Morgunblaðið - 06.04.2021, Síða 11

FRÉTTIR 11Innlent
MORGUNBLAÐIÐ ÞRIÐJUDAGUR 6. APRÍL 2021
ENGINN
ÐBÆTTUR SYKUR
ENGIN
ROTVARNAREFNI
85%
TÓMATPÚRRA
VI
Hjallahrauni 13 Hafnarfirði
simi 5553955.
Engar
tímapantanir bara
mæta.
Sigtryggur Sigtryggsson
sisi@mbl.is
ASK Arkitektar ehf. Geirsgötu 9
hafa lagt inn umsókn til
Reykjavíkurborgar um að fá að reisa
nýbyggingu á lóðinni sem verði í
anda gömlu grænu verbúðanna við
Geirsgötu/Suðurbugt. Verkefnis-
stjóri skipulagsfulltrúa fékk umsókn-
ina til meðferðar. Faxaflóahafnir
eiga umræddar verbúðir og tóku já-
kvætt í fyrirspurnina á fundi í febr-
úar s.l.
Ef erindið verður samþykkt kallar
það á skipulagsbreytingar á svæðinu,
þ.e. deiliskipulagi Slippa- og Elling-
senreita.
Fyrir er á lóðinni Geirsgata 9,
steinsteypt hús, Hafnarbúðir, sem
tekið var í notkun 1962. Upphaflega
var þar aðstaða fyrir hafnarverka-
menn en nú eru þar
hvalaskoðunarfyrirtæki, veitingahús
og arkitektastofa. Húsið er skráð
1.319 fermetrar en nýbygging á lóð-
inni, með kjallara, verður um 1.100
fermetrar. Þar af verður 590 fer-
metra veitinga-, verslunar- og skrif-
stofuhús, þ.e. verbúðin nýja.
Í umsögn Hildar Gunnlaugsdóttur,
skipulagsfulltrúa Faxaflóahafna,
kemur fram að tillaga ASK Arkitekta
gangi út á það að skipuleggja fjórðu
verbúðahúsaröðina á svæði sem í dag
er nýtt undir bílastæði. Hæð og um-
fang nýju lengjunnar sé í takt við
gömlu verbúðirnar en með kvistum
svo efri hæðirnar nýtist betur. Bíla-
kjallari, rúmir 500 fermetrar, verði
með einfaldri akbraut meðfram
Geirsgötu 9 niður í kjallarann. Þar
verða stæði fyrir 20 bíla.
Skipulagsfulltrúinn segir að nýja
verbúðalengjan sé í takt við hug-
myndir sem áður hafa komið fram.
Ný verbúðalengja, með starfsemi í
fjórum bilum, muni styðja vel við þá
starfsemi sem fyrir er á svæðinu og
verða skemmtileg viðbót í stað bíla-
stæðanna sem nú eru þar.
„Tekið er undir þá afstöðu, sem
tekin er í tillögunni, að herma ekki
um of eftir hinum verbúðunum en
taka fremur mið af hlutföllum þeirra.
Nýja verbúðalengjan mun þannig
verða hönnuð á nútímalegan hátt en
ekki vera einhvers konar söguföls-
un,“ segir Hildur.
Til stendur að vinna heildar-
skipulag fyrir vesturhafnarsvæði
Gömlu hafnarinnar en það er mat
Hildar að þessi deiliskipulagsbreyt-
ing þurfi ekki að bíða þeirrar vinnu.
Upphaf verbúðanna við Suðurbugt
má rekja tæp 90 ár aftur í tímann eða
til ársins 1933. Það ár sótti hafnar-
stjórn Reykjavíkur um byggingar-
leyfi fyrir 10 verbúðum úr timbri á
uppfyllingu hafnarinnar við
Tryggvagötu, austan Slippsins.
Bygginganefnd samþykkti umsókn-
ina með því skilyrði að útveggir væru
úr steini eða steinsteypu. Þetta voru
einlyft hús með porti og risi og stærð
hvers húss var 106,2 fermetrar. Í bók
Guðjóns Friðrikssonar sagnfræðings
„Hér heilsast skipin“ segir að með
byggingu verbúðanna hafi hafnar-
nefndin viljað freista þess að efla vél-
bátaútgerð í Reykjavík, en togara-
útgerð stóð þá höllum fæti. Hver
verbúð var ætluð 1-2 vélbátum.
Í orðabókum stendur að verbúð
þýði sjóbúð, bústaður í verðstöð,
skýli handa vermönnum. Enda var
það upphaflegt hlutverk verbúðanna
við Geirsgötu. Á aðalhæðinni voru
fiskvinnslusalir og fisk- og salt-
geymslur. Á efri hæðum var aðstaða
til beitingar, veiðarfrærageymslur
og svefnaðstaða fyrir sjómenn. Til-
tekið er í lýsingu, svo dæmi sé tekið,
að í verbúð 10 hafi verið átta föst
rúmstæði í rishæð.
Árið 2008 samþykkti stjórn Faxa-
flóahafna að heimila breytta og víð-
tækari nýtingu verbúðanna við
Geirsgötu og var öllum fyrri leigj-
endum sagt upp, þar á meðal
útgerðarmönnum fiskiskipa. Ver-
búðirnar hafa síðan þáverið endur-
nýjaðar, að utan sem innan.
Nú má finna í verbúðunum gömlu
við Geirsgötu veitingahús, verslanir
og þjónustufyrirtæki, sem drógu að
sér þúsundir manna dag hvern áður
en kórónufaraldurinn hófst.
Stórir gluggar Hér má sjá nýja húsið, séð frá Suðurbugt í Gömlu höfninni.
Myndir/ASK arkitektar
Nýja verbúðin Hér má sjá hvernig arkitektarnir sjá fyrir sér útlit hússins, séð frá Geirsgötu. Hafnarbúðir til hægri.
Ný „verbúð“ rísi við Gömlu höfnina
- Tekið jákvætt í ósk um að byggja fjórðu verbúðalengjuna - Útgerðin vék fyrir veitingahúsum
Morgunblaðið/sisi
Grænu verbúðirnar Þær fengu nýtt hlutverk og hafa reynst mikið aðdrátt-
arafl, sérstaklega fyrir erlenda ferðamenn áður en Covid-19 brast á.
Íbúar í Fjarðabyggð voru í byrjun
mars sl. 5.080 talsins, skv. nýjum töl-
um sem birtar eru á vef sveitarfé-
lagsins. Frá 2017 hefur fólki fjölgað
hægt ár frá ári. Mesta fjölgunin hef-
ur orðið á Reyðarfirði, eða um 65%
frá árinu 2006, en um það leyti kom-
ust framkvæmdir við byggingu Al-
coa á skrið. Í dag veitir álverið
hundruðum fólks vinnu. Reyðfirð-
ingar eru nú 1.361.
Frá 2006 hefur íbúum á Fáskrúðs-
firði fjölgað um 10% og eru þeir nú
738. Eskfirðingar eru 1.064 og hefur
fjölgað um 10% á sl. 15 árum.
Í dag eiga alls 829 manns frá 49
löndum, með erlendan ríkisborg-
ararétt, lögheimili í Fjarðabyggð.
Þar eru Pólverjarnir fjölmennastir,
eða alls 508. Litháar eru 59, Rúmen-
ar 37 og Lettar 33. Þá býr í Fjarða-
byggð fjöldi fólks með annað ríkis-
fang, aðeins einn frá hverju landi.
Þar má nefna fólk frá Albaníu, Pal-
estínu, Sviss, Hollandi, Perú,
Mexíkó og Indlandi – sem aftur
staðfestir að Fjarðabyggð er fjöl-
þjóðlegt samfélag. sbs@mbl.is
Fjölþjóðleg Fjarðabyggð
Morgunblaðið/Golli
Fjarðabyggð Íbúum sveitarfé-
lagsins fjölgar mest á Reyðarfirði.