Fréttablaðið - 21.07.2021, Side 28
Ryotaro Suzuki, sendiherra
Japans, er að verða sann
kölluð samfélagsmiðlastjarna
á Íslandi. Hann er þó ekki
fyrsti sendiherra erlends ríkis
sem vinnur hug og hjörtu
landsmanna. Rússland og
Bandaríkin hafa til dæmis átt
hér vinsæla sendiherra sem
stimpluðu sig hressilega inn.
toti@frettabladid.is
Japanski sendiherrann Ryotaro
Suzuki tók við stöðu sinni á Íslandi
fyrir rétt rúmum mánuði og er í
krafti glaðlegra og einlægra Twitt
erfærsla nú þegar orðinn einhver
þekktasti sendiherra erlends ríkis
hér á landi.
Hann er hins vegar ekki fyrsti
sendiherrann sem fangar athygli og
huga fjölmargra Íslendinga með því
að koma til dyranna eins og hann
er klæddur og sýna raunverulegan
áhuga á landi og þjóð.
Þannig gerðu sendifulltrúar Rúss
lands og Bandaríkjanna, þeir Júrí
Aleksandrovitsj Reshetov og Luis
E. Arreaga, báðir mikla lukku en
líklega er ekki á neinn hallað þótt
Júrí teljist fremstur meðal jafningja
í þessum efnum en hann hélt sterku
sambandi við Ísland og Íslendinga
til dauðadags. n
Sendiherrarnir
í sviðsljósinu
Júrí átti hug og hjörtu fjölmargra Íslendinga og sagðist í viðtali við DV
stundum líta á sig sem hálfgerðan Íslending. MYND/DV
Starfsfólk bandaríska sendiráðsins brá á leik með Luis Arreaga í broddi
fylkingar og vildi ná sambandi við íslenska uppvakninga. FRÉTTABLAÐIÐ/STEFÁN
Suzuki Ryotaro er nýjasta stjarnan í erlendri utanríkisþjónustu.
FRÉTTABLAÐIÐ/ERNIR
Luis E. Arreaga.
Hinir ósáttu
Lífsháski á Íslandi
Jeffrey Ross Gunter, sendi-
herra Bandaríkjanna á Íslandi,
lét af störfum í janúar á þessu
ári og var orðinn heldur
umdeildur áður en hann
lauk störfum. Ekki síst fyrir
fréttir af því að hann vildi fá
vopnaðan lífvörð þar sem
hann taldi sig í lífshættu hér
á landi.
Þá sagði fréttastöðin CBS
sendiherrann ofsóknar-
brjálaðan og að hann væri
sannfærður um að fjöldi
starfsfólks sendiráðsins á Ís-
landi væri hluti af djúpríkinu
svokallaða.
Donald Trump skipaði
Gunter í embættið í júlí
2019 en hann er menntaður
húðsjúkdómafræðingur og
skurðlæknir og hafði stutt
framboð forsetans fjárhags-
lega. Sendiherrann þakkaði
síðan forsetanum fyrir „ótrú-
legt tækifæri“ í kveðjuávarpi
á Facebook-síðu sendi-
ráðsins.
CBS hélt því hins vegar
einnig fram að Gunter hefði
einhverju sinni þvertekið
fyrir að snúa aftur til Íslands
eftir frí í Kaliforníu þannig
að Mike Pompeo, þáverandi
utanríkisráðherra Banda-
ríkjanna, hefði endað með að
skipa honum að snúa aftur til
starfa.
Fýla út í fjölmiðla
Gerard Pokruszyński, sendi-
herra Póllands á Íslandi,
hefur ekki síst vakið athygli
hér á landi fyrir núning við
fjölmiðla. Hann sendi meðal
annars skrifstofum for-
seta og forsætisráðherra
kvörtunarbréf vegna fréttar
Stundarinnar um sjálfstæðis-
gönguna í Varsjá í nóvember
2018 og krafðist þess að
miðillinn bæði þjóð hans
afsökunar á því að hafa spyrt
föðurlandsást við fasisma og
nasisma.
Fréttablaðið og Stundin
fengu síðan bágt fyrir hjá
sendiherranum í kjölfar
frétta um að hann hefði farið
fram á að lögregla fjarlægði
borða með áletruninni:
„Herra sendiherra, pólskar
konur eru í hættu. Hvar ert
þú?“ sem nágrannakona hans
hafði sett upp fyrir framan
sendiherrabústaðinn. Fjöl-
miðlana sagði hann éta gagn-
rýnislaust upp lygar pólskra
aðgerðasinna hér á landi.
Gleðiganga uppvakninganna
Barack Obama Bandaríkjaforseti
skipaði Luis E. Arreaga sendiherra
Bandaríkjanna á Íslandi 2010 og
hann gegndi embættinu til 2013
og kvaddi með hjartnæmri kveðju
á bloggsíðu sinni enda enginn
Twitter kominn til sögunnar þá.
Sendiherrann reifaði sterk
vináttutengsl Bandaríkjanna og
Íslands og sagðist hafa orðið fyrir
flóðbylgju minninga um þrjú ein-
stök ár á Íslandi þegar hann hélt til
Keflavíkur á leið sinni frá landinu
og úr embætti.
Íslendingum lýsti hann sem
göfugri þjóð sem hafi verið for-
réttindi að fá að kynnast og þakk-
aði Íslendingum fyrir að hafa leyft
sér að kynnast hinni einstöku
íslensku þjóðarsál.
Arreaga er doktor í hagfræði
og kom hingað hokinn af reynslu
úr utanríkisþjónustunni þar sem
hann hafði meðal annars starfað í
sendiráðum Bandaríkjanna í Pan-
ama, Kanada og á Spáni auk starfa
í Perú, El Salvador og Hondúras.
Arreaga tók nokkuð virkan þátt
í íslensku þjóðlífi og tók til dæmis
þátt í gleðigöngu Hinsegin daga í
Reykjavík öll þrjú árin og mörgum
er minnisstætt þegar hann fór
fyrir hópi uppvakninga á Hlemmi í
ársbyrjun 2013.
Twitter-stjarnan í hópnum
Ryotaro Suzuki er nýr sendiherra
Japans á Íslandi og er þegar orðinn
aðalstjarnan á diplómatahimn-
inum yfir Íslandi sem er áttunda
staða hans á erlendri grundu eftir
um 40 ár í japönsku utanríkis-
þjónustunni.
Segja má að með sínum fyrstu
skrefum í embætti feti hann svip-
aða slóð og Júrí heitinn. Hann er
þegar byrjaður að læra íslensku og
í vinsælum Twitter-færslum sýnir
hann svo ekki verður um villst að
hann er í meira lagi áhugasamur
um land og þjóð. Þótt Suzuki sé
nýkominn vonast hann til þess
að fá að gegna embætti hér sem
lengst. „Allir diplómatar verða
auðvitað að koma og fara. Sendi-
herra Bretlands, sem er að vísu á
förum í ágúst, var hérna í fimm ár.
Ef ég gæti verið hérna í fimm ár
yrði ég mjög ánægður. Ef ég næ því
get ég líka farið að tala íslensku í
viðtölum,“ sagði Ryotaro Suzuki
nýlega í viðtali við Fréttablaðið.
Júrí úr neðra
Júrí Reshetov var blaðafulltrúi við
sendiráð Sovétríkjanna á Íslandi
1964-1966 og kom aftur hingað til
starfa 1992 og þá sem sendiherra
Rússlands og gegndi starfinu til
ársins 1998.
Það segir sína sögu um vin-
sældir Júrí á Íslandi að hann var
sæmdur stórriddarakrossi Hinnar
íslensku fálkaorðu og var heiðurs-
félagi í MÍR, Menningartengslum
Íslands og Rússlands, og árið 1996
komu endurminningar hans út í
bókinni Júrí úr neðra, sem hann
skráði með Eyvindi Erlendssyni.
„Sendiherra Rússa á Íslandi
kemur ekki fyrir sjónir eins og
við ímyndum okkur dæmigerðan
diplomat. Miklu fremur minnir
hann á fastmæltan íslenskan
bónda, dálítið svona vinnulegan
og veðurbarinn, einbeittan á svip,
gætinn í orðum. Þeirra hluta vegna
gæti hann allt eins verið hrepp-
stjóri norður í Húnavatnssýslu.“
Þessi lýsing Erlendar Jónssonar
á sendiherranum í umfjöllun um
bókina í Morgunblaðinu gefur
býsna skýra mynd af því hvernig
Júrí birtist Íslendingum.
Þá hafði hann íslenskuna full-
komlega á valdi sínu en slíkt er
alltaf fallið til vinsælda hér á
landi. Auk þess sem hann sýndi
íslenskum þjóðmálum og menn-
ingu mikinn og einlægan áhuga og
á síðustu árum sínum vann hann
að þýðingum verka íslenskra höf-
unda á rússnesku.
Júrí lést á 68. aldursári 6. maí
2003 og Ívar H. Jónsson, félagi
hans í MÍR, kvaddi hann meðal
annars með þessum orðum í
minningargrein í Morgunblaðinu:
„Hann eignaðist marga kunn-
ingja og vini á Íslandi, enda maður
skemmtilegur og spaugsamur,
laus við alla fordild og óþarfa
formfestu, alþýðlegur í besta lagi
og óhræddur við að tileinka sér
þjóðlega íslenska siði. Af þessum
sökum naut hann vinsælda meðal
almennings en var jafnframt
virtur vel af þeim sem áttu við
hann samskipti í embættisnafni.“
Júrí lýsti sér sjálfur sem hálf-
gerðum Íslendingi í viðtali við DV
1996 í tilefni af útkomu bókar-
innar Júrí í neðra. „Þegar mér líður
ekki vel heima þá fer ég út í bæ
og þá kemur fólk og byrjar að tala
við mig. Íslendingar hafa skiptar
skoðanir um Rússland og ég er
sannfærður um að Rússagrýlan er
ekki dauð. Ég sagði einu sinni að
mér hefði að minnsta kosti ekki
verið boðið að vera við útförina.
En Íslendingar hafa aldrei brugðist
mér. Þeir hafa alltaf verið vingjarn-
legir og þegar ég fer í sund kemur
fólk og spjallar. Þá lít ég á sjálfan
mig sem hálfgerðan Íslending.“
Þegar ég fer í sund
kemur fólk og spjallar.
Þá lít ég á sjálfan mig
sem hálfgerðan Íslend-
ing.
Ef ég gæti verið hérna í
fimm ár yrði ég mjög
ánægður.
24 Lífið 21. júlí 2021 MIÐVIKUDAGURFRÉTTABLAÐIÐLÍFIÐ FRÉTTABLAÐIÐ 21. júlí 2021 MIÐVIKUDAGUR