Morgunblaðið - 10.04.2021, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 10. APRÍL 2021
VERIÐ
VELKOMIN Í
SJÓNMÆLINGU
Hamraborg 10, Kópavogi, sími 554 3200
Opið: Virka daga 9.30–18, laugardaga 11-14
Helgi Bjarnason
helgi@mbl.is
Búnaður sem keyptur var á árinu
2019 til að dæla sandi af botni hafn-
armynnis Landeyjahafnar liggur
ónotaður í geymslu hjá Vegagerð-
inni. Óvíst er hvort hann verður
nokkurn tímann settur upp.
Ráðist var í miklar framkvæmdir
á árinu 2019 við að lagfæra Land-
eyjahöfn. Kostnaður við verklegar
framkvæmdir var um milljarður þá
um sumarið. Fólst hann í því að
stækka innri höfnina og skýla henni
fyrir öldu, til að draga úr ókyrrð við
ferjubryggjuna.
Herjólfsmenn áhyggjufullir
Einnig var undirbúið að koma upp
búnaði við hafnarkjaftinn til þess að
geta dælt sandi úr hafnarmynninu. Í
því skyni var lagður vegur út eystri
hafnargarðinn. Var það mikil og
kostnaðarsöm framkvæmd. Tilgang-
urinn var að skapa aðstöðu til að aka
krana með dælubúnaðinn út á hafn-
arhausinn og til baka. Þar átti að
reka niður tunnulaga stálþil og
steypa þekju ofan á sem aðstöðu fyr-
ir tækin. Vegurinn nýtist einnig sem
neyðarvegur ef slys verða í hafnar-
mynninu.
Dælurnar og tilheyrandi lagnir
voru keyptar. Þegar byrjað var á
framkvæmdum við tunnurnar gerðu
skipstjórar Herjólfs athugasemdir.
Töldu þeir að þrenging hafnarmynn-
isins myndi gera það hættulegra að
sigla inn í höfnina. Fannar Gíslason,
forstöðumaður hafnadeildar Vega-
gerðarinnar, segir að rök skipstjór-
anna hafi haft mikið vægi og hafi
framkvæmdum og uppsetningu bún-
aðarins verið frestað á meðan málið
væri athugað betur. Hann getur
þess að nýr Herjólfur hafi verið
kominn í gagnið og stjórnhæfni
skipsins ekki þótt nægilega góð í
upphafi. Ef til vill hafi það haft áhrif
á afstöðu skipstjóranna.
Dælurnar fóru í geymslu en Fann-
ar segir að önnur aðkallandi verk-
efni starfsmanna hafnadeildar hafi
tafið það að framkvæmdin væri end-
urmetin.
Fannar svarar því hiklaust játandi
þegar hann er spurður hvort ekki
hafi eitthvað farið úrskeiðis við und-
irbúning framkvæmdarinnar, fyrst
þetta fór svona. Á fundinum með
Herjólfsmönnum hafi komið fram
spurningar sem Vegagerðin hafi
ekki getað svarað. Vonast Fannar þó
til þess að hægt verði að endurmeta
þörfina fyrir þessa framkvæmd í
haust.
Gengið vel hjá Herjólfi
Dælubúnaðurinn sjálfur kostaði
um 30 milljónir kr. Auk þess var
byrjað á framkvæmdum við tunnuna
á eystri garðsendanum. Til stóð að
koma sams konar aðstöðu fyrir á
eystri garðinum.
Staðan í Landeyjahöfn hefur verið
góð í vetur og segir Fannar hugs-
anlegt að búnaðurinn hefði ekki nýst
í vetur, þótt hann hefði verið kominn
upp. Nýi Herjólfur hafi reynst vel.
Hann sigli alltaf þegar fært ervegna
öldugangs og vindhæðar. Sandur
hafi aðeins hamlað siglingum í tvær
til þrjár vikur í febrúar og þá hafi
sjávarföll ráðið siglingum. Dæluskip
hefur verið tilbúið til verka við
Landeyjahöfn í vetur.
Dælubúnaður ónotaður í geymslu
- Óvíst hvort botn-
dælurnar verða sett-
ar upp á garðsenda
Landeyjahafnar
Morgunblaðið/Helgi Bjarnason
Hafnarmynni Framkvæmdir við athafnapláss á eystri garðsendanum hófust sumarið 2019 en voru stöðvaðar vegna óvissu um gagnsemi fyrir siglingar.
Tölur um afkomu bæði Kópavogs-
bæjar og Hafnarfjarðarbæjar á síð-
asta ári liggja nú fyrir en bæjar-
félögin hafa birt ársreikninga fyrir
árið 2020. Rekstrarafgangur Kópa-
vogsbæjar var 325 milljónir kr. á
seinasta ári og er haft eftir Ármanni
Kr. Ólafssyni bæjarstjóra í tilkynn-
ingu að afkoman sé miklu betri en
búast mátti við eftir að faraldur kór-
ónuverunnar skall á.
Í Hafnarfirði var rekstrar-
afgangur fyrir A- og B-hluta bæjar-
sjóðs í fyrra 2.264 milljónir kr. en
áætlanir gerðu ráð fyrir 307 milljóna
króna halla. Er mismunurinn að
stórum hluta rakinn til sölu á liðlega
15% hlut bæjarins í HS Veitum hf. í
fyrra og lóðasölu en hagnaðurinn af
sölunni í HS Veitum nam 2.553 millj-
ónum kr. Í tilkynningu bæjarins um
útkomuna kemur fram að þrátt fyrir
neikvæð áhrif af völdum veirufarald-
ursins hafi grunnrekstur bæjarsjóðs
verið traustur.
Haft er eftir Rósu Guðbjarts-
dóttur bæjarstjóra að Hafnarfjörður
hafi mætt neikvæðum áhrifum far-
aldursins með því að styrkja efna-
hagslegar undirstöður sveitarfé-
lagsins. Skuldaviðmið bæjarsjóðs
hafi farið stöðugt lækkandi og eftir
söluna á hlutnum í HS Veitum hafi
það aldrei verið lægra. Nú sé hægt
að snúa vörn í sókn. Fram kemur að
greiðslur langtímaskulda námu alls
um 3,2 milljörðum króna í fyrra en
tekin voru ný lán á árinu fyrir um 3,8
milljarða kr. Skuldaviðmiðið hafði
lækkað í 101% um seinustu áramót
en var 112% í árslok 2019.
Skuldir Kópavogsbæjar við lána-
stofnanir lækkuðu að raungildi í
fyrra að teknu tilliti til verðbólgu.
„Hins vegar komu inn aðrir þættir
eins og hækkun lífeyrisskuldbind-
inga og dómur í Vatnsendamáli, sem
féll 23. desember síðastliðinn. Dóm-
urinn leiðir til hækkunar heildar-
skulda og þar með til hækkunar
skuldaviðmiðs úr 102% í 105% en
viðmið samkvæmt lögum er 150%,“
segir í tilkynningu.
Meðal stærstu verkefna á vegum
Kópavogsbæjar eru bygging þjón-
ustuíbúða í Fossvogsbrún sem ætlað
er að ljúka 2021, lok framkvæmda
við húsnæði Skólahljómsveitar
Kópavogs, endurnýjun íþróttahúss í
Digranesi og undirbúningur nýs
Kársnesskóla. Meðal helstu fram-
kvæmda í Hafnarfirði voru bygging
nýs skóla í Skarðshlíð, endurgerð
Sólvangs, framkvæmdir við vatns-
og fráveitu, gatnagerð og hafnar-
mannvirki.
Betri afkoma en búist var við
- Kópavogur og Hafnarfjörður kynna útkomuna 2020
Fjöldi farfugla var á vappi í fjörunni á Eyrar-
bakka í fyrradag. Á myndinni má sjá hóp skóg-
arþrasta sem alla jafna eru ekki vanir að leita í
fjöru eftir æti. Skýringin er eflaust sú að erfitt
er fyrir þrestina að sækja hefðbundna fæðu eins
og skordý meðan jörð er frosin og hulin snjó.
Þarna hafa þeir trúlega verið að sækja í þang-
flugu, sem tildrurnar fjórar og heiðlóurnar tvær
eru vanar að nýta sér.
Morgunblaðið/Jóhann Óli Hilmarsson
Veisluborð í fjörunni á Eyrarbakka
Þrjú kórónuveirusmit greindust
innanlands á fimmtudag, öll við ein-
kennasýnatöku. Tvö smitanna
greindust í fólki í sóttkví og eitt ut-
an sóttkvíar.
Alls voru 103 í einangrun á Ís-
landi í gær, þar af 82 á höfuðborg-
arsvæðinu og 13 á Suðurlandi. 111
voru í sóttkví, langflestir á höf-
uðborgarsvæðinu eða 91. 1.447
voru í skimunarsóttkví. Einn beið
niðurstöðu mótefnamælingar á
landamærunum en ekkert annað
smit greindist þar á fimmtudag.
Fjögur smit voru meðal barna á
aldrinum 1-5 ára, 21 smit var á
meðal barna á aldrinum 6-12 ára og
fimm í aldurshópnum 13-17 ára.
Í aldurshópnum 18-29 ára voru
16 smit. 30 smit voru í aldurs-
hópnum 30-39 ára. 20 smit voru í
aldurshópnum 40-49 ára. Fjögur
smit voru í aldurshópnum 50-59
ára, eitt meðal fólks á sjötugsaldri
og tveir á áttræðisaldri eru með Co-
vid-19.
Nýgengi smita innanlands á
hverja 100 þúsund íbúa er nú 20,7.
Þrjú smit greindust
innanlands og eitt
var utan sóttkvíar