Morgunblaðið - 06.04.2021, Qupperneq 8

Fjallamenn Sigurður Bjarni og
Heimir Fannar leggja á brattann.
Heimir Fannar Hallgrímsson og
Sigurður Bjarni Sveinsson, sem
stefna á topp Everest, hæsta fjalls
heims, voru í gær í þorpinu Namche
Bazar í Khumbu-dalnum í Nepal.
Þar dveljast þeir í 3.450 metra hæð,
og eru í aðlögun að loftslagi og öðr-
um aðstæðum. Slíkt er nauðsynlegt
áður en farið er í grunnbúðir og það-
an á toppinn sem er 8.849 metra hár.
Eftir margra mánaða undirbúning
lögðu Íslendingarnir tveir af stað 19.
mars sl. og ferðin til Nepal gekk að
óskum. Áætlun félaganna var að ná í
grunnbúðir um páskana, sem tefst
þó aðeins. Áfram stendur þó upphaf-
lega markmiðið sem er að komast
24. maí á tind Everest.
„Við horfðum yfir á Everest í dag
og það vakti tilhlökkun og stemn-
ingu hjá okkur. Það hjálpar einnig til
að hafa hitt frábæran hóp nepalskra
klifrara sem verða á Everest og
sýna okkur mikinn stuðning,“ segir í
tölvpósti sem Morgunblaðið fékk frá
þeim félögum.
Hægt er að fylgjast með leiðangri
þeirra Sigurðar Bjarna og Heimis á
Instagram-síðu Umhyggju, @um-
hyggja.is og eins á Facebook-síðunni
Með Umhyggju á Everest. Áheit á
þá félaga vegna leiðangursins renna
til Umhyggju – félags langveikra
barna. sbs@mbl.is
Ætla að verða á toppi Everest 24. maí
- Íslendingar á faraldsfæti - Hæsta
fjall heims - Nálgast grunnbúðirnar
8 FRÉTTIRInnlent
MORGUNBLAÐIÐ ÞRIÐJUDAGUR 6. APRÍL 2021
Það tók siðanefnd Ríkisútvarps-ins sjö mánuði að úrskurða um
brot Helga Seljan og tíu annarra
starfsmanna stofnunarinnar. Siða-
nefndin taldi að þessir tíu hefðu
verið innan marka, þó að engum
þurfi að dyljast afstaða þeirra til
Samherja, sem var
kærandi. Helgi var
hins vegar talinn
hafa brotið alvar-
lega af sér. Málinu
var þó stillt þannig
upp að brotið hefði
ekki verið hluti af
starfinu, heldur ver-
ið framið á öðrum
vettvangi, eins og
fram kom í yfirlýs-
ingu Rakelar Þor-
bergsdóttur, frétta-
stjóra Rúv. Helgi
yrði því ekki
áminntur og gæti
haldið áfram um-
fjöllun sinni um Samherja.
- - -
Fyrir rúmum fimmtán árumfjallaði annar fréttamaður hjá
Rúv. um mál sem þá hafði verið
töluvert í umræðunni, Baugsmálið
svokallaða. Umfjöllun hans var líka
á öðrum vettvangi en hjá Rúv. rétt
eins og umfjöllun Helga.
- - -
Munurinn er þó sá að þessistarfsmaður fékk áminningu
og fékk ekki að vinna við fréttir, í
bili eins og sagt var. Þáverandi for-
stöðumaður fréttasviðsins og þá-
verandi fréttastjóri töldu starfs-
manninn með skrifum sínum hafa
sýnt „slíkt dómgreindarleysi að við
treystum honum ekki lengur til að
vinna við fréttir í Ríkisútvarpinu.“
- - -
Fréttastjórinn nú hafði ekkertvið dómgreindarleysi Helga
að athuga og í stað afsökunarbeiðni
sakaði hún Samherja um árásir á
starfsmanninn! Hvað veldur þess-
um ólíku viðbrögðum Rúv. þá og
nú? Er það ólík afstaða til fyrir-
tækjanna tveggja? Eða er það ólík
pólitísk afstaða starfsmannanna?
Helgi Seljan
Ólík afstaða Rúv.
STAKSTEINAR
Rakel
Þorbergsdóttir
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Páll Magnússon, þingmaður Sjálf-
stæðisflokksins í Suðurkjördæmi,
gefur ekki kost á sér til endurkjörs í
alþingiskosningum í haust. Hann hef-
ur þá setið á Alþingi í um fimm ár,
eða frá kosningum í október 2016.
Páll greindi frá þessari ákvörðun
sinni í færslu á Facebook á páskadag
og sagði þá að hvað hann varðaði
hefði niðurstaðan legið fyrir um síð-
astliðin áramót. Hann hefði þó beðið
með að tilkynna endanlega ákvörðun
sína í nokkra mánuði ef afstaða hans
skyldi breytast. Slíkt hefði ekki gerst.
Meginmálið hvað stjórnmálin og
þingmennskuna áhrærði væri að
áhugi hans hefði dofnað og neistinn
kulnað. Ákvörðun hans um að hætta í
stjórnmálum að loknu líðandi kjör-
tímabili væri því í raun persónulegs
eðlis.
Prófkjör Sjálfstæðisflokksins í
Suðurkjördæmi fer fram 29. maí nk.
Bæði Guðrún Hafsteinsdóttir, mark-
aðsstjóri Kjöríss í Hveragerði, og Vil-
hjálmur Árnason alþingismaður
sækjast eftir oddvitasætinu.
Um páskana var tilkynnt að Guð-
brandur Einarsson, forseti bæjar-
stjórnar Reykjanesbæjar, muni leiða
framboðslista Viðreisnar í Suður-
kjördæmi í kosningum haustsins.
„Ég vil vinna að breytingum sem
leiða til jafnræðis, aukins frelsis og
meiri virðingar fyrir fjölbreytni
mannlífsins,“ er haft eftir Guðbrandi
í tilkynningu. Hann hefur sinnt ýms-
um störfum um dagana; meðal ann-
ars verið formaður og framkvæmda-
stjóri Verslunarmannafélags
Suðurnesja, verslunarstjóri Kaskó í
Keflavík, staðið að fjölmiðlarekstri og
fleira. Hann hefur um árabil verið
bæjarfulltrúi í Reykjanesbæ. Hann
hefur einnig sinnt ýmsum trúnaðar-
störfum fyrir verkalýðshreyfinguna.
- Uppstillingarnefnd Viðreisnar í
Suðurkjördæmi er enn að störfum og
verður framboðslistinn í heild sinni
kynntur á síðari stigum. sbs@mbl.is
Páll gefur ekki
kost á sér aftur
- Guðbrandur leiðir Viðreisn í Suður
Páll
Magnússon
Guðbrandur
Einarsson