Fréttablaðið - 06.08.2021, Qupperneq 1

f r e t t a b l a d i d . i sf r e t t a b l a d i d . i s
1 5 3 . T Ö L U B L A Ð 2 1 . Á R G A N G U R F Ö S T U D A G U R 6 . Á G Ú S T 2 0 2 1
HEKLA · Sími 590 5000 · Laugavegur 170 · www.hekla.is/audisalur
Rafmögnuð nærvera
sem tekið verður eftir
Q4 e-tron Verð frá 5.790.000 kr.
Sýningarbíll lentur á Laugavegi
Veruleg aukning hefur orðið
í sölu sumarhúsa og verðið
rokið upp. Faraldurinn er
líklegasta skýringin enda
hafa Íslendingar ferðast mun
minna erlendis vegna hans.
Fjölmargir eldri borgarar hafa
hætt við að selja sína bústaði.
ser@frettabladid.is
FASTEIGNIR „Það er óhætt að segja að
það hafi orðið sprenging í sölu sum­
arhúsa á þessu og síðasta ári,“ segir
Bárður H. Tryggvason, sölustjóri hjá
fasteignasölunni Gimli.
„Ég er búinn að vera marga áratugi
í þessu fagi og man ekki annað eins,“
bætir hann við. Þessu samsinnir
Heimir Hafsteinn Eðvardsson, fast­
eignasali hjá Fasteignalandi, sem
um árabil hefur sinnt fasteignavið­
skiptum á þessu sviði: „Það er selj­
endamarkaður, alveg klárlega, það
fer allt á yfirverði.“
Aukinn áhuga landsmanna á
því að eignast sumarbústaði má að
miklum hluta rekja til kórónaveiru­
faraldursins sem hefur haldið fólki
heima, en ferðalög Íslendinga um
eigið land hafa af hans sökum stór­
aukist.
„Þar við bætist,“ segir Bárður,
„að raunvextir eru neikvæðir nú
um stundir og fólk lítur á sumar­
húsakaup sem fjárfestingu sem gefi
ágætlega af sér. Það veit að verðið er
á uppleið.“
Heimir Hafsteinn segir að fjölda­
margir sumarbústaðareigendur í
hópi aldraðs fólks hafi hætt við að
selja bústaði sínu í pestarfárinu síð­
asta hálfa annað árið.
„Þar af leiðandi hefur komið
minna inn af eignum en við áttum
von á. Það bara vantar bústaði.“
Bárður er ekki frá því að verðhækk­
un á sumarhúsum frá því á fyrri
hluta síðasta árs sé í námunda við 30
prósent. „Það þótti vel í lagt að kaupa
hefðbundna stærð af bústað fyrir 40
milljónir í fyrra, en núna þykir það
ódýrt.“
Hækkunin kemur á sama tíma og
hækkun íbúðafasteigna en eins og
flestir vita hefur verð þeirra rokið
upp á undanförnum misserum. Sér­
staklega á höfuðborgarsvæðinu og
hefur faraldurinn ekkert dregið úr
þeirri sprengju.
Þeir benda báðir á að verð á frí­
stundahúsum hafi staðið í stað um
árabil, allt þar til pestin setti mönn­
um stólinn fyrir dyrnar.
„Það var mikið framboð á bústöð­
um fyrir pestarfárið, en núna er
bara eftirspurn,“ bendir Bárður á
og nefnir enn eina ástæðuna fyrir
stórauknum áhuga landans á afdrepi
úti í sveit. „Það er betra að kaupa en
byggja. Enn er dýrara að byggja en
kaupa, hvað svo sem síðar verður.“
En hvaða svæði er vinsælast?
„Suðurlandið,“ svarar Heimir Haf­
steinn. „Þar sem þjónustan og frí­
stundamöguleikarnir eru mestir.
Það skiptir flesta miklu máli.“ n
Sölusprenging í
sumarbústöðum
Listamaðurinn Hörður Torfason, stofnandi Samtakanna '78, fagnar því að vera með á dagskrá Hinsegin daga í ár eftir
að hafa fengið skilaboð um að það hafi ekki verið pláss fyrir hann á hátíðinni til þessa. SJÁ SÍÐU 8 FRÉTTABLAÐIÐ/EYÞÓR
gar@frettabladid.is
SKÓLAR „Ég og stjórnin stóðum
saman og ég ákvað bara að standa
og falla með því og sagði starfi mínu
lausu,“ segir Kristín Jónsdóttir Njarð­
vík, forstöðumaður Endurmennt­
unar Háskóla Íslands til 23 ára, sem
sagði upp störfum í lok júní.
Kristín sagði upp í kjölfar ágrein­
ings við mannauðsskrifstofu háskól­
ans um leiðir til að rannsaka meinta
óánægju starfsfólks.
„Ég ákvað í samráði við stjórn að
fara ákveðna leið í því að grennslast
fyrir um þetta enn frekar. Fulltrúar
úr stjórnsýslu innan háskólans
höfðu áhuga á að fara aðra leið,“ segir
Kristín.
Róbert H. Haraldsson, nýr for­
maður stjórnar Endurmenntunar
HÍ, segir að ef athugasemdir berist
varðandi einstakar starfseiningar
skólans séu þær skoðaðar hjá mann­
auðssviði. Eftir atvikum sé gripið til
viðeigandi ráðstafana. SJÁ SÍÐU 4
Forstöðumaður Endurmenntunar HÍ
hættir eftir deilu við mannauðsstjórn
Það þótti vel í lagt að
kaupa hefðbundna
stærð af bústað fyrir
40 milljónir í fyrra, en
núna þykir það ódýrt.
Bárður H. Tryggvason,
sölustjóri hjá Gimli.
Kristín Jónsdóttir
Njarðvík, fyrr-
verandi forstöðu-
maður Endur-
menntunar HÍ.