Morgunblaðið - 12.02.2021, Page 20

20 MORGUNBLAÐIÐ FÖSTUDAGUR 12. FEBRÚAR 2021
K
jartan leggur ríka áherslu á
að staðna ekki í lífinu og
þótt hann sé mjög sterkur
og þjálfaður í karlorkunni
segir hann að sköpun, nátt-
úran og að vera andlega
þenkjandi hafi sótt á sig að
undanförnu.
Kjartan er kominn yfir fimmtugt en stað-
hæfir að hann sé í betra formi en flestir 25 ára
menn í landinu. Hann segir ástæðuna forvitni
sína og fúsleika til að vera alltaf að læra eitt-
hvað nýtt í lífinu.
„Ég er sífellt að endurskoða hver ég er. Stór
hluti af mínum persónuleika er að læra eitthvað
nýtt. Svo ég er ekki latur og ekki þessi persónu-
leiki sem staðnar með árunum. Ef hugurinn er
þannig, þá fylgir líkaminn hugsuninni um að
halda alltaf áfram og gera örlítið betur.“
Kjartan á eins og margir vita sigra að baki
sem kraftlyftingamaður, í vaxtarrækt, hreysti,
skotfimi, aflraunum og hestamennsku.
Viðtalið er hins vegar um það sem Kjartan
hefur hingað til ekki haft opið á að ræða við
landsmenn; ástina, þroskann og nýfundinn
áhuga á listrænni tjáningu.
„Lífið skiptir máli og hvernig maður lifir því.
Ég vil fækka mistökum í daglega lífinu og tak-
ast á við eitthvað nýtt. Að víkka sjóndeildar-
hringinn í hugsun og fagmennsku; bæði hvað
varðar einkalíf og vinnu.“
Kjartan hefur ferðast víða um heim. Hann
er nýkominn frá Spáni þar sem hann dvaldi í
nokkra mánuði að þjálfa og að mála.
„Mér finnst erfitt að fá eldsneyti á hug-
myndatankinn hér heima. Því leita ég utan í
það. Mér finnst við of takmörkuð hér í hugsun
og í svo mikilli samkeppni og í þannig um-
hverfi þorum við ekki að prófa okkur áfram og
berskjalda okkur. Ég er með 35 ára reynslu í
einkaþjálfun og geri kröfur til mín þar, en það
sem ég hef mikinn áhuga á er að lesa andlega
hlið skjólstæðinga minna og því má segja að ég
sé orðinn meiri lífsþjálfari en einkaþjálfari í
dag.“
Vantar fleiri hvata til að lækna fólk
Kjartan kennir fólki aðferðir sem hann hef-
ur tileinkað sér á eigin lífsferðalagi.
„Ég geri það með því að hrista upp í undir-
meðvitund fólks og stytti því þannig leið í að ná
markmiðum sínum. Mín skoðun er sú að bestu
breytingarnar í lífinu komi innan frá en ekki úr
umhverfinu og til að ná því fram þarf stundum
að nota orð sem hreyfa við hugmyndum fólks.
Ég er á því að breytingar á viðhorfum leiði til
langvarandi breytinga, í staðinn fyrir að fólk
breyti einvörðungu hegðun sinn og þjálfun út
frá einhverju sem gerist í umhverfinu.“
Kjartan er með ákveðnar kenningar um
hvers vegna staðan er eins og hann upplifir
hér. Hann segir veðráttuna og einsleitnina í af-
þreyingu og til æfinga hluta af vandanum.
„Líkamsræktarstöðvarnar eru eins konar
stefnumótastaðir á Íslandi, þar sem fólk mætir
á staðinn sinn, fær sér að borða, æfir og hittir
fólk. Staðirnir hér eru góðir og gjöldin hófleg
miðað við aðstöðuna sem boðið er upp á en það
skortir fjölbreytni. Ég tel að það sé ástæðan
fyrir eltingaleiknum við nágrannann sem er al-
veg ferlega óspennandi; samanburðurinn og að
setja fólk undir sig, sem er nokkuð sem ég vil
forðast. Svo breytumst við í dómara í
kommentakerfunum og keppumst við að
hlaupa upp Esjuna á góðum tíma; í stað þess að
ganga í rólegheitunum, tala við áhugavert fólk
og stinga upp í okkur berjum og einhverju æti-
legu og fallegu úr náttúrunni okkar. Mér finnst
þessi keppni ekki áhugaverð og svo finnst mér
skortur á samtali okkar á milli sem ein-
staklingar en einnig okkar á milli sem sérfræð-
ingar. Sem er ekki gott. Ef einstaklingur slas-
ast sem dæmi, þá fæ ég hann til mín í
styrktarþjálfun þegar hann hefur verið hjá
lækni og sjúkraþjálfara. Þetta er slæm leið að
mínu mati. Því við sérfræðingar þurfum að
mynda heildrænt teymi í kringum viðkomandi
einstakling. Eins finnst mér vanta hvata í heil-
brigðiskerfið til að lækna og útskrifa fólk.“
Mikilvægt að markmiðin séu skýr
Kjartan segir mikilvægt að vinna í fortíðinni
en svo verði fólk einhvern tíma að hætta því og
halda áfram með líf sitt.
„Við hugsum of lítið í lausnum og erum að
gutla í einhverju en ekki með skýra framtíð-
arsýn. Hver eru sem dæmi markmið okkar
sem þjóðar gagnvart heilsunni? Ég er ekki allt-
af viss um að við séum með kerfi sem hefur það
að markmiði að gera fólk heilt að nýju, lækna
það. Mér finnst kerfið okkar virka öfugt.“
Kjartan Guðbrandsson er án
efa einn þekktasti þjálfari landsins.
Hann er einn af þeim sem vilja lifa
það sem þeir kenna og er í stöð-
ugri þróun með sjálfan sig í lífinu.
Hann segir að stundum geti
kreditkort og Range Rover haldið
fólki saman í ástarsambandi, þótt
það hafi aldrei virkað fyrir hann.
Elínrós Líndal | elinros@mbl.is
Morgunblaðið/Árni Sæberg SJÁ SÍÐU 22
Kjartan segir bestu
keppnina vera við okkur
sjálf, en ekki annað fólk.
Kjartan Guðbrandsson er í
betra formi nú að verða 55 ára
en margir aðrir sem eru helm-
ingi yngri að aldri en hann.
Maður þarf að æfa
sig í ástinni rétt eins
og í bekkpressu