yfir á 10.
mínútu þegar Aerial Chav-
arin skoraði fyrsta mark
Keflvíkinga í deildinni í ár en
þetta var hennar fyrsti leikur.
Þróttur komst yfir í
seinni hálfleik en Keflavík
náði góðri skyndisókn á
66. mínútu og Amalía Rún
Fjeldsted tryggði Keflavík
eitt stig.
Aerial Chavarin skoraði í sínum
fyrsta leik í Pepsi Max-deild
kvenna. VF-mynd: Hilmar Bragi
Marki fyrirliðans, Aaron
Robert Spear, fagnað.
Mynd af Facebook-síðu Víðis
víkurFrÉttir á SuðurNESJuM í 40 ár // 23