Morgunblaðið - 03.04.2021, Blaðsíða 34

34 MENNING
MORGUNBLAÐIÐ LAUGARDAGUR 3. APRÍL 2021
Fallegar vörur
fyrir heimilið
Sendum
um
land
allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Nýja Tokyo línan
komin í sýningasal
Helgi Snær Sigurðsson
helgisnaer@mbl.is
Leikararnir og vinirnir Víkingur
Kristjánsson og Ólafur Darri
Ólafsson leika vini sem fara saman
í ferðalag um Vestfirði í nýjum
sjónvarpsþáttum, Vegferð, sem
sýndir verða um páskana á Stöð 2
og sá fyrsti á morgun, páskadag.
Víkingur og Ólafur Darri hafa
verið vinir lengi vel og í þáttunum
leika þeir sjálfa sig ... en þó ekki.
Öllu heldur bjagaðar, öðruvísi og
ýktari útgáfur af sjálfum sér. Vík-
ingur skrifaði handrit þáttanna,
eftir hugmynd þeirra félaga og
Baldvin Z leikstýrði. Fóru tökur
fram síðasta sumar á Vestfjörðum.
Stikla fyrir þættina hefur nú verið
birt á netinu og gefur hún nokkuð
góða mynd af því á hverju er von,
gamandrama þar sem ýmislegt
óvænt kemur upp á og reynir
hressilega á samband vinanna.
Mannlegir leikarar
Víkingur er spurður að því
hvort þeir Ólafur Darri séu að
gera grín að sjálfum sér. „Við er-
um náttúrlega að því og mjög mik-
ið en með því að gera útgáfur af
okkur sjálfum sem við viljum forð-
ast í lengstu lög að verða,“ svarar
Víkingur. „Um leið eru þetta alls
ekkert við en þessar útgáfur af
okkur eru samt mjög mannlegar
og pottþétt eitthvað í þeim sem
má finna í okkur. Það eru ákveðin
atriði í þáttunum sem fjarlægja
þessar útgáfur frá okkur og um
leið og fólk sér það áttar það sig á
því að þetta er ekki alveg sönn
lýsing.“
–Hver er sagan, í stuttu máli?
„Þetta er saga um tvo nána vini
sem hafa svolítið farið hvor í sína
áttina í lífinu. Öðrum hefur farn-
ast mjög vel en hinum ekki eins
vel og þeir hafa bundist mjög
sterkum vinaböndum. Þeir fara
saman í ferðalag vestur á firði til
að herða þessi vinabönd og það fer
allt í handaskolum hjá þeim,“
svarar Víkingur.
–Eru þá gömul mál líka gerð
upp í ferðinni?
„Já, þetta reynir á og er í raun-
inni sería um vináttu og um tvo
miðaldra hvíta karlmenn í okkar
samtíma. Hvað má segja og hvað
má ekki segja, kynjajafnrétti og
annað kemur við sögu, við erum
að taka á ýmsum málum og svo er
þetta í grunninn um þessa vináttu,
hversu sterk hún er og hvað mað-
ur þarf að ganga langt fyrir vini
sína,“ svarar Víkingur.
Hann er í framhaldi spurður
hvort þeir Darri séu líka leikarar í
þáttunum, þ.e. þær útgáfur af
þeim sem þættirnir snúast um.
„Já, já, við erum leikarar og við
göngumst við hlutum sem við höf-
um leikið í í alvörunni en Darri er
t.d. í þáttunum búinn að ná mjög
langt og býr í villu með eiginkonu
sinni og mörgum börnum, miklu
fleiri börnum en hann á í raun-
veruleikanum.“
Kóngurinn Ólafur Darri
–Ég sá í stiklunni að það eru
nokkur rifrildi á þessu ferðlagi og
þú hrópar í einu atriði á Darra að
hann sé „auðvitað kóngurinn“. Er
Darri með mikilmennskubrjálæði í
þáttunum?
„Hann er náttúrulega búinn að
ganga svolítið í þetta hlutverk að
vera frægi leikarinn sem allir
elska, dýrka og dá. Og það getur
verið svolítið erfitt að komast
klakklaust frá svoleiðis lífi og eiga
svo vin sem þarf á honum að halda
og finnst rosa gott að eiga vin sem
er kóngurinn,“ segir Víkingur
glettinn.
–Þetta er ekki vegamynd heldur
vegaþættir, er það ekki rétt skil-
greining á þessari tegund þátta?
„Jú, það má eiginlega segja það.
Við förum í nokkurra daga ferð og
tökum hringinn í kringum Vest-
firði. Ég er náttúrlega að vestan
og markmiðið að sýna Darra alla
fegurðina og allt það stórkostlega
sem þar er að finna. En svo fer
þetta aðeins öðruvísi en til stóð.“
–Og vænn skammtur af hörm-
ungum, býst ég við?
„Já, gott dass af þeim. Á tíma-
bili má segja að við séum heppnir
að sleppa lifandi, oftar en einu
sinni er þetta spurning um það.“
Afar stoltur af seríunni
Tökur á þáttunum stóðu yfir í
fimm eða sex vikur, að sögn Vík-
ings, og var unnið hratt. „Baldvin
er svo svakalega skipulagður og
vel undirbúinn að það var allt á
tæru alveg frá fyrsta degi,“ segir
Víkingur um leikstjórann. Þeir
Darri hafa báðir leikið fyrir hann
áður, léku í hinni margverðlaun-
uðu kvikmynd Lof mér að falla.
„En ég hef aldrei unnið svona
mikið með honum og það var í
raun blessun fyrir þessa seríu að
Baldvin tók hana að sér af því
hann gerði hana að því sem hún
er. Ég er ofboðslega stoltur af
henni og Baldvin á mjög stóran
þátt í því. Hann er bara pinku
snillingur,“ segir Víkingur.
Það var mikið fjör að taka þætt-
ina upp, eins og heyra má af lýs-
ingum Víkings. „Ég get sagt þér
það að það gerðist nokkrum sinn-
um í fyrrasumar, þegar við vorum
fyrir vestan, að ég þurfti að klípa
mig í handlegginn til að vera viss
um að mig væri ekki að dreyma
því það var svo gaman. Það var
svo góð stemning, maður var að
gera eitthvað sem maður hafði bú-
ið til sjálfur og allt umhverfi og
umgjörð var nákvæmlega eins og
ég hafði hugsað mér. Ég segi það
blákalt að þetta er eitt af því al-
skemmtilegasta sem ég hef gert á
ævinni, algjörlega stórkostlegt og
allir ofboðslega sáttir,“ segir hann.
–Er möguleiki á framhaldsseríu
ef þessari verður vel tekið?
„Við erum alla vega að vona
það. Við þrír; ég, Darri og Baddi,
erum allir til í meira og ég er al-
veg farinn að búa mig undir þau
skrif. Ég vona bara það besta.“
Uppnám Ólafur Darri Ólafsson og Víkingur Kristjánsson í Vegferð. Eins og sjá má gengur á ýmsu á ferðalagi vina.
Óæskilegar en mannlegar útgáfur
- Leikararnir Ólafur Darri Ólafsson og Víkingur Kristjánsson fara í ferðlag um Vestfirði í þáttunum
Vegferð - „Eitt af því alskemmtilegasta sem ég hef gert,“ segir Víkingur sem skrifaði handritið
Einar Már Guðmundsson vinnur nú
að nýrri skáldsögu sem stendur til
að gefa út í haust. Í samtali við Árna
Matthíasson í viðtalsþættinum Dag-
málum, sem ætlaður er áskrifendum
Morgunblaðsins, segist hann vera
með í smíðum nokkar bækur sem
hann segir nokkurs konar sögulegar
skáldsögur.
„Sumar síðustu sögurnar mínar,
eins og Hundadagar og Íslenskir
kóngar, eru svona hálft í hvoru sögu-
legar skáldsögur þar sem ég nota
mér sagnfræðina, en bý líka til rödd
sem er í núinu, sem getur komment-
erað, haft skoðanir á sögunni. Núna
hef ég mjög mikinn áhuga á svip-
uðum tíma og er í Hundadögum,
upphafi nítjándu aldar og endalok-
um 18. aldar. Þetta er tíminn eftir
Skaftáreldana og allar þær afleið-
ingar sem menn sjá núna, að það
varð kaldara í heiminum og að því
leyti hægt að tengja þetta við
frönsku byltinguna og fleira og svo
náttúrlega fylgdu tímarnir á eftir,
svona fátækt og kuldi, en samt fór
nú samfélagið á vissan hátt að rétta
úr kútnum.
Í byrjun nítjándu aldar verður
þetta tímabil sem kallað er glæpa-
öldin, sem er
mjög áhugavert,
ekki síst vegna
þess að margir
þeir sem urðu
glæpamenn og
fengu oft þunga
dóma, og frömdu
líka mikla glæpi,
voru í raun og
veru menn sem
við önnur skilyrði
hefðu orðið menntamenn og borg-
arar. Það var að mótast það sem við
getum kallað borgaralegt þjóðfélag
en það var enn ekki pláss fyrir það.
Þetta skapar ansi áhugaverðar per-
sónur og sögur og það merkilega við
þetta er að þetta kemur upp á miklu
fleiri stöðum í heiminum.“
Þátturinn er aðgengilegur á
mbl.is og á slóðinni https://mbl.is/
dagmal.
Borgaralegt þjóð-
félag verður til
- Einar Már Guðmundsson er með
flokk sögulegra skáldsagna í smíðum
Einar Már
Guðmundsson