Fréttablaðið - 10.07.2021, Blaðsíða 16

0
Aldrei hefur lið unnið
tvær vítaspyrnukeppn­
ir á sama Evrópumóti.
Ítalir lögðu Spánverja
í vítakeppni í undan­
úrslitaleiknum.
2
Harry Kane vantar
tvö mörk til að vinna
gullskóinn. Takist
honum það verður
hann annar maðurinn
í sögunni á eftir Gerd
Müller til að vinna
gullskóinn á tveimur
stórmótum í röð.
10
Þetta er tíundi úrslita­
leikur karlaliðs Ítala á
stórmóti. Sex úrslita­
leikir á HM hafa skilað
fjórum titlum en þrír
úrslitaleikir á EM hafa
fært Ítölum einn titil.
5
Ítalir hafa ekki tapað
fyrir Englendingum í
síðustu fimm keppnis­
leikjum. Fara þarf
aftur til ársins 1977 til
að finna síðasta sigur
Englendinga á Ítölum í
keppnisleik.
16 Íþróttir 10. júlí 2021 LAUGARDAGURÍÞRÓTTIR FRÉTTABLAÐIÐ 10. júlí 2021 LAUGARDAGUR
kristinnpall@frettabladid.is
ÓLYMPÍULEIKAR Spretthlauparinn
Allyson Felix heldur áfram að ryðja
veginn fyrir komandi kynslóðir
íþróttakvenna, en hún var, í sam­
starfi við íþróttavörumerki Athleta,
að setja á laggirnar sérstakan sjóð
fyrir íþróttakonur sem eru um leið
mæður. Búið er að úthluta styrkjum
til níu kvenna, þar af sex Ólympíu­
fara sem fá tíu þúsund dali hver, eða
um 1,2 milljónir íslenskra króna. Þá
er búið að opna fyrir umsóknarferli
í næstu úthlutun sem verður til­
kynnt í október.
„Þetta er frábært skref fram á
við og í takt við það sem hún hefur
verið að gera. Það hefur ótrúlega
margt breyst á stuttum tíma frá því
að hún steig fram og sagði frá því
hvernig Nike fór fram í samninga­
viðræðum við hana og hvernig hún
var hvött til þess að fela óléttuna. Þá
stigu fleiri konur fram og lýstu sömu
tilfinningu, að þetta væri mjög við­
kvæmt,“ segir Ásdís Hjálmsdóttir,
formaður íþróttamannanefndar ÍSÍ
og fyrrum spjótkastari, aðspurð út í
nýjasta verkefni Felix.
Felix er sigursælasta íþróttakona
heims í frjálsum íþróttum eftir að
hafa unnið til sex gullverðlauna á
Ólympíuleikunum og þrettán gull­
verðlauna á heimsmeistaramótinu
í frjálsum íþróttum utanhúss. Hún
mun keppa á Ólympíuleikunum í
Tókýó sem verða hennar fimmtu
Ólympíuleikar og um leið þeir síð­
ustu. Hún gaf það út eftir að hafa
tryggt sér þátttökurétt í Tókýó að
þetta yrðu hennar síðustu Ólympíu­
leikar. Frægt er þegar Felix greindi
frá því í samtali við New York Times
árið 2019 að hún hefði ákveðið að
slíta samstarfinu við Nike vegna
viðhorfs fyrirtækisins til íþrótta­
kvenna sem hafa hug á barneignum.
Þá var hún búin að vera eitt af helstu
andlitum fyrirtækisins í frjálsum
íþróttum í tæplega tvo áratugi, en
samningstilboð Nike var aðeins
brot af því sem hún hafði áður
fengið. Nike breytti síðar áherslum
sínum þegar kemur að barnsburði
kvenna, en Felix samdi frekar við
Athleta, íþróttavörufyrirtæki GAP.
„Þetta getur verið erfitt val fyrir
íþróttakonur. Ég tók sjálf ákvörð­
un um að bíða þar til eftir ferilinn
með barneignir, en það er margt
sem þarf að huga að þegar kemur
að þessari ákvörðun. Það er endur­
hæfingarferlið sem er mismunandi
milli kvenna til viðbótar við fjár­
hagslegu hliðina sem er verið að
vinna í að bæta.“ n
Stofnar sjóð fyrir afreksíþróttakonur
sem eru um leið nýbakaðar mæður
Allyson Felix
ásamt Camryn,
dóttur sinni,
á úrtökumóti
Bandaríkjanna
fyrir Ólympíu-
leikana. FRÉTTA-
BLAÐIÐ/GETTY
kristinnpall@frettabladid.is
FÓTBOLTI Landsliðsmiðvörðurinn
Glódís Perla Viggósdóttir skrifaði í
gær undir þriggja ára samning við
þýska stórveldið Bayern München.
Glódís kemur til Bayern frá Rosen­
gård í Svíþjóð og verður annar Íslend­
ingurinn í leikmannahópi Bayern,
ásamt Karólínu Leu Vilhjálmsdóttur.
Glódís, sem fagnaði 26 ára afmæli
sínu í síðasta mánuði, hefur leikið
undanfarin sex ár í Svíþjóð, fyrst
með Eskilstuna og síðar Rosengård.
Með Rosengård varð Glódís sænskur
meistari árið 2019 og mætti Bayern í
Meistaradeild Evrópu í vor. n
Glódís samdi við
þýsku meistarana
Glódís nálgast hundrað leiki fyrir
Íslands hönd. FRÉTTABLAÐIÐ/GETTY
kristinnpall@frettabladid.is
FÓTBOLTI Lionel Messi fær í fjórða
sinn tækifæri til að vinna  Copa
America aðfaranótt sunnudags
þegar Argentínumenn mæta Bras­
ilíumönnum í úrslitum. Með sigri
jafnar Argentína met Úrúgvæ yfir
flesta titla í sögu keppninnar.
Síðan Messi var hluti af gullliði
Argentínu á Ólympíuleikunum árið
2008 hefur hann leikið til úrslita
fimm sinnum, fjórum sinnum á
Copa America og einu sinni á HM,
án þess að vinna titil. n
Messi gerir fjórðu
atlöguna að gulli Úrslitaleikur Evrópumótsins í fótbolta fer fram á Wembley
í dag, þar sem tvær knatt­
spyrnuþjóðir reyna að binda
enda á langa bið. Englending­
ar hafa beðið í 55 ár frá síðasta
titli og Ítalir í 53 ár frá síðasta
Evrópumeistaratitli.
kristinnpall@frettabladid.is
FÓTBOLTI Eftir áralanga bið geta Eng­
lendingar loks látið sig dreyma um
að landslið þeirra vinni eitt af stór­
mótunum tveimur, en í þeirra vegi
standa Ítalir sem hafa beðið næstum
því jafn lengi eftir öðrum Evrópu­
meistaratitli landsins. Þar leiða
Gareth Southgate og Roberto Man­
cini saman hesta sína fyrir framan
sextíu þúsund Englendinga, en von
er á að íbúar þjóðanna verði límdir
við skjáinn enda fótboltahefðin rík í
báðum löndum. Það er því viðeigandi
að Björn Kuipers, einn besti dómari
álfunnar, verði á flautunni og sjái til
þess að allt fari fram eftir bókinni.
Mikið hefur verið ritað og rætt um
þetta enska lið, sem var ekkert að
blása til neinnar flugeldasýningar
framan af móti, en í undanförnum
leikjum hefur liðið leikið betur og
betur. Á sama tíma varð öflugur
varnarleikur í fyrstu tveimur leikj­
unum enn betri með komu Harry
Maguire, sem hefur stýrt vörn enska
liðsins eins og herforingi og er um
leið ógn á hinum enda vallarins. Á
sóknarlínunni hefur Harry Kane
komist betur inn í leik liðsins og
vantar aðeins tvö mörk til að hirða
gullskóinn, annað stórmótið í röð.
Með því yrði hann fyrsti Englend­
ingurinn til að vinna gullskóinn á
báðum stórmótunum sem standa til
boða í karlaflokki.
Þótt Ítalir séu ekki með besta
varnarlið mótsins til þessa, geta þeir
verið stoltir af frammistöðu varnar­
línu liðsins á mótinu, enda hafa
Ítalir aðeins fengið á sig tvö mörk í
venjulegum leiktíma og þrjú heilt
yfir á mótinu. Á sama tíma hefur
fjölbreytilegur sóknarleikur liðsins
gengið afskaplega vel, sem sést ber­
sýnilega á því að Ítalir hafa skorað að
meðaltali tvö mörk í leik. n
Ítalir reyna að temja ljónin 
Kane er 90 mínútum frá því að taka á móti bikar sem fyrirliði Englands eftir 55 ára bið. FRÉTTABLAÐIÐ/GETTY